Enquisa sobre a biblioteca alumnado

 A túa opinión conta!

Si estás en 3º, 4º, 5º ou 6º de primaria cubre esta enquisa. 

Temos en conta todas as respostas para mellorar.

Podes contestala ata o luns 24 de maio

Enquisa sobre a biblio para as familias

 Danos a túa opinión e axúdanos a mellorar!

Xa sabemos que este ano foi un pouco diferente pero esperemos que o vindeiro curso escolar poidamos voltar á normalidade.

Podedes cubrila ata o luns 24 

Educación Responsable: REFLEJARTE

Este curso o noso colexio entrou a formar parte dos centros ER de Galicia. Esta iniciativa da Fundación Botín e a Xunta de Galicia trata de mellorar as relacións entre o alumnado e axudar aos rapaces a xestionar e expresar as súas emocións a través da Educación Responsable: educación emocional, social e da creatividade.  

Neste vídeo podedes ver un resumo das actividades levadas a cabo polo alumnado de 2º A no apartado de Reflejarte.  

A actividade que propuxo este ano a Fundación Botín "Olfato artístico" está basada na exposición ARTE Y ARQUITECTURA: UN DIÁLOGO, que se puido ver na súa sede de Santander ou visitar virtualmente desde outubro de 2020 ata maio deste ano. 

Esperamos que vos guste!

Seguimos elaborando vídeos para compartir con todos vós o noso traballo. 

Podedes acceder á zona de familias picando no logo da fundación botín desta entrada ou aquí. 

PLÁSTICA E LITERATURA

 Os alumnos de 2º A fixeron esta divertida actividade en plástica na que misturaron personaxes famosos cos libros que máis lles gustan. Quedoulles xenial, verdade?

OBRADOIRO DE POESÍA SOBRE XELA ARIAS

 Os alumnos de 3º tiveron esta semana un obradoiro de poesía a cargo de Andrea Barreira.

Coñeceron un pouco a poesía de Xela e logo compuxeron unha poesía moderna para alguén que eles apreciaban. 

CLUB DE CIENCIA: XOGANDO E FEDELLANDO NO MES DE MAIO

Aquí tedes unha mostra das diferentes estacións que podedes atopar na biblioteca. Tedes uns paneis explicativos sobre cada actividade, pero podedes adaptala según vos conveña.

A idea é que formedes grupos de 4 alumnos e que vaian rotando os mesmos polas diferentes estacións.

Para os experimentos os alumnos sentaranse nas mesas verdes respectando a distancia de seguridade e será o mestre o que faga a explicación do experimento.

Esperamos que desfrutedes coa experiencia.

LETRAS GALEGAS 2021 : XELA ARIAS CASTAÑO

 Como ben sabedes, este ano adícase o Día das Letras Galegas á poeta e  tradutora Xela Arias Castaño. 

Picade na imaxe de Xela Arias para acceder á nosa proposta de actividades para traballar este ano.

Tamén vos deixamos a canción que A Banda da Loba fixo sobre algúns dos poemas do libro Darío a Diario, libro que, como sabedes, Xela adicou ao seu fillo. É moi fermosa!

Neste enlace tedes todas as actividades propostas polo Seminario Galán para os diferentes niveis. Como xa sabedes hai actividades en papel e en liña.

SEMINARIO GALÁN

XOGOS LETRAS GALEGAS

Botádelle unha ollada a estes dous vídeos sobre Xela Arias Castaño realizados por compañeiros doutras escolas de Galicia. 

Prestade moita atención porque despois teredes que facer unha serie de actividades que elaboramos os membros do equipo da biblio e o equipo de dinamización. Preparados?

Canto máis atentos esteades máis acertaredes!

                           INFANTIL                                  

Xela Arias, una ficha interactiva de soniafranco
liveworksheets.com

      PRIMEIRO CICLO             

Xela Arias, una ficha interactiva de soniafranco
liveworksheets.com

Xela Arias, una ficha interactiva de soniafranco
liveworksheets.com

        SEGUNDO E TERCEIRO CICLO                   

Xela Arias, una ficha interactiva de soniafranco
liveworksheets.com

Xela Arias, una ficha interactiva de soniafranco
liveworksheets.com

BOOKTUBERS DE 2º DE PRIMARIA

 

Durante este mes de maio ampliamos a nosa proposta dos "Booktubers: Recomendacións lectoras" aos alumnos e alumnas de segundo.

Animádevos!

Empezamos a recibir as primeiras recomendacións.

IMPORTANTE!!! Se vedes o blog desde o móbil, lembrade cambiar a Ver versión web para poder ver os vídeos.

