21 diciembre 2022

Recomendacións lectoras Nadal

Chega o tempo das vacacións de Nadal, momentos de lecer, magníficos momentos para ler.
Non esquezas poñer na túa lista de desexos algún libro.Aquí deixamos algúnhas recomendacións  das novidades de este ano.
Hai libros que serven para varias idades (as idades recomendadas son orientativas). O mesmo libro serve para as nenas e os nenos. Un libro permite xogar, imaxinar, aprender,...Un libro sempre é un bo agasallo no Nadal e en calquera data!
Boas Festas!!!

18 diciembre 2022

OBRADOIRO DE MONICREQUES

Este xoves e venres o alumnado de 5° e 6° realizou un obradoiro de monicreques. Nesta ocasión traballaron na realización de diálogos e construcción de monicreques. Aquí tedes unha mostra do que fixeron.




Este obradoiro levouse a cabo por parte da Asociacion Morreu o demo, enmarcado no proxecto Da barraca á aula / Barriga Verde.

02 diciembre 2022

NOVIDADES MES DE DECEMBRO

 Aquí amosámosvos as últimas novidades deste mes. Por fin chegaron os tan esperados manga. Tamén podedes atopar libros de Pokemon, as aventuras de Superpedete e Ninja Kid.

Vinde ata a biblio para botarlles unha ollada e levalos para a casa se vos apetece!




24 noviembre 2022

TALLER DE ARTRÓPODOS

 Aquí tedes unha mostra do taller de artrópodos realizado polo entomólogo Miguel Santamaría. Os rapaces puideron observar e tocar diferentes animaliños.

 Coa colaboración de Contratos Programa.





22 noviembre 2022

NOVEMBRO MES DA CIENCIA EN GALEGO


Hoxe, martes 22 e mañá, mércores 24, o alumnado de 1º a 4º de primaria aprenderá moito sobre os artrópodos nun obradoiro levado a cabo polo entomólogo Miguel Santamaría. Coa colaboración nesta actividade dos Contratos Programa.


21 noviembre 2022

MALETA VIAXEIRA: BIBLIOTECA CREATIVA

 Temos no cole unha maleta viaxeira chea de libros sobre ciencia, robótica, etc enviada desde a Asesoría de Bibliotecas Escolares. Estará no cole ata o 9 de decembro.

Esperamos que vos pareza interesante.



18 noviembre 2022

INAUGURACIÓN 2022

 Este ano o lema da biblioteca é Un mar de cores, xa que imos traballar o significado das cores en diferentes situacións.

Este ano as aulas colaboraron na decoración do mural da biblio pintando varios peixes. Quedou ben bonito, verdade?







EXPOSICIÓN 25 N

 Xa temos unha interesante exposición de libros que podedes empregar para traballar sobre o 25 N.





03 noviembre 2022

MOCHILAS VIAXEIRAS CURSO 2022-2023

 Arrincamos outro curso máis coas mochilas viaxeiras. Esperamos que desfrutedes nos vosos fogares. 

Aquí vedes a Sofía, da aula de 5 anos A, toda preparada para unha nova aventura coa súa mochila viaxeira.



28 octubre 2022

BIBLIOTECA CREATIVA: CAIXAS PARA E. I.

 Esta semana os nenos e nenas de infantil recibiron a súa caixa de xogos do Espazo Fedelleiro. (Biblioteca Creativa).Con xogos de lóxica, experimentación, matemáticas,...Grazas á paticipación en Contratos Programa. Esperamos que desfruten e aprendan moito!








CONTOS DE MEDO E OBRADOIROS ALUCINANTES NO SAMAÍN

 Durante esta semana desfrutamos duns contacontos realizados pola rapazada de 5° e 6° e tamén duns obradoiros organizados polos compañeiros de Equipo de Dinamización da Lingua Galega.

Aquí tedes unha pequena mostra do ben que o fixeron.


Rapazada de 5° A contando A min non me comas!


