Durante este curso recibimos a visita de varias familias que viven en Rianxo pero proceden doutros países.
Por exemplo, Mervys, mamá de Mathías, da aula de 4 anos B veu falarnos de Cuba.
Anna Sylwia Teodorczyk, nai de León e Noel, veu falarnos do seu país, Polonia.
Este mes os participantes do Club de Lectura do cole visitaron a Fundación Camilo José Cela de Padrón e realizaron un roteiro literario pola vila.
Hoxe celebramos o Día das Letras Galegas no cole. Organizamos un pequeno acto onde os nenos e nenas de 6° falaron sobre a vida e obra de Begoña Caamaño. Tamén desfrutamos de varias actuacións de alumnos e alumnas do cole que pertencen a dúas asociacións de baile moi coñecidas en Rianxo, Vai de roda e Fogo Fatuo. Tivemos a colaboración de varios integrantes de Fogo Fatuo que nos tocaron varias pezas.
Que ben o pasamos!
No cole elaboramos un mural titulado "Saca a lingua pola túa fala". Moitas grazas familias pola vosa colaboración.
Aquí deixamos enlaces de diferentes actividades propostas polo Seminario Galán. Atoparedes actividades para imprimir e tamén moitas actividades para face en liña.
Picade na imaxe.
Hoxe tivemos un contacontos moi especial. Recibimos a visita do grandísimo Paco Nogueiras que estivo cos pequerrechos de Educación Infantil.
Escoitamos, cantamos e bailamos,
que ben o pasamos!
Hoxe recibimos a visita de Toño Núñez. Estivo cos nenos e nenas de 5° de E.P. que leron o libro O monstro dos Ancares.
Moitas grazas Toño pola túa visita!
Hoxe o escritor e ilustrador Anxo Fariña estivo coa rapazada de 4° de E.P. Estivo falándolles do seu libro A escola robot.
Moitas grazas Anxo. Gustounos moito a túa visita!
Hoxe celebramos a festa do maio. Outro ano máis elaboramos un precioso maio co material traído polo alumnado.
A rapazada de terceiro ciclo foi a encargada de colocar o fiuncho e logo as demais aulas colaboraron na elaboración dos adornos.
Tamén crearon unhas coplas que recitaron os nenos e nenas de 5° de E.P. na xuntanza que fixemos despois do recreo.
Durante este curso o alumnado de 5° e 6° recibiu varias charlas do CEIDA (Centro de Extensión Universitaria e Divulgación Ambiental de Galicia) sobre a importancia da conservación do medio ambiente e medio mariño.
Aquí tedes unha mostra de actividades realizadas polo alumnado de 3° ciclo empregando as TICS.
Os alumnos e alumnas de 1° de E.P. traballaron o teatro e fixeron un teatro de títeres con personaxes mitolóxicos. Aquí tedes unha mostra dos traballos de 1° A.
Os nenos e nenas de 3° B ilustraron o conto "Maruxa", de Eva Mejuto. Logo, varios nenos contáronllo ao alumnado de infantil e 2° empregando o teatrillo xaponés kamishibai.
Aquí tedes unha mostra dalgunhas actividades sobre Castelao que se realizaron durante este curso.
Empezamos coa clase de 5° A que leu o libro Daniel no peirao. Despois da lectura do libro os nenos e nenas realizaron diferentes actividades.
O alumnado de 1°, 2° e 4° de primaria elaboraron un mural de forma colaborativa basado nunha obra de Leandro Lamas na que homenaxeaba a Castelao.
Os pequerrechos de Educación Infantil realizaron un " Roteiro de Castelao" por Rianxo.
Hoxe o alumnado de 6º visionou cinco curtas moi diferentes entre sí e de diferentes lugares do mundo, como Francia ou Portugal, todas elas relacionadas coa igualdade de xénero. Na charla-coloquio posterior o alumnado falou de múltiples temas incluído o papel da muller no audiovisual.
Ao longo desta semana membros da asociación AMICOS estiveron co noso alumnado de primeiro e segundo de primaria explicándolles a labor que desempeñan na recuperación das gorgonias que veñen nas redes dos nosos mariñeiros.
Mediante xogos ensináronlles cales son aqueles corais que se están a recuperar, e explícouselle o proceso de como se está levando a cabo dita actividade en lonxa.
Estes son os debuxos gañadores do I Certame Debuxando a Castelao.
Moitas grazas a todos pola vosa participación!
Os nenos e nenas de 3° e 4° de E.P. realizaron un obradoiro de chapas polas Letras Galegas.
Hoxe celebramos as Letras Galegas cun acto no porche de infantil. No cole hai moitas nenas e nenos que saben tocar a pandeireta, polo que o patio encheuse de alegría.
Os rapaces e rapazas estiveron ensaiando durante moitos días e todos se animaron a participar, desde os pequerrechos de infantil ata os maiores de 6º.
Animádevos a facer esta roda de preguntas sobre os seres mitolóxicos. Algúns están no dicionario mitolóxico e outros non. A ver cantos acertades. Sorte!
Esta semana o alumnado de primaria baixou ao auditorio e desfrutou da obra "Pegadas de Castelao", levada a cabo por Migallas Teatro.
