28 mayo 2020

XOVES CONTO: A PRINCESA DO CAUREL


Coma tódolos xoves, hoxe tamén vos traemos un vídeo conto.
Esta vez trátase do conto A princesa do Caurel.





Tamén o atopamos en lingua de signos:



Esperamos que vos guste!

26 mayo 2020

FORMACIÓN IMPRESORA 3D


Este curso os nenos e nenas de 6º de primaria recibiron unha pequena formación sobre o uso da impresora 3D que temos no colexio. A profe Yoli, a encargada da biblioteca creativa, encargouse de darlles esta formación. Iso sí, aproveitaron o tempo ao máximo.




Parece que lles gustou, verdade?

Para o ano continuaremos con outros grupos e con máis actividades no recuncho maker!




25 mayo 2020

VOLVERÁN OS BICOS


As titoras de segundo de primaria, Thais e Noemí elaboraron uns vídeos empregando uns salvamanteis  que fixeron os seus alumnos e alumnas  sobre o medioambiente e a saúde.
Tamén compuxeron unha bonita canción sobre o Covid-19 á que Silvia Ferre lle puxo a música e a súa fermosa voz.

Deixámosvos os vídeos das dúas aulas e tamén a canción por se vos animades a cantala.  Picade no recadriño superior para poder ampliar a ventaniña e ver millor o vídeo.

Este é o de 2º A



E este o de 2º B










Esperamos que vos guste. Ánimo que xa nos queda menos!


21 mayo 2020

Museo Virtual do colexio Castelao


Para conmemorar o Día Internacional dos Museos, o pasado luns 18 de maio, propuxémosvos que nos enviasedes unha imaxe do que ao voso entender debería gardarse no noso museo para que NUNCA se perdese ou olvidase. 

                                                                                       Estas son as vosas propostas





Seguimos agardando a túa, anímate e participa.
Calquera pode facelo só envíanos a imaxe a bibliocastelao@gmail.com ou inclúea no album de google fotos que creamos. 


XOVES CONTO


A profe Lourdes inventou un fermoso conto polo día da nai co que quere agasallar a todas as mamás. 


Tamén o podedes ver no seu blogue "pequenas cousas nosas"
(Xa o temos enlazado no noso apartado de blogs amigos)



Atrevédesvos a inventar un conto con esta técnica?
Estamos desexando recibir vídeos dos vosos conta contos para publicalos os xoves, no "Xoves conto"

20 mayo 2020

Vídeo "Feliz día das Letras"



O Equipo de Dinamización da Lingua Galega do noso cole pediuvos que ilustrarades, debuxarades, pintarades ou escribisedes unha palabra, un poema, unha reflexión, un pensamento, un desexo... o que máis vos gustase e que o 17 de maio, o Día das Letras Galegas, os colgásedes en ventás, árbores, portas das casas para facer visible a nosa lingua...   aquí tedes o resultado.



Moitas grazas a todos os que participástedes!

Os nosos traballiños



Fai uns días na entrada "A Nosa Proposta para as Letras" deixámosvos unhas plantillas para que ou ben nos contásedes algunha anécdota que vos ocurriu a vós ou a algunha persoa da vosa familia cun animal ou inventasedes outro final para o libro As Pitas Baixo a Choiva de Ricardo Carvalho Calero.

Aquí tedes os traballiños que nos chegaron ata o momento

As vosas anécdotas con animais














Os finais alternativos para As Pitas Baixo a Choiva





Seguide enviándonolos, en canto poidamos subirémolos!


19 mayo 2020

EXPERIMENTOS 5º A

Os alumnos e alumnas da clase de 5º A están facendo varios retos científicos que lles propuxo a súa titora.

O primeiro deles é un experimento sobre a densidade dos líquidos. Consiste en misturar varios líquidos nunha botella e comprobar que ocorre para despois sacar conclusións sobre a densidade de cada elemento.

Aquí podedes ver os primeiros vídeos.

Iremos subindo máis a medida que vaian chegando.

                                                                   
                                                                 ARTUR



                      MARIELA

                                       



ARMANDO

                                        


HUGO fixo un sobre densidade e flotabilidade







O segundo reto consiste en construir un forno solar, sí, sí, o que estades oíndo. Aprendendo sobre enerxías alternativas.

Armando foi o primeiro da súa clase en realizar este experimento. Mirade cómo fixo e o ben que aproveitou o soliño destes días.

                                    





18 mayo 2020

Retos para o mes de maio: cuarto reto



Hoxe, 18 de maio, é o Día Internacional dos Museos. Este ano celébrase baixo o lema "Museos pola igualdade: diversidade e inclusión."

