25 febrero 2021

XOVES CONTO

 Hoxe vos presentamos un vídeo dun poema de Rosalía de Castro elaborado polos alumnos do CEIP Pousada Carcacía.



Tamén amosamos un vídeo elaborado polos alumnos do cole Juan Rey de Lourenzá sobre a vida de Rosalía de Castro.



24 febrero 2021

24 DE FEBREIRO: DÍA DE ROSALÍA DE CASTRO

 Aquí vos presentamos unha pequena mostra das actividades que realizaron as diferentes aulas para conmemorar este día tan especial, o Día de Rosalía de Castro.

As aulas de cuarto de primaria escribiron anacos de poemiñas en cadros de metacrilato que logo se colgaron no pavillón principal. Tamén fixeron un flip-book sobre Rosalía de Castro, un monicreque articulado e están elaborando un títere de Rosalía.

As aulas de segundo fixeron as flores a Rosalía, prepararon un broche e investigaron sobre a obra de Rosalía de Castro.

As aulas de 3 e 4 anos elaboraron un collage sobre a figura de Rosalía.

As aulas de 5 anos fixeron unha ficha sobre Rosalía e escoitaron varios dos seus poemas

As aulas de primeiro realizaron tamén diversas fichas sobre a obra de Rosalía e aprenderon algúns dos seus poemas.

Tamén fixeron uns títeres de Rosalía xa que participan, xunto con outras aulas do cole,  nuns obradoiros do Proxecto Barriga Verde sobre o títere tradicional. Tedes a información no seguinte enlace:

https://www.facebook.com/371478046277214/posts/3740445199380465/

As aulas de terceiro fixeron as flores a Rosalía cunha poesía, diferentes fichas sobre a súa vida e obra e están elaborando un títere que rematarán nos próximos días.

As aulas de quinto elaboraron as flores a Rosalía e fixeron diferentes actividades propostas no blogue da biblioteca.

As aulas de sexto realizaron tamén diferentes actividades sobre a vida e obra da autora.

Ao longo desta semana intentaremos subir máis fotos.



19 febrero 2021

XOGANDO CON ROSALÍA DE CASTRO

Hoxe compartimos un xogo de escapismo sobre Rosalía de Castro elaborado por dúas mestras moi xenerosas: Ana Sánchez e Alba Carril. Canto sabedes de Rosalía?

Esperamos que vos guste!


18 febrero 2021

APRENDEMOS SOBRE ROSALÍA DE CASTRO

 Aquí amosámosvos unha presentación sobre Rosalía con moitísima información sobre a súa vida e obra, así como diferentes actividades para todos os ciclos. Esta presentación foi realizada por unha mestra doutro cole chamada Marta. Moitas grazas pola túa xenerosidade profe Marta.

Botádelle unha ollada!

XOVES-CONTO: O INCRIBLE NENO DEVORADOR DE LIBROS

 Un xoves máis traemos outro vídeo-conto. Esperamos que vos guste.




15 febrero 2021

DÍA DA PAZ E DÍA DA ILUSTRACIÓN 2021

 Este ano non puidemos celebrar o Día da Paz todos xuntos, pero celebrámolo igualmente dun xeito moi especial.

Cada aula escolleu un cadro e "deulle unha volta" cambiando o sentimento que aparecía no cadro por outro. Así, neste vídeo, podedes ver os artistas e os cadros que cada aula elixiu e a transformación que lle fixeron á súa obra.

Deste xeito tamén traballamos a ilustración.



Gústavos o resultado final?



12 febrero 2021

11FEBREIRO#NO MORE MATILDAS

 Aquí podedes ver o mural informativo sobre o movemento No More Matildas que colocamos no pavillón principal.


Tamén elaboramos un álbum onde podedes ver as fotos das nenas que participaron. Pegamos as fotos polas ventás e nos corredores do colexio.
Nos próximos días iremos subindo as que faltan xa que hoxe non puidemos fotografar a todas. Picade na imaxe para entrar no álbum.






10 febrero 2021

XOGANDO E APRENDENDO#ESPAZO FEDELLEIRO

 Este curso, como é moi complicado que todas as aulas poidan vir ao Espazo Fedelleiro xa que as nosas aulas son moi numerosas, o Equipo de Biblioteca decidiu levar os materiais e xogos ás aulas para que poidades seguir fedellando.

Preparouse unha caixa con diferentes materiais para cada nivel. Os titores serán os encargados da desinfección e cuarentena das mesmas, así como da supervisión do correcto uso dos materiais que conteñen ditas caixas.

Tamén faremos un calendario para que poidades levar a mesa de luz ás vosas aulas.

Estamos organizando  o espazo para que poidades usar o croma.

Como podedes ver, algunhas aulas xa nos enviaron fotos amosándonos o ben que o pasan cos xogos destas caixas.

Picade na imaxe para ver máis fotografías.







11 FEBREIRO: DÍA INTERNACIONAL DA MULLER E DA NENA NA CIENCIA

 

Mañá é 11F. Día Internacional da Muller e da Nena da Ciencia 2021.

Dende o Club de Ciencia este ano propoñemos apoiar e facer visible o movemento #NoMoreMatildas.

Esta campaña denuncia o fenómeno coñecido como "Efecto Matilda", onde moitas científicas foron relegadas ao esquecemento, xa que os seus méritos foron desfrutados por homes do seu círculo (compañeiros ou familiares), simplemente polo feito de seren mulleres. Ao mesmo tempo, esta campaña intenta recuperar o protagonismo desas científicas que nunca deberon ser invisibles.

É unha campaña  iniciada pola Asociación de Mulleres Investigadoras e Tecnólogas (AMIT), co fin de fomentar a vocación científica en nenas e adolescentes, así como aumentar a presenza de mulleres científicas obviadas nos textos escolares.

Aquí podedes ver o vídeo  da campaña.




Este é o manifesto da campaña:





Este é un anexo para incluir nos libros de texto de 5º de Primaria:



O Efecto Matilda privou a moitas científicas de aparecer nos libros.
Imaxínaste como sería a vida de algúns dos científicos máis brillantes se fosen mulleres? Imaxinémolo....


De seguido presentamos a Hipotética vida de Matilda Fleming 





Tedes toda a información sobre este movemento na súa páxina web: www.nomorematildas.com


Animádevos a dar a cara por todas as científicas ignoradas. Nós xa o fixemos.
Únete!

instagram #NoMoreMatildas

#NoMoreMatildas
#mujeresyciencia
#DíaDeLaNiñaYLaMujerEnLaCiencia
#11f

CONSIGNAS DO TORIBIÑO:XOVES

 


09 febrero 2021

ENTROIDO 2021

 

Aos Bolechas tamén lles gusta moito o Entroido. Picade na imaxe para descubrir cousiñas ben  curiosas desta antiga tradición.





Se picades na imaxe tedes unha serie de materias elaborados polos membros do Seminario Galán. Esperamos que vos sexan de utilidade.



Aquí tedes unhas imaxes para colorear elaboradas polos mestres e mestras do CRA de Bergondo.



CONSIGNAS DO TORIBIÑO:MÉRCORES

 


05 febrero 2021

CONSIGNAS DO TORIBIÑO: LUNS

 Para a semana seguiremos as consignas do Toribiño e deste xeito imos preparándonos para o Entroido




04 febrero 2021

CELEBRAMOS O DÍA DA CANDELORIA

 Este ano tamén celebramos o día da Candeloria. Mirade que tarxetiñas máis xeitosiñas fixeron os de primeiro.