Vexo, Veo Xacobeo

Este curso o alumnado de 5 anos e de 1º de primaria participou no programa da Xunta de Galicia Vexo, Veo, Xacobeo. 

Fixeron moitas actividades relacionadas co Camiño de Santiago unha delas unha anaco do camiño desde o Monte do Gozo ata a praza do Obradoiro. 

Vídeo do alumnado de 5 anos (20 de abril)

CEIP Alfonso D. Rodríguez Castelao - VEXO VEO XACOBEO 21·22 from Xunta de Galicia on Vimeo.

Vídeo do alumnado de 1º de primaria (11 de maio)

CEIP Alfonso D. Rodríguez Castelao - VEXO VEO XACOBEO 21·22 from Xunta de Galicia on Vimeo.

Nesta excursión conseguiron cuñar a credencial do peregrino do noso cole dúas veces. 

Conseguirían os cuños necesarios para ter a "Compostela" do CEIP ADR Castelao?

Espero que mo digan pronto e, si o conseguiron, compartir con todos esta fantástica noticia. 

Queremos agradecer ao Concello de Rianxo e, en concreto á oficina de Turismo, por imprimirnos a color tanto as credenciais como as Compostelas para estes alumnos e por toda a súa colaboración nos roteiros deste curso que incluiron anacos do camiño de "A Orixe". 

ROTEIROS LITERARIOS POR RIANXO

 Durante este curso o alumnado do centro realizou diferentes Roteiros Literarios por Rianxo. Esta actividade foi ofertada polo Concello de Rianxo co propósito de dar a coñecer o anaco do Camiño que pasa por Rianxo e tamén a súa contorna.

Aquí tedes algunhas imaxes dos lugares que visitaron

ENCONTRO PEREGRINO CO ALUMNADO DE INFANTIL

 

Esta semana os rapaces e rapazas de 6º de Educación Infantil recibiron unha visita moi especial. Un peregrino veulles contar as súas vivencias durante o Camiño. Pero, quen era este peregrino? Pois nin máis nin menos que o avó de Xavi da aula de 6º B. Todos estiveron atentísimos ás súas explicacións.

Moitas grazas á familia de Xavi pola vosa colaboración!

CURIOSIDADES DO CAMIÑO

 Aquí tedes unha presentación con diferentes curiosidades sobre o Camiño de Santiago sobre as que estiveron investigando os rapaces e rapazas de 5 anos de Educación Infantil e logo compartiron co resto do cole.

As peregrinas toman o Camiño

     A nosa proposta naceu para conmemorar o 25- N Día Contra a Violencia de Xénero.

    A idea naceu ao ver unha exposición do escultor Álvaro de la Vega."As peregrinas toman a cidade".

“(...) queremos que todas as mulleres sexamos as protagonistas porque cada día percorremos o noso camiño, con etapas máis difíciles e outras máis doadas, na procura dun destino, cargadas co peso de todo o vivido... Para exemplificar a vida de calquera peregrina, de calquera muller”

    En lugar de facer esculturas, cada aula elaborou un cadro unha peregrina: de diferentes idades, culturas, famosas e anónimas e o seu lema. 

    Mirade o vídeo que bonito quedou!

SÍMBOLOS DO CAMIÑO: A VIEIRA

 Coñecemos un pouquiño máis sobre algún símbolo do camiño. A vieira tamén ten as súas curiosidades.

SÍMBOLOS DO CAMIÑO: A CABAZA

MALETA VIAXEIRA SOBRE O CAMIÑO DE SANTIAGO

 

Durante este mes, tivemos na biblioteca unha Maleta Viaxeira sobre o Camiño de Santiago ofertada pola asesoría de Bibliotecas Escolares. As aulas puideron vir ata a biblioteca para ler o contido de dita maleta. Hai dende guías do camiño, ata lendas e contos basados no Camiño.

Comezamos o camiño...

O próximo sábado 9 de outubro de 9:00 a 14:00 a Cidade da Cultura de Galicia acollerá o “VI Scratch Day”, que achegará aos escolares galegos á linguaxe de programación a través de Scape Rooms e do Camiño de Santiago.

Esta xornada de iniciación orientada a estudantes de 6 a 16 anos, pais e nais e profesorado.

Estará estruturada en tres Scapes Rooms distintos, cada un deles relacionado con distintos tramos e atractivos do Camiño de Santiago, que será o tema central do PDI deste curso escolar no noso colexio.

 Os participantes terán como obxectivo ir resolvendo os retos propostos e empregando as pistas proporcionadas para completar as etapas.

Para participar no evento é preciso rexistrase. Pica no cartaz.