En España temos moitos museos de todo tipo.
Moitos deles ofrecen visitas virtuais xa que non os podemos visitar en persoa como o Museo del Prado,  o  Museo Reina Sofía, o  Museo Nacional de Historia Natural, o Museo del traje...

E xa que este ano traballamos a Ciencia. Fostedes algunha vez aos Museos Científicos da Coruña? Seguro que si! 



Cal é o que máis vos gusta? Por que?

Para conmemorar este día o reto desta semana será crear o noso propio museo o 

                      "Museo Virtual do Colexio Castelao"

Si se acabase o mundo e tiveses que salvar algo que sería? 
Pode ser desde un invento, un edificio, un libro, un lugar,  un cadro...  

Envíanos unha foto do que salvarías a bibliocastelao@gmail.com  Tamén podes explicarnos brevemente o por que da túa elección e publicarémolo.


Solución ao terceiro reto proposto por Arenaria


Julia, de 5 anos, enviounos este vídeo explicándonos a solución ao reto que nos propuxo María de Arenaria coordinación





Fixéstelo xenial!!!! Moitas Grazas por participar!!!!


Solucións aos retos en lingua de signos


Si picades na imaxe tedes a solución aos animais que signan os profesores do CEIP Quiroga. Moitas grazas!

















Aquí tedes as imaxes das ilustracións ou portadas que inspiraron os nosos vídeos. 

Recordade que Xiana e Helena elexiron ilustracións do libro Abezoo.







































































Os libros ou imaxes nos que se inspiraron Ana, a nosa intérprete de lingua de signos, e os seus peques:






































































































































































































Mirade que fermoso debuxo fixo Sara.


Serías unha magnífica ilustradora!


















O profe Dani









A profe Mª José e a súa filla























































E a profe Tere envioume outros vídeos onde xa nos mostra o libro no que se inspirou





 


Esperamos que vos gustara a actividade!

16 mayo 2020

As pitas baixo a choiva: As nosas creacións


En primeiro lugar, os nenos  e nenas da clase de 3 anos B coa axuda da súa profe narraron o coñecido conto de Ricardo Carvalho Calero.


Quedoulles xenial, verdade?

Logo, a profe Isa e os seus fillos, Sabela e Miguel, fixeron unha adaptación deste fermoso conto elaborando tamén eles as ilustracións. Mirade o video e xa o veredes.






A nós encántanos, e a vós?

15 mayo 2020

E moitos máis retos en lingua de signos


Ana, a nosa intérprete de lingua de signos, e os seus peques propóñenvos:
























O profe Dani




A profe Mª José e a súa filla







E a profe Tere





Agardamos os vosos!


O luns poderedes ver que animal estamos signando.

14 mayo 2020

XOVES CONTO


Parece que vos estades animando a facernos chegar os vosos conta contos.

Esta semana Sabela de 4º quixo contarvos: 


                La Vaca que Puso un Huevo



                  Moitas grazas Sabela!

          Eres unha estupenda Conta Contos!

13 mayo 2020

Máis retos en Lingua de signos


Xiana e Helena xa se sumaron ao reto de adiviñar animais en lingua de signos. 

Seguro que adiviñaron á primeira os que nos propoñen os profes do CEIP Quiroga xa que utilizan a lingua de signos para comunicarse todos os días.

Propóñenvos máis animais para que adiviñedes. 

Elexironos dun libro que a min tamén me gusta moito,  Abezoo.
É un álbum ilustrado moi orixinal, nel aparece unha poesía sobre un animal para cada letra do abecedario.

Listos?

Aquí tedes os seus vídeos. A adiviñar!














Tedes ata o luns 18, ese día publicaremos as respostas.

Non te olvides de mandarnos os teus!

12 mayo 2020

Máis traballiños sobre o segundo reto: as fases la Lúa


Aquí tedes o estupendo traballo feito por

Lara Sánchez Varela de 1º B













 por Borja Ordóñez de 1º A e seu irmán Abel Ordóñez de 4º B.












 Picade na imaxe para ver todas as fotos









 por Lorena Vidal Villanustre de 1º B




















por Iago Vidal Martínez tamén de 1º B


























que como estaba algo esfameado decidiu comerse as fases da Lúa. Mirade que boa pinta!




























Moitas grazas a todos por participar!

11 mayo 2020

Retos para o mes de maio: terceiro reto


Xa vistedes os traballos que nos fixéstedes chegar sobre as Fases da Lúa?   Están xenial! Moitas grazas aos que participastedes. Si queredes podedes seguir enviándonos cousas.  

