OBRADOIRO DE BICHOS "TOCA, TOCA"

 Hoxe o alumnado de 3º e 34º de E.P. desfrutou dun obradoiro de bichos levado a cabo polo entomólogo Miguel Santamaría. Puideron ver e tocar diferentes bichos e coñecer aspectos da súa vida.

XOGOS SOBRE CASTELAO

 Despois de analizar os carteis que elaborastes,  propoñémosvos varios xogos.

Empezaremos cunha Roda de  Castelao.

Despois tedes dous cuestionarios, un cuestionario con 15 preguntas para 2º ciclo e outro con 30 preguntas para 3º ciclo.

Para poder facelos tedes que ir ata o corredor do pavillón principal onde están os cartaces. Facede grupos e levade unha tablet por grupo e deste xeito podedes ir contestando as preguntas mentras atopades a información necesaria. Animádesvos?

CUESTIONARIO  2º CICLO

CUESTIONARIO 3º CICLO

Explore more at Quizizz.

DIA DA PAZ

Para celebrar o Día da Paz fixemos un pequeno acto no porche de Infantil no que participaron diferentes aulas.

 

ANO DE CASTELAO

 Durante este ano realizaremos varias actividades sobre Castelao xa que o noso cole leva o seu nome.

Empezamos cunha exposición sobre a súa vida na entrada do pavillón principal e un photocall no pavillón de E. Infantil.

Continuamos cunha liña do tempo. Cada aula investigou e fixo un cartel. Aquí tedes unha pequena mostra dalgún deles.

 

XORNADA DE PORTAS ABERTAS

Animádevos a visitar o noso cole!

Participamos en diferentes contratos Programa polo que os nenos e nenas participan en diferentes obradoiros ( reciclaxe, robótica, emocións, sostibilidade...). Tamén temos Club de Ciencia,  servizo de biblioteca polas tardes e un montón de actividades extraescolares organizadas pola Anpa.

 

NOVIDADES XANEIRO

 

CALENDARIO 2025

 Outro ano máis  colaboramos co EDLG na elaboración do calendario deste ano 2025. 

CELEBRANDO O DÍA DA PAZ

 Hoxe, 30 de xaneiro, celebramos o Día da Paz.  

Como tódolos anos xuntámonos todo o cole no porche de infantil para realizar un acto.

Un grupo de rapaces de 6° A e 6° B leron un manifesto e amosáronnos tamén unha presentación. Para rematar cantamos a canción Paz, paz, paz de Juanes.

CHARLAS "COME LOCAL"

 Esta semana os rapaces e rapazas de 5° e 6° recibiron unhas charlas da campaña  "Come local" na que está participando o colexio.

OBRADOIROS SOBRE ENERXÍA

 Esta semana tivemos uns obradoiros sobre enerxía a cargo da Fundación Naturgy nos que participou todo o alumnado en diferentes quendas.

Aquí tedes unha pequena mostra dalgunhas das actividades que realizaron.

IMPRESORA 3 D

 Este xoves os alumnos de 2° de E.P. estiveron coa mestra María diseñando e facendo un colgante do símbolo da paz.

PROGRAMANDO O UNIVERSO

 

Este mércores o alumnado de 5º de Educación Primaria tamén tivo unha actividade STEAM denominada "Programando o Universo".

Nesta ocasión traballaron programación e plastilina conductora. Tamén empregaron unha placa micro:bit.

EMPREGANDO A IMPRESORA 3 D

 Esta semana a clase de 5 anos B coñeceu, da man da profe María, como funciona a impresora 3D. Aprenderon moito e viron como a frecha da pantalla se convirteu nunha frecha de plástico.

COIDANDO DAS NOSAS AVES

Aquí tedes unhas imaxes da actividade.

 

XOGOS EN FAMILIA

A Biblioteca escolar xunto coa Anpa Os Gudiños, organizamos XOGOS EN FAMILIA os terceiros venres de cada mes, de 16:00 a 18:00.

Estades todas as familias convidadas a vir a pasar unha tarde no cole diferente e divertida.

Animádevos!

DÍA DA PAZ: CAMIÑO POLA PAZ

 Como tódolos anos, fixemos unha exposición de libros sobre a Paz na biblioteca. 

Este ano para conmemorar o Día da Paz elaboramos un mural con diferentes imaxes de Rianxo. O título elixido para este traballo foi "Camiño pola Paz" xa que o Camiño de Santiago pasa pola nosa vila.

Cada aula elixiu un lugar de Rianxo ou un lugar polo que pasara o Camiño de Santiago que lle gustara especialmente. Para iso os rapaces e rapazas sacaron fotos no seu tempo de lecer e logo trouxéronas ás súas aulas. Unha vez alí, realizaron un traballo de selección entre todos. 

Logo plasmaron esa foto no mural empregando papel con diferentes formatos e texturas. O resultado final foi moi interesante.

Podedes ver a praia das Cunchas,  a praia da Torre, o paseo do río Té, o paseo do Castelo da Lúa, a igrexa de Rianxo ao atardecer... ata o famoso Faro de Corrubedo.

 Gústavos?

DÍA DA PAZ E DÍA DA ILUSTRACIÓN 2021

 Este ano non puidemos celebrar o Día da Paz todos xuntos, pero celebrámolo igualmente dun xeito moi especial.

Cada aula escolleu un cadro e "deulle unha volta" cambiando o sentimento que aparecía no cadro por outro. Así, neste vídeo, podedes ver os artistas e os cadros que cada aula elixiu e a transformación que lle fixeron á súa obra.

Deste xeito tamén traballamos a ilustración.

Gústavos o resultado final?

ACTIVIDADE PARA O DÍA DA PAZ

 Os equipos de Dinamización da Lingua Galega, Extraescolares e Biblioteca do centro propoñemos esta actividade na que mesturaremos arte e emoción e así conmemorar o Día da Paz e Non Violencia.

CHARLA SOBRE PLANTACIÓN E REFORESTACIÓN

Hoxe estivo con nós Emilio Saborido, membro da asociación Fousas ao monte, quen veu darlles unha charla ao alumnado de 4 de primaria sobre plantación e reforestación.

Estiveron atentísimos xa que para o vindeiro mes irán prantar eles mesmos ao monte.

BIBLIOTECA CREATIVA: OBRADOIROS DE E-TÉXTILES

Este venres 24 de xanairo leváronse a cabo na nosa biblioteca uns obradoiros de experimentación sobre E- téxtiles a cargo de Paola Guimaráns, especialista en educación na área de e- téxtiles e impulsora da iniciativa educativa aula STEAM.

O alumnado de 4 de primaria tivo a sorte de experimentar con circuitos e papel, circuitos e téxtiles, e un obradoiro de Makey Makey en Scratch. Unha nova e divertida forma de aprender e combinar arte, ciencia e tecnoloxía.