ACTIVIDADES SEMANA DO SAMAÍN

 Aquí podedes ver as actividades que realizaremos durante esta semana.

Estade atentos porque teremos curtas de medo nos recreos!

CURTAS DE MEDO POLO SAMAÍN

 Esta semana temos curtas de medo na biblioteca durante o recreo. 

Animádevos!

CONTOS DE MEDO E OBRADOIROS ALUCINANTES NO SAMAÍN

 Durante esta semana desfrutamos duns contacontos realizados pola rapazada de 5° e 6° e tamén duns obradoiros organizados polos compañeiros de Equipo de Dinamización da Lingua Galega.

Aquí tedes unha pequena mostra do ben que o fixeron.

Rapazada de 5° A contando A min non me comas!

Nenos e nenas de 6°A contando Leotolda.

Rapaces e rapazas de 5° B representando A figueira de Pelostortos. 

E aquí tedes unha mostra dos diferentes obradoiros que fixeron: luz negra, maquillaxe e pintura fluorescente...Pasámolo xenial!

CELEBRAMOS O SAMAÍN

Este ano volvemos celebrar o Samaín no colexio e recuperamos a tradición das cabazas decoradas. 

Houbo cabazas de todo tipo: unicornios, bruxas, fadas...ata tivemos cabazas peregrinas.

Picade na imaxe para poder ver as cabazas que trouxo o alumnado e tamén os seus disfraces.

A nós gustáronnos moitísimo! E a vós?

CONTOS TERRORÍFICOS PARA CELEBRAR O SAMAÍN

Como ben sabedes, o venres celebramos o Samaín no colexio. Para celebralo, os rapaces de 5º crearon contos de terror. Cada neno creou o seu monstro e inventou un conto de medo para ler o día de Samaín.

Fixérono nas súas aulas xa que como sabedes aínda non podemos xuntar grupos. 

Como vedes, leron na penumbra.  Algúns contos daban moito meeedoooo!

REUTILIZANDO NO SAMAÍN

Os rapaces e rapazas de segundo fixeron unhas fermosísimas lámpada- cabazas con botes de vidro.

                                     

                                      Samain de bibliocastelao

SAMAÍN 2019

Outro ano mais celebramos o Samaín no colexio. Como ben sendo costume, o equipo de Biblioteca e o EDLG traballamos conxuntamente para preparar esta xornada que tanto lle gusta ao noso alumnado.

Moitas cabazas viñeron decoradas coa temática de ciencia e o medioambiente. Aquí podedes ver uns exemplos.

Ademais, os alumnos de 5º B prepararon unha obra de teatro moi divertida. Para rematar todos cantamos a canción Medo me da, de María Fumaça.

Aquí tedes algunhas imaxes de todas as cabazas que se fixeron e da nosa celebración. Picade  na imaxe para ver máis fotos.

                                              
Que ben o pasamos!

CURTAS SAMAIN 2019

Aquí podedes ver as curtas de medo que proxectaremos esta semana durante os recreos na biblioteca.

1. A incrible historia da nena paxaro e o neno terrible. (  11 min.)

2. Os difuntos falaban castelao. ( 9 min)

3. Carabuñas. (11 min.)

4. La pantera rosa. Pánico rosa. (  5 min.)

5. La pantera rosa. Sangre rosa. (7 min.)

Vinde pasar un anaco terrorífico con nós!

Curta Larva Cartoon

CURTA O NENO QUE BURLOU A MORTE

CURTA SAMAÍN. LOBO FEROZ

ESPERÁMOSTE NA BIBLIOTECA.

Curta de Medo: Os defuntos falaban Castelao.

Curta de Medo: A vella na botella

Curta de medo: A min non me comas!

A MIN NON ME COMAS!

Curta de medo. Fiz o coleccionista de medos

Curtas de Medo. A bruxa Regañadentes

Canción para o Samaín

Aquí tendes a letra para descargar. Letra escolar e letra cursiva.

Chega o Samaín!

Contos de Medo

O xoves contáronse algúns contos de medo na biblioteca e nas aulas. Aquí temos a Laura e a Lucía contándonos o conto:

A nena da saba branca.

Puxéronsenos os pelos de punta e a pel de galiña do medo que nos fixeron pasar.

Noraboa contadoras!

Os nenos e nenas de 2º A, cos seus títeres contáronlle " Tío Lobo" aos nenos e nenas de catro anos de Infantil. Un conto tradicional italiano, de inesperado final.

Moi ben!