O terceiro reto trata sobre animais e vai ser un reto doble. 

Por unha parte, María de Arenaria Coordinación propónvos neste vídeo que investiguedes sobre... mellor védeo para sabelo.



Podedes enviarnos un vídeo ou un documento explicándonos o resultado das vosas pesquisas científicas. 


Por outra parte, facémonos eco dun reto proposto no blog da biblioteca do CEIP Quiroga que nos pareceu moi interesante:  adiviñar os principais animais do Xeoparque Montañas do Courel que aparecen aquí en Lingua de Signos.
Atrevédesvos?




As solucións, coma sempre publicarémolas a vindeira semana co seguinte reto. 

Ademáis, si vos animades podedes enviarnos un pequeno vídeo signando o nome dun animal e xusto a continuación mostrarnos a imaxe dese animal nun libro. Pode ser calquera animal que vos guste e pode estar na portada ou dentro do libro. 
Si queredes participar tede en conta que, para que se vexan ben os signos, debedes vestir de negro. Si gravades o vídeo sobre un fondo branco mellor que mellor. Si non é posible, facédeo sobre un fondo homoxéneo. 

Estamos desexando ver os vosos vídeos destes dous retos!

Experimento sobre o Coronavirus


Importantísimo!!! Mirade o vídeo!!!

Laura Pego de 1º A fixo un experimento para demostravos por que é TAN IMPORTANTE lavarse as mans.



MOITÍSIMAS GRAZAS, LAURA!!!!


Calendario das Letras Galegas

Como ben  sabedes, só falta unha semana para o Día das  Letras Galegas. Por iso vos presentamos este Calendario. Tedes que facer as actividades propostas para cada día.
Animádesvos?

Outra vez máis temos que agradecer a outra mestra, esta vez trátase de Azucena do CEIP Vilaverde, que comparta o seu traballo con todolos mestres e   nenos e nenas dos coles galegos.

CALENDARIO PARA INFANTIL E 1º















CALENDARIO PARA 2º E 3º




CALENDARIO PARA 4º, 5º E 6º



09 mayo 2020

Saúdos desde a casa


Tiñamos programadas varias visitas de autores para este último trimestre pero como non podemos ir ao cole terán que quedar para o próximo curso escolar. 

Dúas grandes autoras en lingua galega que nos gustan motísimo e sempre recomendamos acordáronse dos nenos do Castelao e enviáronnos estes vídeos que compartimos con todos vós. 

Helena Villar Janeiro mandounos saúdos desde a súa casa de Abuín en Leiro e falounos dalgúns dos seus libros.




                        

Ledicia Costas tamén nos quixo saudar e nos contou algunha cousiña sobre o seu último libro. 





Moitísimas grazas ás dúas!

08 mayo 2020

A nosa proposta para as Letras



No libro As Pitas Baixo a Choiva de edicións Embora recóllese un relato publicado por Carvalho Calero na revista Lar en 1952 no que conta unha divertirda anécdota que lle sucedeu de neno nun día de choiva cando intentaba gardar as galiñas.

Que cres que sucedeu? 

Xa temos o libro na biblio do cole pero terás que agardar ata que poidamos voltar ao cole para poder lelo. 

Mentres tanto propoñémosche que imaxines ti o final desta historia. Que lle puido pasar a Ricardo ?





Deixámosche aquí esta imaxe que atopamos do libro en Internet para que te inspires. 

Si picas nela podes descargar a plantilla para continuar a historia.

Tamén podedes facer un debuxo do final da historia e escribir un breve final. Picade aquí para descargar a plantilla.


Ou se o prefires podes contarnos ti unha anécdota que che ocorrera a ti ou a alguén da túa familia na que interveña un animal. 







Estamos desexando ver os vosos traballos!

Fíxate ben! As plantillas son diferentes segundo queiras inventar o final da historia ou contar unha anécdota.


Ricardo Carvalho Calero


O autor homenaxeado deste ano o Día das Letras Galegas, o 17 de maio, é Ricardo Carvalho Calero. 

Se queredes coñecelo mirade o Telexornal Carvalho Calero feito polo alumnado do CPI dos Dices.





Aquí tedes varias propostas para Infantil e Primaria ofertadas polo Seminario Galán para traballar a vida e obra deste escritor. Picade no seguinte enlace:  http://seminariogalan.org/inicio/portada . Unha vez alí picade  no libro verde (Documentos para imprimir) e xa tedes todas as actividades. Tamén podedes picar no libro azul (Actividades en liña) se queredes facer as actividades desde o voso ordenador ou tablet.



