VISITA DE AUTORES: EVA MEJUTO

Hoxe recibimos a visita de Eva Mejuto. Esta vez estivo cos de 6° de E.P. para falarlles do seu libro o día que choveron gatos. 

Moitas grazas Eva! Sempre é un pracer recibirte na nosa biblioteca!

VISITA DE AUTORES: MARÍA CANOSA

 Este venres recibimos a visita de María Canosa. Nesta ocasión estivo co alumnado de 4° de E.P.

VISITA DE ROSA ANEIROS

Esta semana recibimos  a visita da escritora Rosa Aneiros na biblioteca.  Estivo cos sextos e  veu falarlles do seu libro Xelís, o guieiro das botellas de mar co que gañou o Premio Merlín 2019.

VISITA DE Mª JOSÉ GULÍN RODRÍGUEZ

O mércores 9 de outubro tivemos un encontro coa escritora María José Gulín Rodríguez, quen nos veu contar o seu último conto O zapateiro e o raposo. Estivo con primeiro, segundo, terceiro e cuarto. 

Queremos agradecerlle que, de maneira desinteresada, viñera pasar unha mañá con nós.

Aquí podedes ver unha mostra dos traballos feitos por algunhas clases sobre o libro.

Coñecemos a María Solar

O venres 24 os nenos e nenas terán o encontro coa escritora Alicia Borrás Sanjurjo. Estiveron lendo Nata y chocolate e ¡Nata y Chocolate invencibles!

Se queres coñecer un pouco mellor a esta escritora.

Encontro co escritor Pere Tobaruela

O mércores 22, os cuartos tiveron o encontro co escritor Pere Tobaruela. Leran os  libros: Formig4s Misión París,  Formig4s Misión en Nova York e O Códice do Santo Lugar.  Tamén elaboraran numerosos debuxos o que dou pé a que Pere nos contara moitas curiosidades:

 Xa cun ano a súa nai lle deixaba pintar nas paredes, 

Na escola presentábase a todo concurso canto había.

O seu perxonaxe preferido na saga dos Formi4as é o doutor Paomau!!

Durante dúas horas os nosos nomes mudaron. Todos e todas pasamos a chamarnos FormiMaría, FormiNoa, FormiPaula, ForJuan, FormIván...Descubriunos que tamén escribía co seudonimo de Lea Tobery.

Encontro con Pere Torabuela

O mércores 22, despois do recreo, os alumnos e alumnas de cuarto terán un encontro co escritor Pere Tobaruela. Estiveron lendo os seus libros Formig4s Misión París e Formig4s Misión Nova York.
Si queres coñecer algo máis sobre o autor e a súa obra:

Encontros con escritoras

Esta semana, coincidindo coa estancia na nosa escola da Maleta matemática, tivemos a presentación de 
Leandro e os números de Rocío Peréz Castro e Lidia Brea Pedreira. 








Fixemos dúas sesións. Unha primeira coas clases de 1º e 2º e outra coas clases de catro e cinco anos de infantil. 
Os nenos e nenas puideron escoitar a Rocío contar o seu conto e despois traballaron con ela sobre os números que aprendeu Leandro e ata cantaron unha canción. Deixounos unhas fichas dos números que levaron para as aulas para colorealas.

Tivemos a sorte de saber de Rocío e do seu Leandro porque a maleta xa estivera antes no colexio Brea Segade de Taragoña. Decidimos convidala ao cole e Rocío aceptou vir para ter este fabuloso encontro. Os nenos e nenas de primeiro elaboraron este monstriño con unha tarxeta de agradecemento e Rocío deixounos esta dedicatoria no noso libro de visitas.

Moitas grazas Rocio por estar con nós e presentarnos o teu libro! Gustounos moito a túa visita e  o teu libro. Esperamos que non tardes en voltar con  outro libro!

Dentro de pouco o libro de Leandro xa estará en préstamo.

Encontros con escritores.

O xoves 19 de febreiro os alumnos e alumnas e os Mestres de 5º recibimos a visita de Anxo Fariña. Veu a falarnos dos dous últimos libros  dos Megatoxos que publicou: 

“Os Megatoxos e o ladrón de Xade”

“ Os Megatoxos e a cara oculta de Lúa “.
A parte de falarnos dos personaxes destes libros, contounos como comezara a idea de crear os Megatoxos, e sabedes como foi?

 A partir de un toxo e dunha aposta cun amigo seu.

Tamén nos falou de como empezar unha historia e darlle forma. Foi moi divertido, porque nos explicou como a partir dun simple debuxo dunha caixa, se podían inventar miles de historias, e  díxonos que a nosa imaxinación nos podería levar a onde nós quixéramos.



Foi unha experiencia inolvidable, ata outra Anxo Fariña!!!!!

ENCONTRO CON MANOLO RIVAS

O pasado xoves 18 de decembro os nenos e nenas de 2º e 3º do cole xunto cos compañeiros do Brea Segade, tiveron a fortuna de coñecer ao escritor Manolo Rivas e poder escoitalo falar sobre a súa obra "O raposo e a mestra", que previamente leran nas aulas.
Fixo de todo: ler, cantar, bailar, e facernos gozar...
 O acto, que tivo lugar no Auditorio de Rianxo, contou ademais con interpretacións musicais das cancións populares que aparecen no libro a cargo de Ce Orquestra Pantasma.