Nenos e nenas de 6°A contando Leotolda.



Rapaces e rapazas de 5° B representando A figueira de Pelostortos. 

E aquí tedes unha mostra dos diferentes obradoiros que fixeron: luz negra, maquillaxe e pintura fluorescente...Pasámolo xenial!







21 octubre 2022

11 octubre 2022

Comezamos!

Vistedes que chulo está quedando o mural da porta da biblio?

Pero... aínda lle falta bastante. 

Apetécevos axudar a rematalo? 

Pois esta é unha das actividades que poderedes facer cando veñades á inauguración da biblio deste curso.

Aquí tedes dous vídeos de contos relacionados coas cores, as emocións e a creatividade. Temas que traballaremos ao longo deste curso no noso PDI 


                            "UN MAR DE CORES"



Seguro que entre todos o mural queda xenial!


Os blogs aliméntanse dos teus comentarios! Non te olvides de deixar un!  (faino xusto aquí debaixo)

15 junio 2022

VISITA Á BIBLIOTECA MUNICIPAL

 Esta semana os rapaces e rapazas de 2º de Primaria foron ata a Biblioteca Municipal. Alí, entre moitas outras actividades, debuxaron peixes con poemas sobre o coidado dos océanos para logo facer un mar de poemas que irán ver coas súas familias.

Aquí podedes ver un pequeno vídeo desta visita.




"I CONCURSO DE CARTEIS DO ORGHULLO" DO CONCELLO DE RIANXO

 Os alumnos e alumnas de 5º de Educación Primaria  participaron no I Concurso de Carteis do Orghullo do Concello de Rianxo.

O cartel gañador foi o elaborado por Miguel, Sabela e Yago de 5º B.



Noraboa aos gañadores e moitas grazas a tódolos rapaces e rapazas pola vosa participación!

OBRADOIROS SOBRE EDUCACIÓN SAUDABLE

 Este ano participamos nun programa sobre Educación Saudable no marco dos Contratos Programa ofertados pola Xunta. Para axudarnos con este proxecto contamos coa colaboración do Concello de Rianxo que nos ofreceu uns obradoiros sobre Educación Saudable. Os alumnos e alumnas foron ata o Auditorio Municipal e tamén tiveron varias sesións no centro.

Aquí podedes ver algunhas destas sesións.











TRÍPTICO SOBRE ALIMENTACIÓN SAUDABLE

 Aquí amosámosvos un tríptico cun resumo do que os alumnos e alumnas do Castelao aprenderon sobre Alimentación Saudable durante este curso no marco dos Contratos Programa no que participou o colexio. Tamén agradecemos ao Concello de Rianxo a súa colaboración.




14 junio 2022

Vexo, Veo Xacobeo

Este curso o alumnado de 5 anos e de 1º de primaria participou no programa da Xunta de Galicia Vexo, Veo, Xacobeo

Fixeron moitas actividades relacionadas co Camiño de Santiago unha delas unha anaco do camiño desde o Monte do Gozo ata a praza do Obradoiro. 


Vídeo do alumnado de 5 anos (20 de abril)


CEIP Alfonso D. Rodríguez Castelao - VEXO VEO XACOBEO 21·22 from Xunta de Galicia on Vimeo.


Vídeo do alumnado de 1º de primaria (11 de maio)


CEIP Alfonso D. Rodríguez Castelao - VEXO VEO XACOBEO 21·22 from Xunta de Galicia on Vimeo.


Nesta excursión conseguiron cuñar a credencial do peregrino do noso cole dúas veces. 

Conseguirían os cuños necesarios para ter a "Compostela" do CEIP ADR Castelao?

Espero que mo digan pronto e, si o conseguiron, compartir con todos esta fantástica noticia. 

Queremos agradecer ao Concello de Rianxo e, en concreto á oficina de Turismo, por imprimirnos a color tanto as credenciais como as Compostelas para estes alumnos e por toda a súa colaboración nos roteiros deste curso que incluiron anacos do camiño de "A Orixe". 