Tamén tedes unha importante recompilación de recursos sobre o autor nesta entrada do blog de Bibliotecas Escolares de Galicia. 
Picade sobre esta fermosa imaxe de María López Pousa para acceder a eles.


Máis propostas para o Día das Letras Galegas

Para festexar o Día das Letras Galegas que este ano se adica a Ricardo Carvalho Calero, vos propoñemos un "Escape Room".

Estes "Escape Room" foron elaborados por dúas mestras: Ana Sánchez e Amélie Carrila, que quixeron compartir o seu magnífico traballo con tódolos nenos e nenas de Galicia. Desde aquí lles queremos dar as grazas de parte de todo o colexio.

Este "Escape Room" está pensado  para nenos e nenas de Infantil e de 1º.





Esta versión é máis axeitada a partir de 2º.








07 mayo 2020

Retos para o mes de maio: segundo reto

Xa empezan a chegar as vosas elaboracións do segundo reto que propuxemos para o mes de maio. Lembrádesvos? 

Moi ben. As fases da lúa.



Uxía, da clase de 5 anos A, quixo compartir con todos nós esta manualidade tan bonitiña que fixo. Gústavos?




Moi bo traballo Uxía!


Efrén, de 1º B fixo as fases da lúa cuns vasos de plástico. Quedoulle xenial, a que sí?



Fantástico Efrén ! Iso que túa irmanciña Alexia andaba por ahí.



A teacher Sonia estivo dándolle voltas á cabeza e decidiu facer as fases da lúa con cousiñas que tiña pola casa. 
Recordades que estamos traballando a ciencia e o medio ambiente? 
Pois mirade o que se pode facer cuns tapóns, un rotulador permanente e uns  anacos de cartolina. 
Esta é unha forma moi divertida de reutilizar, verdade?





Queredes saber en que fase está a lúa agora? 
Mirade a foto que nos enviou a teacher Sonia.




Fai uns días Efrén fixo un experimento científico. Mirade o vídeo

                                


E como dí o refrán que non hai dous sen tres, Efrén  animouse de novo a facer outra manualidade das fases da lúa, esta vez con cartolina e cartón. Así nos  gusta, reutilizando.

                                 


Moitísimas grazas Efrén polas túas aportacións! Gustáronnos moitísimo!





Animádevos a seguir enviando manualidades, vídeos ou o que vos queirades que nós iremos publicando todo o que mandedes no blogue.


O PAPAGAIO DO MES DE MAIO

Ola rapaces!

Xa tedes á vosa disposición a revista "O papagaio" do mes de maio. De novo en versión dixital.
Botádelle unha ollada e dicídenos que foi o que máis vos gustou.

XOVES CONTO


Queremos compartir con todos vós un conto moi especial inventado por  Catuxa, de 4 anos, coa axuda da súa familia. Utilizaron algúns dos moitíííísimos libros que teñen na casa. 






MOITAS GRAZAS CATUXA! 


Encantaríanos que todos vos animárades a ser conta contos. 
Si vos decidides, facédenos chegar o voso vídeo a bibliocastelao@gmail.com
Pode participar toda a familia!

06 mayo 2020

MÁIS SOBRE O COVID-19


Fai uns días publicamos o conto Bailaremos baixo unha estrela  e hoxe publicamos ¡Quero Saír! un conto para axudar aos máis pequerrechos do cole a saber por que temos que seguir estando tanto tempo encerrados nas nosas casas. 

Cova Días e Nico Ordozgoiti escribírono para o seu pequeno de 3 anos e Hector Cajaraville traduciuno ao galego. 



Ánimo! Agora xa podemos saír un pouquiño das nosas casas!

E para que os maiores poidades tomar todas as precaucións necesarias: 123 preguntas sobre coronavirus
A doctora en farmacia e nutricionista Marián García, máis coñecida como Boticaria García, e a periodista toledana Arantxa Castaño, especialista en temas científicos, elaboraron esta guía divulgativa de fácil comprensión en formato de pregunta-resposta


Esperamos que vos sexa de utilidade!

04 mayo 2020

Retos para o mes de maio


Ola!
Xa tivestedes uns días para resolver o reto das plantas. Non deixei a solución directamente por si estás lendo esto por primeira vez e che apetece facelo.
Os que xa o fixestedes picade na imaxe, veredes a solución. 





Preparados para o seguinte reto?

