03 mayo 2020
Todos a bailar con Pesdelán
Bos días familias!
Hoxe é un día especial, o Día da Nai, un día para compartir en familia.
Como aínda temos que seguir na casa o grupo Pesdelán propónvos percorrer mundo a través de bailes tradicionais galegos, de Euskadi, Brasil, Portugal...
Animádesvos?
Que tal o pasastedes? Deixádenos os vosos comentarios.
01 mayo 2020
Retos para o mes de maio
Ola a todos! Que tal estades?
Espero que todos esteades moi ben.
Dadas as actuais circunstancias as actividades que tiñamos previstas no noso PDI
Ciencia e lectura, que loucura!
víronse interrumpidas. Non vos preocupedes, farémolas noutro momento.
Maio é o mes das flores. E hoxe, 1º de maio, seguindo unha tradición ancestral seguro que nas portas das casas, nos coches, nas garneiras... podedes ver un ramiño de xesta.
Sabedes por que?
Pois para anunciar a chegada do bo tempo e tamén como protección contra o "mal de ollo".
Non sona moi científico verdade?
Pero é parte da nosa cultura e das nosas tradicións.
Os maios son festas moi importantes nas provincias de Ourense e Pontevedra.
Estívenlle dando voltas e... neste mes de maio vouvos propoñer varios retos científicos.
O primeiro, en homenaxe a esta tradición, ten que ver coas plantas.
Como xa dixen colocamos ramiños de xesta pero... Sabes como se chama esta planta en castelán? "Retama" Oíchelo algunha vez?
Primeiro reto:
Saberías unir os nomes comúns en galego e castelán destas plantas?
Queremos agradecer a Arenaria (María e David) que colaboren tanto co noso cole e que nos propuxeran este primeiro reto científico.
Recordade que nunha entrada anterior xa vos informamos que propuxeron varios retos para estes días na súa páxina web, en concreto en CIENCIA DIVERTIDA #QUEDANACASA
Deixámosvos uns días para que o resolvades e despois poñeremos as solucións.
Se non sabes como son algunhas das plantas podes buscar imaxes e máis información sobre elas nunha guía de plantas, nunha enciclopedia, en fontes fiables de Internet, etc.
A curiosidade dun bo científico nunca ten fin!
Fixestes esta actividade? Gustouche? (deixa comentarios no apartado de "comentarios" desta entrada, xusto debaixo)
Queres propoñernos ti un reto científico? Fixestes algún experimento e gustaríache compartilo con todos nós? Mándanos unha foto ou un vídeo a bibliocastelao@gmail.com
30 abril 2020
24 abril 2020
CONTO SOBRE O COVID-19
Aquí podedes ler o conto escrito pola psicóloga Fernanda Rodríguez Muguruza titulado Bailaremos baixo unha estrela. Ademáis de ofrecer información sobre a prevención do Covid-19, transmite unha mensaxe de esperanza e valor á vida.
Marcapáxinas polo día do libro
Mirade que fermosos marcapáxinas fixo Uxía polo Día do Libro
Recordade que si vos animades a facer vós os vosos marcapáxinas
e queredes compartilo con todos podedes mandarnos foto ao mail
da biblio:
bibliocastelao@gmail.com
Tedes varias ideas na entrada "actividades día do libro"
Moitas grazas tamén a Sabela e Lorena por facernos chegar unha foto das súas fermosas creacións!
E aquí tedes tamén o fermoso marcapáxinas de Elena
Moitísimas grazas a todas por participar.
E vós non vos animades?
Enviádenos as vosas creacións a bibliocastelao@gmail.com (pode ser calquera cousa que se vos ocurra un vídeo contándonos un conto, recitando unha poesía, adiviñas, chistes... un conto feito por vós, unha poesía... un experimento científico... manualidades sobre contos...)
23 abril 2020
23 DE ABRIL: DÍA INTERNACIONAL DO LIBRO
Ola a todos!
Aquí tedes o álbum coas fotos que me enviastes. Picade na imaxe para ver tódalas fotos.
Moitísimas grazas a todos os que participastes!
Aquí tedes un vídeo con recomendacións lectoras para tódalas idades, incluso para papás e mamás, gravado pola profe Aida (membro do Equipo de Biblioteca)
Ademáis, como hoxe é xoves e non podemos ir á biblio a desfrutar do conto de "O Xoves conto" aquí tedes o enlace ao vídeo dun libro que estou seguro que vos vai gustar. Trátase da historia do libro Todos menos uno.