06 junio 2022

DÍA MUNDIAL DO MEDIO AMBIENTE

 Como xa sabedes, o 5 de xuño celébrase o Día Mundial do Medio Ambiente.

Aquí tedes unha mostra das actividades que fixeron os nenos e nenas de 2º. Nesta ocasión fixeron un debuxo baixo o lema "Unha soa Terra".






01 junio 2022

ROTEIROS LITERARIOS POR RIANXO

 Durante este curso o alumnado do centro realizou diferentes Roteiros Literarios por Rianxo. Esta actividade foi ofertada polo Concello de Rianxo co propósito de dar a coñecer o anaco do Camiño que pasa por Rianxo e tamén a súa contorna.

Aquí tedes algunhas imaxes dos lugares que visitaron






VISITAS DE AUTORES: EVA MEJUTO

 Este luns tivemos con nós  á fantástica Eva Mejuto. Nesta ocasión estivo cos rapaces e rapazas de 6º para conversar con eles sobre o seu libro A lavandeira de San Simón.





Moitas grazas pola túa visita!






GAÑADORES DUN CONCURSO DAS LETRAS GALEGAS

 Lembrades  que os nenos e nenas da clase de 5 anos A participaron nun concurso de coloreables dos Bolechas? Pois gañaron un premio. Un disco de "Os Bolechas fan unha banda"


Quedaron contentísimos co seu agasallo!

31 mayo 2022

MÚSICA NO CAMIÑO: CONCERTO DE JAZZ

 Esta semana a rapazada de 6º puido disfrutar dun fantástico concerto de jazz a cargo de Alfredo Susavila Trío.






30 mayo 2022

Enquisa biblio alumnado

 Eres dos maiores do cole?

Estás en 3º, 4º, 5º ou 6º?

A túa opinión conta! 









Tes ata o venres 3 de xuño para cubrir esta enquisa. 

Moitas grazas por axudarnos a mellorar!

Enquisa sobre a biblioteca para as familias.

A opinión de tod@s é importante para mellorar.  

Agradeceríams que desde hoxe ata o venres 3 de xuño sacaras 5 minutiños do teu tempo para contestar a esta enquisa.


Grazas por axudarnos!

Enquisa sobre a biblioteca para o profesorado


Con só 5 minutos podes axudarnos a mellorar. Tedes ata o venres 3 de maio. 













Grazas por axudarnos!



28 mayo 2022

BIBLIOTECA CREATIVA: OBRADOIROS DE CESTERÍA

 Esta semana os alumnos e alumnas de 3º e 4º de Primaria tiveron a sorte de aprender moitísimo nuns obradoiros de cestería que viñeron impartir algúns membros da Asociación Ambar.

Aquí tedes unha imaxes do desenvolvemento da actividade.



Moitísimas grazas pola vosa colaboración!

27 mayo 2022

VISITAS DE AUTORES: MANUEL FRAGA

 Esta semana recibimos a visita de Manuel Fraga. Nesta ocasión estivo coa rapazada de 4º de primaria.

Aquí tedes unha presentación con información sobre o autor.




E a continuación unhas imaxes da súa visita.


Graciñas Manuel!

21 mayo 2022

LETRAS GALEGAS: AS NOSAS CREACIÓNS

 Os nenos e nenas de 5 anos A de Educación Infantil participaron nun concurso de coloreables de Os Bolechas sobre as Letras Galegas.

Por esa razón aparecen no Facebook de Os Bolechas. Picade na imaxe para ver toda a información!



Os rapaces e rapazas de 4º de Primaria elaboraron estes fermosos libros con lapelas con poemas ilustrados.




Os alumnos e alumnas de 5º de Primaria  copiaron e ilustraron diferentes poemas do autor.







Os rapaces e rapazas de 6º de Primaria elaboraron un mural sobre o autor con información sobre a súa vida e obra.

+