Empezamos con Lara, Noa e Eloi de 2º B

Agora Sabela e Iago de 2º B

Seguimos con Uxía e Elena de 2º A e Saray de 2º B

Seguimos con Mateo de 2º A

 Tamén se animaron Mara, Xiana e Mariña de 2° A

Rematamos coa recomendación de Borja de 2° A

Moitas grazas a todos pola vosa colaboración!

XOVES CONTO

 Este xoves traémosvos o conto "Unha parella diferente", de Daniela Kulot. Esperamos que vos guste tanto coma a nós!

RECOMENDACIÓNS LECTORAS DOS NENOS E NENAS DE PRIMEIRO

 Aquí tedes aos nenos e nenas de 1º A e 1º B recomendándonos os libros que máis lles gustan.

  Se queredes ver tamén as recomendacións de 5º e 6º picade   AQUÍ

Uxía, Xoel, Gael e Irina de 1º A

 

             

                             Cloe e Erick de 1º B

                        Pablo, Adriana I. e Alba de 1ºA

                                           Julia, Xiana e Josué de 1º A

Leyre, Marcelo e Rodrigo de 1º A

Mencía Macarena de 1º B e Lois e Martiño de 1º A

Marta, Luís, Antonia e Hugo de 1º A

Moitísimas grazas rapaces!

23 DE ABRIL: DÍA DO LIBRO

Para conmemorar este día tan especial preparamos unha actividade titulada " Viaxa cun libro". Cada aula tiña que escoller un lugar do mundo e o libro ou lenda que mellor o represente para elaborar nunha cartolina a portada de dito libro ou unha imaxe da lenda.

Preparamos un mapa do mundo e pegamos  as ilustracións arredor do mesmo. Aínda non o temos rematado pero vai quedar ben xeitoso, verdade?

Xa case está...                                                       

 

Ademais, as aulas fixeron diferentes actividades.

Aquí tedes unha mostra do que fixeron as aulas de segundo de primaria. Como vedes, montaron un fermoso mural con debuxos dos seus libros favoritos.

 

Coma en anos anteriores fíxose o xogo do amigo invisible entre o profesorado.

22 DE ABRIL: DÍA DA TERRA

 Aquí tedes unha mostra das actividades que fixeron algunhas aulas para conmemorar O Día da Terra.

Nestas fotos podedes ver aos alumnos e alumnas de 2 B e de 3 B.

XOVES CONTO: "YO VOY CONMIGO"

 

COMPROMETIDOS CO MEDIO

O pasado venres a rapazada  de cuarto curso do noso centro fixo unha saída ata a praia de Tanxil para valorar o impacto dos residuos no medio mariño. Despois dunha emocionante caza do tesouro, recolleron lixo para facer un cribado nas aulas e analizar o tempo que tardarían eses residuos en desaparecer do medio.

No paseo pola praia atoparon unha grata sorpresa. Un vale para un libro escrito por Francisco J. Aboy Losada, escritor rianxeiro. Un final inesperado para unha xornada emocinante.

 

 

RECOMENDACIÓNS LECTORAS

 Empezamos a recibir as recomendacións lectoras dos nosos booktubers de 5 e 6.

Comezamos con Ismael Ferreirós de 5 A

Tamén se animou Cynthia da mesma aula.

Esta semana animouse Daniela de 5 C

Moitas grazas!

Ah! E se vos apetece  contarnos un conto tamén podedes ( a familia tamén pode participar). Xa sabemos que iso vos levará moito máis tempo e por iso recibiredes dobre agasallo. Animádevos!

ACTIVIDADES DÍA DO LIBRO

 A nosa proposta para o alumnado de terceiro ciclo para conmemorar o Día do Libro é a seguinte:

Animádevos!

NOVIDADES MES DE ABRIL

 Entre algunhas das novidades deste mes poderedes atopar libros con CDs e tamén varios libros sobre o Nicolasiño de Goscinni

ENREGUÉIFATE 2021

 

Este luns o alumnado de quinto participou nun obradoiro que forma parte dun proxecto organizado polos concellos de Ames, Teo, Santiago de Compostela, Pontevedra e Rianxo  co que se pretende difundir a improvisación oral en galego a través dun xénero tan galego como a regueifa.

Podedes picar na imaxe para acceder a toda información sobre o proxecto

Estas son algunhas imaxes do obradoiro.

Un pequeno vídeo

ACTIVIDADES MES DE ABRIL

 Durante o mes de abril a aula de segundo B estivo lendo, recitando, ilustrando...  poesías do fermoso libro  Vento, ventiño, venteiro de Antonio García Teijeiro.  

Aquí tedes a Efrén, Eloi e Lara recitando algúns dos poemiñas que máis lles gustan.

Tamén se animaron Saray e Zoey.

Moitas grazas rapaces e familias por compartir estes vídeos con todos nós!