CONTACONTOS DE KALANDRAKA

 Hoxe tivemos un contacontos moi especial. Recibimos a visita do grandísimo Paco Nogueiras que estivo cos pequerrechos de Educación Infantil. 

Escoitamos, cantamos e bailamos, 

que ben o pasamos!

CONTACONTOS

 Hoxe os rapaces e rapazas de 3° de E.P. tiveron un contacontos titulado "Rachando co guión". Rachando co guión. 

Nenos e nenas representaron con monicreques diferentes situacións da vida diaria, onde existía algún tipo de machismo ou micromachismo e logo reflexión e charla.

Este contacontos foi ofertado por Consorcio Editorial.

CONTACONTOS PARA INFANTIL

 Hoxe tivemos un contacontos a cargo de Paco Nogueira. Os pequenos e pequenas de infantil pasárono xenial.

AS FAMILIAS CONTAN

 Moitas grazas a todas as familias que vos achegastes ata o cole a contarlles un conto aos compañeiros dos vosos fillos e fillas durante o mes do libro.

Para o ano repetiremos a actividades e xa comezaremos cos contacontos a principios de abril.

A Que Sabe a Lúa

 O curso pasado o alumnado de 6º B creou unha versión de 

                    A Que Sabe a Lúa

en Stopmotion dentro das actividades de Literatura e Creatividade de Educación Responsable da Fundación Botín e coa voráxine de fin de curso non nos demos conta de que non o compartíramos con todos vós. 

A que fixeron un gran traballo?

ACTIVIDADES MES DO LIBRO

 

Durante estas semanas continuamos con actividades de animación á lectura levadas a cabo pola rapazada de 5º e 6º de E. P.

O venres pasado fixemos un Apadriñamento lector de nenos e nenas de 5º A e 6º B cos rapaces e rapazas de 5 anos de E. I. Aproveitando o bo tempo sentáronse nas pistas para gozar do sol e da lectura. 

Ademáis,  Saúl e Pedro de 5° B contáronlles o conto Atrapamiradas aos compañeiros de 3 anos de E. I. Tamén Valeria e Daniela se animaron a contarlles o conto Aborréceste Minimoni?

Esta semana seguimos cos contacontos. O venres, o grupo formado por Gael, Adrián, Martín, Mateo e Óscar contoulles o conto  Andrés o mentireiro aos nenos e nenas de 1° A e o grupo formado por Paula, Lucía, María e Ainhoa contáronlles o conto Brunilda aos rapaces e rapazas de 1° B.

O alumnado de 2° tamén desfrutou duns contacontos. Mauro e Gael de 6°A contáronlle Paco, Papán aos nenos de 2° B.

Pepe e Juan Raúl contáronlles A toupiña que quería saber quen lle fixera aquilo na cabeza aos rapaces e rapazas de 2° A.

CONTACONTOS: PACO NOGUEIRAS

 

Hoxe os nenos e nenas de Educación Infantil recibiron a visita de Paco Nogueiras, quen lles cantou varios dos contos que máis lles gustan, como Chibos, chibóns ou Do, Re, Mi.

Mirade que ben o pasaron!

23 ABRIL: DÍA DO LIBRO

 O luns , como é tradición no centro, tódalas aulas recibiron un libro como agasallo da Xouba Castelao polo Día do Libro.

Rapaces de 4º A co seu agasallo.

Tamén fixemos o xogo do Amigo Invisible entre o profesorado con libros novos e usados.

Os nenos e nenas de Infantil, 1º, 2º e 3º desfrutaron dun contacontos da man de Xanela do Maxín, ofertada polo Consorcio Editorial Galego.

Tivemos Xoves Conto no recreo na biblioteca a cargo de Gabriela, Alexia e Carla, de 6º A, que contaron O pirata pata de lata.

O venres Valeria, Julia Suárez, Alba e Sabela  contáronlle un conto aos nenos e nenas das aulas de 4 anos.

Todos desfrutaron moitísimo!

CONTOS DE MEDO E OBRADOIROS ALUCINANTES NO SAMAÍN

 Durante esta semana desfrutamos duns contacontos realizados pola rapazada de 5° e 6° e tamén duns obradoiros organizados polos compañeiros de Equipo de Dinamización da Lingua Galega.

Aquí tedes unha pequena mostra do ben que o fixeron.