22 abril 2020
VIDEOCONTOS INCLUSIVOS
Aquí vos propoñemos unha serie de videocontos sobre Inclusión. Moitos destes libros témolos na biblioteca, así que poderedes levalos emprestados cando volvamos á normalidade.
1. POR CUATRO ESQUINITAS DE NADA
2. O CAZO DE LORENZO
3. JUUL ( a partires de 10 anos)
4. YO VOY CONMIGO
20 abril 2020
ACTIVIDADES DÍA DO LIBRO
Estimadas familias:
Como sei que nestes días tamén estades gozando da lectura quería proporvos unha actividade para celebrar o Día Mundial do Libro, o 23 de abril.
Trataríase de que vos saquedes unha foto co voso libro preferido. Se non tedes o libro, pois podedes facer un debuxo do mesmo.
Logo a mandades ao enderezo electrónico da biblioteca: bibliocastelao@gmail.com e as miñas axudantes elaborarán unha presentación con tódalas fotos recibidas. Importante: no asunto da mensaxe escribide LIBRO, para que nos sexa máis fácil localizar as vosas fotos.
Logo a mandades ao enderezo electrónico da biblioteca: bibliocastelao@gmail.com e as miñas axudantes elaborarán unha presentación con tódalas fotos recibidas. Importante: no asunto da mensaxe escribide LIBRO, para que nos sexa máis fácil localizar as vosas fotos.
-Aquí tamén vos ofrecemos este díptico para descargar e colorear. Fai uns anos que o fixemos, pero vós sabedes que é moi importante reciclar, así que imos aproveitalo tamén este ano.
-Necesitades un marcapáxinas? Queredes facer un agasallo polo día do Libro? Picade nas imaxes para saber cómo elaborar estes marcapáxinas tan bonitiños.
Recordade que moitas veces podemos empregar anacos de materiais que temos por ahí e que non usamos. As caixas dos paquetes de cereais ou similares se poden usar en lugar de cartolina se lles poñemos un folio enriba.
Non vos esquezades da importancia da reutilización para coidar o medio ambiente.

Se vos animades a facer algún destes marcapáxinas tamén nos podedes enviar as vosas fotos ao noso enderezo electrónico.
19 abril 2020
DIA MUNDIAL DO LIBRO, 23 DE ABRIL
Aquí vos amosamos o díptico elaborado pola Consellería de Educación, Universidade e Formación profesional para conmemorar o Día do Libro.
Nesta ocasión cun fermoso texto de Manuel Gago.
16 abril 2020
#EULEONACASA
Xa que non podemos ir á biblioteca buscar libros. Moitas editoriais ofrecen algunhas das súas obras en formato dixital para que todos poidamos seguir lendo durante esta tempada.
1.Temos por exemplo Bahía Edicións, que publica libros en galego. Publicou na súa web varios libros que podedes descargar e ler tranquilamente na casa. Tedes libros a partires de 4 anos. Aquí tedes algúns títulos.
Picade aquí e podedes ver tódolos títulos que ofrecen:
2. Edicións MoitoConto, os creadores da revista O Papagaio tamén teñen na súa páxina web enlaces a algúns números do papagaio. Picade no enlace e botádelles unha ollada: http://www.edicionsmoitoconto.com/2018/10/o-papagaio-dixital.html
3. Aira Editorial tamén quere compartir con tódolos lectores o seu novo cómic "Carriandola". Picade na imaxe
3. Aira Editorial tamén quere compartir con tódolos lectores o seu novo cómic "Carriandola". Picade na imaxe
REVISTA "O PAPAGAIO"
Ola a todos!
Como este mes é especial podedes desfrutar da revista O Papagaio en versión dixital.
Botádelle unha ollada que hai cousas moi interesantes.
Como este mes é especial podedes desfrutar da revista O Papagaio en versión dixital.
Botádelle unha ollada que hai cousas moi interesantes.
Retos científicos para quedar na casa
Hoxe propoñémosche que visites a páxina web de arenaria coordinación onde María e David, os nosos científicos de cabeceira, propoñen distintos experimentos e actividades para que aprendas ciencia de forma divertida mentres quedas na casa.
(Pica na imaxe)
Algunhas delas pode que xa as coñezas do noso clube de ciencias "Código ADR" ou da actividade extraescolar do noso cole "Ciencia Divertida".
