RECOMENDACIÓNS LECTORAS PARA O NADAL

Aquí tedes as nosas recomendacións lectoras para o Nadal.

NOVIDADES

 Aquí tedes algunhas das novidades que temos na biblio. Xa sabedes que podedes vir nos recreos facer préstamos e devolucións e tamén polas tardes de 4 a 6.

MES DA CIENCIA EN GALEGO: EXPERIMENTOS

 Durante este mes de novembro a rapazada de 4° explicáronlles aos compañeiros de 1° e 2° varios experimentos. Fixérono xenial!

25 N

 Esta é a exposición que organizamos na biblioteca para conmemorar o 25 N, ademais de ofrecer diferentes materiais para realizar nas aulas.

Ademais, hoxe conmemoramos este día cun acto no porche de infantil. Ao rematar cantamos todos xuntos La puerta violeta de Rozalén.

Estas son algunhas actividades que realizaron as diferentes aulas.

2° de E.P.

   

    3° de E.P.

    

     6° de E.P.

MES DA CIENCIA EN GALEGO

 Como ben sabedes, en novembro celebramos o Mes da Ciencia en galego. 

Imos facer uns obradoiros na biblio, xa veredes que ven o imos pasar

INAUGURACIÓN BIBLIOTECA 2023

Xa estamos de volta! 

Este ano imos facer unha inauguración de cómic.

Propoñémosvos varias actividades para realizar na biblioteca:

marcapáxinas, banderolas, personaxes de cómic, mini- cómics, etc. 

Ademáis, para  aprender un pouco sobre o cómic aconsellámosvos que vexades esta presentación de Francisco Ibáñez, un gran creador de cómics.

MAGOSTO

 Hoxe celebramos o Magosto no colexio. 

Ademais de comer as castañas asadas, tamén fixemos xogos populares como o pano, carreiras de sacos e o tradicional tragacastañas.

XOVES CONTO

 Este mes de novembro uns compañeiros de 6° de primaria animáronse a contar un conto no recreo para empezar co "Xoves conto".

 Comezaron Izan e Carmen contándonos "Corre, corre cabaciña".

A semana seguinte animáronse Xiana, Xulia e Lara con A Bruxa regañadentes.

Corre, corre cabaciña.

MOCHILAS VIAXEIRAS

 Este mes de outubro arrincamos outro ano máis coas mochilas viaxeiras. Nelas atoparedes un libro en galego, un libro en castelán, unha revista e un xogo para que o pasedes ben en familia.

Esperamos que as desfrutedes!

CURTAS DE MEDO POLO SAMAÍN

 Esta semana temos curtas de medo na biblioteca durante o recreo. 

Animádevos!

Coro de emocións, infantil

 O alumnado de 3 anos B participou este curso no Coro de Emocións de Educación Responsable.

A que o fixeron xenial!

RECOMENDACIÓNS LECTORAS PARA O VERÁN

 Para rematar este curso traémosvos unhas recomendacións lectoras para desfrutar da lectura no verán.

Rianxo, unha emoción

 Os alumnos de 2º B participaron na xuntanza online de Coro  Emocións da Xunta de Galicia e a Fundación Botín. Aquí tedes o seu traballo. 

Grazas, profe Silverio, por ensaiar con nós!

5 DE XUÑO: DÍA DOS OCÉANOS

 Os rapaces e rapazas de Educación Primaria elaboraron unhas fermosas tarxetas cun circuito eléctrico para conmemorar o Día dos Océanos.

Mirade que bonitiñas lles quedaron!

OBRADOIRO CON PABLO OTERO

 Este xoves, a rapazada de 4º tivo un obradoiro de creatividade levado a cabo polo gran Pablo Otero. 

Aquí tedes unhas imaxes dalgunhas das actividades que realizaron.

EXPERIMENTOS CIENTÍFICOS EN GALEGO

 Os rapaces e rapazas de 3º de E. P. ensínannos nestes vídeos diferentes experimentos que foron realizando ao longo do curso.

Botádelle unha ollada!

O CEIP ADR Castelao, centro graduado en Educación Responsable

Desde o 1 ao 22 de xuño podedes ver no Auditorio Municipal de Rianxo unha mostra dos traballos realizados polo noso alumnado durante estes tres últimos anos dentro do programa Educación Responsable da Fundación Botín co que colabora a Consellería de Cultura, Educación e Universidade.

 

Educación Responsable, é: educación emocional, social e da creatividade e, como non, a biblioteca escolar formou parte desde o primeiro momento aportando os seus fondos, axudando a organizar actividades, acollendo as mesmas, aportando ideas... 

A biblioteca non é só un espazo é algo máis e podedes ver o froito dese "algo máis" que facemos nesta exposición. 

Non vola perdades! 

A Que Sabe a Lúa

 O curso pasado o alumnado de 6º B creou unha versión de 

                    A Que Sabe a Lúa

en Stopmotion dentro das actividades de Literatura e Creatividade de Educación Responsable da Fundación Botín e coa voráxine de fin de curso non nos demos conta de que non o compartíramos con todos vós. 

A que fixeron un gran traballo?

OBRADOIRO DE ARTE RECICLADA CON AMICOS

 Esta semana recibimos de novo a visita dos nosos amigos da Asociación Amicos. Nesta ocasión viñeron a facer un obradoiro con material reciclado. Mirade o vídeo para descubrir qué animais crearon cun sinxelo tubo de cartón.

LECTURA E FAMILIAS: OBRADOIRO "LIBROS DE FAMILIA"

Este é o próximo obradoiro que teremos o xoves 1 de xuño.

Este é o enlace para anotarvos: OBRADOIRO

Animádevos a participar!