Todo un luxo! Volveron encantados e encantadas! 

ENCONTRO CON MANOLO RIVAS. " O RIVAS"

Mañá, os nenos e nenas de segundo e terceiro de primaria, terán o gusto de participar no encontro co escritor Manolo Rivas. Están deseosos de coñecelo despois de ler o seu libro "O raposo e a mestra".

Temos que recomendalo para que os que aínda non o lestes non deixedes de buscalo na biblioteca e de coñecer a un raposo argalleiro que seguro vos vai gustar.
"O raposo e a mestra" con texto de Manolo Rivas e ilustracións de Jacobo Fernández Serrano, conta unha fermosa historia coa natureza como protagonista, e máis concretamente a natureza galega e o monte Pindo. Acompañan a historia unhas ilustracións que nos van contando a historia e que lembran á banda deseñada.
Pero se de verdade queredes saber se debedes ler este libro falade cos nenos de 2º e 3º, eles son uns expertos en "O raposo e a mestra"

Encontro con Paula Carballeira.

Algunhas fotos do encontro que mantiveron os nenos/as do 2º ciclo con esta fabulosa escritora,contadora e actriz.
Un ano máis volveunos a asustar cun dos seus contos!

Encontro con Antonio García Teijeiro.

Mañá mércores 21 Antonio García Teijeiro visita a nosa biblioteca para realizar un encontro cos nenos e nenas do primeiro ciclo.

Temos o gran honor de recibir na biblioteca a un dos grandes mestres da poesía. Os nenos e nenas  levan todo o curso preparando a visita.
Uns leron o libro de Ventos e outros o de Recendos de aire sonoro entre outros moitos.
Coñecen moitísimas poesías e da gusto escoitalos recitar.

Si queres coñecer máis sobre o autor

Encontros con escritores.

 O 10 de abril Manuel Fraga Allegue visitou o noso cole  para ter unha charla na biblioteca cos alumnos de 6º que leran o seu libro " O Castañeiro de abril". 
Foi unha charla moi amena, porque ademáis de explicarlles aos alumnos/as como fixera o seu libro e en quen se inspirara, deulles ideas de como crear relatos. 
É un gusto e un honor ter visitas tan interesantes!!!!

Encontros con escritores.

Onte visitounos Jacobo Fernández Serrano.
Todo un luxo! Algúns nenos e nenas xa o coñecían, pero estaban desexando volver a velo.
Primeiro estivo cos nenos e nenas de terceiro falando e debuxando sobre todo das aventuras da Illa Remeira que foi o libro que eles traballaran.
Logo os nenos e nenas de cuarto fixéronlle mil preguntas sobre o seu libro Mil cousas poden pasar!
Case nin o deixan debuxar! Temos no cole moitos seguidores!
Falounos dos seus libros e sobre o oficio de escritor e ilustrador. Deixounos un precioso debuxo para a biblioteca, así como unha Lina co seu pescozo longoooooo no noso libro de visitas e para rematar asinou os libros.
Grazas, Jacobo polo teu traballo, os textos inxeniosos e as ilustracións que nos fan imaxinar e sobre todo rir! E como non, disfrutar coa lectura.

Visita Jacobo Fernández Serrano.

O martes 8, Jacobo Fernández Serrano estará cos terceiros e cuartos na biblioteca. Algúns nenos e nenas xa o coñecen pois tivemos a sorte de contar coa súa visita hai tres anos. Os nenos  e nenas de cuarto estiveron buscando na biblioteca libros seus como escritor e ilustrador e ademais están lendo o seu libro Mil cousas poden pasar I. Os de terceiro leron Marcopola, a illa remeira e algunhas historias de Archimboldo Roque.

Cando comezáramos a elaborar o noso díptico para preparar a visita de Jacobo atopámonos con que a biblioteca Brea Segade de Taragoña, xa tiña elaborado este:

Deixamos aparcada a súa elaboración porque a información era a mesma. 
Grazas por compartir!

HOXE VISÍTANOS ABRAHAM CARREIRO

O ilustrador Abraham Carreiro visitará hoxe o colexio. Os alumnos de 5º e 6º esperan impacientes a súa visita para intercambiar con el impresións do seu libro XOELIKI. 

 Premede na portada para ir á páxina web do libro.

Para meterlles gañas aos que todavía non leron o libro na páxina web do libro hai un pequeno vídeo non volo perdades!

 Tamén vos recomendamos os libros da colección: 

"Contos que len outros nenos do mundo"

 unha colección que trata de achegarnos ás diferentes culturas do mundo mediante contos populares de distintos lugares. E que podedes atopar na biblioteca.

Non te olvides de compartir con todos as tús opinións. DEIXA UN COMENTARIO!

UN DÍA ESPECIAL CON ANXO FARIÑA

Hoxe será un día especial para alumnos de 2º e 3º ciclo xa que irán ó Auditorio Municipal para coñecer ó autor e ilustrado galego Anxo Fariña. Se queres coñecer máis cousas sobre el e a súa obra preme na foto

    

 Que foi o que máis che gustou desta actividade? Que libros de Anxo recomendarías e por que? 

Anímate e deixa os teus comentarios.

Visita Silvestre Gómez Xurxo.

Ti non xogas!