Seguro que estes días que casi non podemos saír da casa mirades moito pola ventá. Algunha vez o fixestedes de noite? Que vedes? 
O ceo está cheo de misterios que estudan os astrónomos: planetas, estrelas, satélites, meteoroides, materia oscura...

Que vos parece se investigades algo máis sobre un dos corpos celestes que máis influencia teñen sobre nós,  a Lúa?

A Lúa afecta nas nosas vidas sen que o notemos. As mareas prodúcense pola forza de gravidade que exerce sobre o mar. De feito, en moitos calendarios aparecen marcadas as distintas fases da Lúa xa que, por exemplo, as mariscadoras e os agricultores  as teñen en conta para poder organizar o seu traballo. Seguro que alguén da túa familia che pode contar máis cousas sobre como teñen en conta a lúa para ir a mariscar, trasegar o viño, salar o porco... non dubides en preguntarlles.

 A Lúa tamén marcou un antes e un despois na historia da humanidade. Sabes quen dixo: "Un pequeño paso para el hombre, un gran paso para la humanidad" ?  Cando o dixo e por que?  Pregúntalle a teus avós ou bisavós, ou a calquera outra persoa que vivira ese momento tan especial, si se acordan como foi para eles ese momento.

A curiosidade non ten límites podes plantexarte outras moitísimas preguntas diferentes.
Podesnos facer chegar o resultado das túas pesquisas a bibliocastelao@gmail.com e publicarémolas ou compartir con todos nós nos "comentarios" desta entrada o que che resultara máis interesante. 


Segundo reto

Plasma de forma visual as fases da Lúa. 
E envíanos fotos ou un pequeno vídeo do resultado do teu traballo. 

Aquí tes algunhas ideas:

- Con galletas Oreo. Ñam, ñam!










- Con vasos de plástico.


- Con goma eva



Da igual como o fagas o único importante é que te divirtas investigando e aprendendo!
Estou impaciente por ver os vosos traballos!

Recorda: bibliocastelao@gmail.com

03 mayo 2020

Todos a bailar con Pesdelán


Bos días familias!

Hoxe é un día especial, o Día da Nai, un día para compartir en familia. 
Como aínda temos que seguir na casa o grupo Pesdelán propónvos  percorrer mundo a través de bailes tradicionais galegos, de Euskadi, Brasil, Portugal... 



                                
                             Animádesvos?

Que tal o pasastedes? Deixádenos os vosos comentarios.


01 mayo 2020

Retos para o mes de maio


Ola a todos! Que tal estades? 

Espero que todos esteades moi ben. 


Dadas as actuais circunstancias as actividades que tiñamos previstas no noso PDI  
                  Ciencia e lectura, que loucura! 
víronse  interrumpidas. Non vos preocupedes, farémolas noutro momento. 

Maio é o mes das flores. E hoxe, 1º de maio, seguindo unha tradición ancestral seguro que nas portas das casas, nos coches, nas garneiras... podedes ver un ramiño de xesta.

Sabedes por que? 

Pois para anunciar a chegada do bo tempo e tamén como protección contra o "mal de ollo". 

Non sona moi científico verdade?  

Pero é parte da nosa cultura e das nosas tradicións. 
Os maios son festas moi importantes nas provincias de Ourense e Pontevedra. 

Estívenlle dando voltas e... neste mes de maio vouvos propoñer varios retos científicos.  

O primeiro, en homenaxe a esta tradición, ten que ver coas plantas.  

Como xa dixen colocamos ramiños de xesta pero... Sabes como se chama esta planta en castelán?  "Retama" Oíchelo algunha vez?

Primeiro reto: 

Saberías unir os nomes comúns en galego e castelán destas plantas?


Queremos agradecer a Arenaria (María e David) que colaboren tanto co noso cole e que nos propuxeran este primeiro reto científico. 

Recordade que nunha entrada anterior xa vos informamos que propuxeron varios retos para estes días na súa páxina web, en concreto en CIENCIA DIVERTIDA #QUEDANACASA

Deixámosvos uns días para que o resolvades e despois poñeremos as solucións.  
Se non sabes como son algunhas das plantas podes buscar imaxes e máis información sobre elas  nunha guía de plantas, nunha enciclopedia, en fontes fiables de Internet, etc.
A curiosidade dun bo científico nunca ten fin!

Fixestes esta actividade? Gustouche?  (deixa comentarios no apartado de "comentarios" desta entrada, xusto debaixo)

Queres propoñernos ti un reto científico? Fixestes algún experimento e gustaríache compartilo con todos nós? Mándanos unha foto ou un vídeo a bibliocastelao@gmail.com