Anímate e mándanos algunha foto ou un pequeno vídeo (1 ou 2 minutos) facendo algún destes experimentos a bibliocastelao@gmail.com e subirémolo ao blogue.
Ahhh, e non te olvides de deixarnos os teus comentarios!!!!! Que experimento che gustou máis? Houbo algún que non che saleu? Gustaríache que propuxeran algún experimento en concreto sobre algunha cousa? (pica en comentarios xusto debaixo destas liñas)
26 marzo 2020
XOVES DE CONTO
Como non podedes vir á biblioteca buscar ningún conto para ler nin tampouco podemos facer os Xoves de conto, aquí vos deixamos un vídeo do libro "A vaca que puxo un ovo", de Andy Cutbill que tamén temos na nosa biblioteca. Esperamos que vos guste e vos axude a pasar un ratiño divertido neste tempo de confinamento.
25 marzo 2020
Queda na casa cos teus contos favoritos de OQO

Trátase dunha serie que consta de 26 capítulos de 10 minutos de duración e está dirixida a un público de 3 a 7 anos.
Cada capítulo corresponde á adaptación dunha historia tradicional ou contemporánea publicada en forma de álbum ilustrado por OQO Editora.
Aquí vos deixamos un enlace para que vaiades directamente aos vídeos e elixades vós mesmos.
Queda na casa con Kalandraka TV
Coñecedes estes contos, verdade?
Aquí vos deixamos un enlace para que poidades entrar en Kalandraka TV e ver os contos contados que están a disposición de todos.
CONTOS CONTADOS: http://www.kalandraka.tv/gl/seccion2.php?id=33
Aquí vos deixamos un enlace para que poidades entrar en Kalandraka TV e ver os contos contados que están a disposición de todos.
CONTOS CONTADOS: http://www.kalandraka.tv/gl/seccion2.php?id=33
22 marzo 2020
RECITAMOS A ROSALÍA
Xa que non estivemos no cole o Día da Poesía imos conmemorar este día cuns vídeo dos nenos e nenas de 1º A recitando poemas de Rosalía aos compañeiros de 1º B.
Que ben o fixeron, verdade?
Que ben o fixeron, verdade?
09 marzo 2020
8 DE MARZO: DÍA DA MULLER
Aquí tedes unha pequena mostra dalgunhas das actividades que realizamos no cole para conmemorar este día.
Os alumnos de infantil debuxaron ás súas nais e avoas e con estes bonitos debuxos elaboramos un mural no pavillón de infantil poñendo a profesión de cada unha en diferentes linguas ( galego, castelán e inglés).
Os alumnos de infantil debuxaron ás súas nais e avoas e con estes bonitos debuxos elaboramos un mural no pavillón de infantil poñendo a profesión de cada unha en diferentes linguas ( galego, castelán e inglés).
Os alumnos e alumnas de primaria se fotografaron imitando a traballadora que aparece na fotografía " We can do it" mundialmente coñecida como un símbolo da igualdade de xénero.
Os alumnos de 1º de Primaria fixeron tamén unha actividade en inglés. Nesta ocasión debuxaron as súas nais e logo escribiron a profesión de cada unha en inglés.
08 marzo 2020
SEMANA DA PRENSA
Como ben sabedes, esta semana traballamos a Semana da Prensa. Xa temos na biblioteca todo preparado para que poidades traballar na biblioteca. Podedes empregar estes periódicos en galego.
06 marzo 2020
VISITA DE ROSA ANEIROS
Esta semana recibimos a visita da escritora Rosa Aneiros na biblioteca. Estivo cos sextos e veu falarlles do seu libro Xelís, o guieiro das botellas de mar co que gañou o Premio Merlín 2019.
05 marzo 2020
MULLERES CIENTÍFICAS
Este mes empezamos coas dramatizacións sobre mulleres científicas que propuxemos fai varias semanas. Faranse os mércores e xoves na biblioteca durante o recreo.
Hoxe comezamos con Maria Sibylla Merian, entomóloga que se centrou sobre todo no estudo das bolboretas.
A encargada de representala foi Julia Mosquera, de 2º B , que o fixo dunha maneira espectacular.
Para a semana seguiremos!
Suscribirse a:
Entradas (Atom)





