Rapazada de 5° A contando A min non me comas!

Nenos e nenas de 6°A contando Leotolda.

Rapaces e rapazas de 5° B representando A figueira de Pelostortos. 

E aquí tedes unha mostra dos diferentes obradoiros que fixeron: luz negra, maquillaxe e pintura fluorescente...Pasámolo xenial!

ACTUACIÓN MUSICAL PARA INFANTIL: PACO NOGUEIRAS

 Esta semana recibimos a visita de Paco Nogueiras, quen fixo unha fabulosa actuación  para Educación Infantil ofertada por Kalandraka. Xa sabemos que somos moitos, pero Paco tivo moita paciencia con nós.

Graciñas Paco e volta cando queiras!

HOMENAXE A ANTONIO FRAGUAS NO AUDITORIO

Hoxe foron ao Auditorio Municipal 1º, 2º e 4º de E.P. Nesta ocasión, Charo Pita e Xoán Curiel, autores de Canta miña pedra canta homenaxearon a Antonio Fraguas, autor ao que se lle dedicaron as Letras Galegas este ano. Falaron da súa vida e dos seus logros mentres intercalaban cancións do seu libro-disco.

Estivo moi interesante!

MONICRECES NO AUDITORIO

O venres 3 de maio os alumnos de Infantil, primeiro, segundo e terceiron baixaron ata o auditorio. Disfrutaron dunha actuación de monicreces a cargo do Consorcio Editotial Galego.

Gustoulles moitísimo!

VISITA DE ÁNXELA LOUREIRO

O venres 29 de febreiro recibimos a visita da escritora Ánxela Loureiro para os terceiros. Veu falarnos dalgunhas das súas obras: Viaxe de ida e volta, Ota quere voar e Choiva de rás.

VISITA DE PAULA CARBALLEIRA

Este martes 26 de febreiro recibimos a visita de Paula Carballeira. Nesta ocasión foron os terceiros e os cuartos os que disfrutaron das historias desta incrible escritora. 
Esta vez Paula ven falarnos do seu libro Bruxa e familia.

CONTACONTOS O COCIÑEIRO MARTIÑO

O 25 de febreiro o alumnado de Educación infantil, primeiro e segundo de E.P. baixaron ata o Auditorio de Rianxo para desfrutar dun contacontos levado a cabo por Iago López.

 Nesta ocasión o contacontos tamén era o escritor do libro  O cociñeiro Martiño.

Que ben o pasamos!

Por certo,  xa tedes na nosa biblio a segunda parte O cociñeiro Martiño e as cenorias desaparecidas.

CELEBRACIÓN DO 14 DE FEBREIRO CUN CONTACONTOS

O 14 de febreiro, día dos namorados como ben sabedes, os nenos e nenas de infantil foron á Biblioteca Pública Municipal de Rianxo escoitar un contacontos.
Nesta ocasión o libro escollido foi ¿Qué es el amor? de Davide Cali.

                                         https://photos.app.goo.gl/LQE6SuoXXeMGWfHw7




Ademais, os alumnos e alumnas de 5 anos prepararon uns fermosos vídeos explicándonos que era para eles o amor.

SEGUIMOS CON CONTACONTOS NA BIBLIOTECA

Esta semana dúas nenas de 6ºA, Sara e Marta, contaron durante o recreo "A noite das mudanzas".

Como podedes ver tiveron moito público e fixérono moi ben.

Moitas grazas e volvede cando queirades!

CONTACONTOS NA BIBLIOTECA PÚBLICA MUNICIPAL

Nesta ocasión Sofía contoulles aos alumnos e alumnas de Segundo de E.P. unha versión do libro El Cascanueces y el Rey de los ratones, xa que era o que estaban traballando na clase eses días.
Os alumnos elaboraron unha postal para desexarlles aos usuarios da biblioteca municipal un Bo Nadal e Feliz Ano 2019. 
De volta no colexio viron unha versión clásica de debuxos animados deste clásico de Nadal. 

Ademais, os alumnos de Segundo B elaboraron un cascanueces como decoración navideña.

CONTACONTOS SOBRE A DIABETE

A semana pasada os nenos e nenas de 1º de EP estiveron na biblioteca escolar con Raquel Queizás, quen lles contou un conto no que Nano, o protagonista, ten diabete.

Pasámolo xenial!