RECITAMOS A ROSALÍA

Xa que non estivemos no cole o Día da Poesía imos conmemorar este día cuns vídeo dos nenos e nenas de 1º A recitando poemas de Rosalía aos compañeiros de 1º B.

                                        

Que ben o fixeron, verdade?

8 DE MARZO: DÍA DA MULLER

Aquí tedes unha pequena mostra dalgunhas das actividades que realizamos no cole para conmemorar este día.

Os alumnos de infantil debuxaron ás súas nais e avoas e con estes bonitos debuxos elaboramos un mural no pavillón de infantil poñendo a profesión de cada unha en diferentes linguas ( galego, castelán e inglés).

Os alumnos e alumnas de primaria se fotografaron imitando a traballadora que aparece na fotografía " We can do it"  mundialmente coñecida como un símbolo da igualdade de xénero.

Os alumnos de 1º de Primaria fixeron tamén unha actividade en inglés. Nesta ocasión debuxaron as súas nais  e logo escribiron  a profesión de cada unha en inglés.

SEMANA DA PRENSA

Como ben sabedes, esta semana traballamos a Semana da Prensa. Xa temos na biblioteca todo preparado para que poidades traballar na biblioteca. Podedes empregar estes periódicos en galego.

VISITA DE ROSA ANEIROS

Esta semana recibimos  a visita da escritora Rosa Aneiros na biblioteca.  Estivo cos sextos e  veu falarlles do seu libro Xelís, o guieiro das botellas de mar co que gañou o Premio Merlín 2019.

MULLERES CIENTÍFICAS

Este mes empezamos coas dramatizacións sobre mulleres científicas que propuxemos fai varias semanas. Faranse os mércores e xoves na biblioteca durante o recreo.

Hoxe comezamos con Maria Sibylla Merian, entomóloga que se centrou sobre todo no estudo das bolboretas.

A encargada de representala foi Julia Mosquera, de 2º B , que o fixo dunha maneira espectacular.

Para a semana seguiremos!

LEMBRAMOS A ROSALÍA DE CASTRO

O venres 28 de febreiro celebramos o día de Rosalía de Castro. Elaboramos as nosas tradicionais flores a Rosalía, recitamos poesías da escritora e ata montamos un photocall na entrada do pavillón principal.

ENTROIDO

Aquí podedes ver como celebramos o Entroido no colexio seguindo o tema do noso PDI sobre Ciencia e Medio ambiente. Podemos ver dinosauros, peixes, activistas, árbores, arcos da vella e incluso cohetes.

Picade na foto para ver máis imaxes.

PROXECTO DE CIENCIA: VISÍTANOS UNHA ASTROFÍSICA

Hoxe tivemos a visita doutra científica. Nesta ocasión foi Isabel Rebollido, unha fantástica astrofísica que veu dar tres charlas sobre o universo.

O alumnado de primeiro, segundo, terceiro e cuarto quedou encantado con esta visita.

Volve cando queiras!

MURAL DE MULLERES CIENTÍFICAS

Onte na actividade extraescolar de Ciencia divertida tamén quixeron facer unha pequena homenaxe ás mulleres científicas. Por iso elaboraron este mural tan bonito que hoxe colgamos na entrada.

A nós encántanos, e a vós? Grazas Arenaria pola vosa aportación.

DIA INTERNACIONAL DA MULLER E A NENA NA CIENCIA

Para lembrar este día tan importante temos unha exposición na biblioteca e tamén un mural con información en formato cómic sobre diferentes mulleres científicas.

Podedes atopar mais información nestas páxinas web:
www.mujeresconciencia.com
www.11defebrero.org

CHARLA SOBRE MULLERES E CIENCIA

Hoxe, 11 de febreiro, celebramos o Día internacional da muller e a nena na ciencia.

Tivemos a sorte de recibir a visita de Cristina Vilas, científica e investigadora da USC. Deulles aos sextos unha charla titulada " De maior quero ser científica matemática".

Ademais, ensinoulles moitas curiosidades e mesmo descifraron mensaxes empregando o código César.

Moitas grazas pola túa visita Cristina e agardamos que non sexa a última.

VISITA DE EXPERTOS

Seguimos co proxecto de Ciencia. 

Este xoves tivemos a visita de Olga Ces, enfermeira que actualmente traballa na Xunta.

 Estivo cos cuartos ensinándolles nocións básicas de primeiros auxilios e tamén lles falou sobre a importancia das vacinas.

Moitísimas grazas pola túa xenerosidade!

CHARLA SOBRE PLANTACIÓN E REFORESTACIÓN

Hoxe estivo con nós Emilio Saborido, membro da asociación Fousas ao monte, quen veu darlles unha charla ao alumnado de 4 de primaria sobre plantación e reforestación.

Estiveron atentísimos xa que para o vindeiro mes irán prantar eles mesmos ao monte.

TRABALLAMOS O DÍA DA PAZ

Os nenos e nenas de segundo de primaria traballaron a biografía do artista urbano Bansky con motivo do Día da Paz.

DIA DA PAZ

Hoxe celebramos o Día da Paz e a non violencia no colexio.

As aulas decoraron o símbolo da paz para logo adornar o colexio. Tamén se propuxo facer unha receita para conseguila paz, por iso cada aula escolleu un ingrediente para elaborar esta receita.

 Aquí podedes ver unhas imaxes do ben que o pasamos.

BIBLIOTECA CREATIVA: OBRADOIROS DE E-TÉXTILES

Este venres 24 de xanairo leváronse a cabo na nosa biblioteca uns obradoiros de experimentación sobre E- téxtiles a cargo de Paola Guimaráns, especialista en educación na área de e- téxtiles e impulsora da iniciativa educativa aula STEAM.

O alumnado de 4 de primaria tivo a sorte de experimentar con circuitos e papel, circuitos e téxtiles, e un obradoiro de Makey Makey en Scratch. Unha nova e divertida forma de aprender e combinar arte, ciencia e tecnoloxía.

MALETA VIAXEIRA: CIENCIA EN PRIMARIA

Xa temos na biblioteca a segunda maleta viaxeira emprestada pola asesoría de bibliotecas escolares.

Desta vez, o contido da maleta é a ciencia. Podedes atopar moitos títulos interesantes sobre animais, experimentos, mulleres científicas, o espazo, etc.

Recordade que podedes coller e ler os libros desta maleta durante os recreos e tamén polas tardes, de catro a seis. Xa sabedes que non se poden levar emprestados.

AGASALLOS DE NADAL

Algunhas aulas fixeron os agasallos de nadal para as familias reciclando diferentes materias. Aquí tedes unha mostra das cousas fermosas que fixeron.

CANTOS DE REIS

Os nenos e nenas de segundo de primaria ofreceron uns cantos de reis aos seus compañeiros, que os agasallaron cun aguinaldo.

RECOMENDACIÓNS LECTORAS

Aquí tedes as nosas recomendacións lectoras para este nadal.

Esperamos que desfrutedes das vacacións e do tempo en familia.