VOLTA AO COLE!

Mañá 11 de setembro ás 11 comeza a singladura do curso 2013-14.

Gustaríavos saber que tema eleximos este curso para traballar desde a biblioteca?  Como será o mural da porta da biblio deste curso?

Pois botade a andar a vosa imaxinación...

Aquí tedes unha pequena pista... de quen é esta ilustración?

Esperamos as vosas respostas e que nos comentedes que tal o primeiro día ! _

Liberespazo

Recordade que podedes seguir cubrindo os pases ao liberespazo na Biblioteca Municipal.


Aínda que estes na praia le un libro na toalla!

Ánimo!

Revista Escolar "Ondiñas Veñen"

Agora tamén a revista en formato dixital.

Exposicións Letras Galegas no Auditorio Municipal.

Dende o 15 de xullo ata o 4 de agosto estiveron no Auditorio Municipal as exposicións:
 Valentín Paz Andrade: Galego de Corazón.
 Roberto Vidal Bolaño: Autor, Actor  e Público do Aquí. 
 Esta semana toca recollelas!
 

Lendo en Rianxo

Na Feira do Libro de Rianxo.
As bibliotecas de Rianxo estivemos presentes na Feira do Libro cunha pequena mostra do traballo que realizamos. Quixemos sacar as nosas bibliotecas á rúa e compartir a nosa experiencia común con tod@s os que paseron pola Feira ao longo deses días. "Lendo en Rianxo" foi o nome que escollemos para o noso espazo nunha das casetas da feira e o título do vídeo que elaboramos para proxectar na feira e mostrar algunhas das actividades que se desenvolven no día a día das bibliotecas de Rianxo.
Aquí o tedes: Lendo en Rianxo.


Programa da Feira do Libro.

Este foi o noso recuncho.

Lendo en Rianxo from CEP Brea Segade

Recurso para ALFIN

Poñevos a vosa disposición un documento para imprimir  ou consultar cando teñades que facer un traballo de búsqueda de información. Ensínavos os pasos que debedes seguir para buscar datos, pequenos trucos, que elementos debedes incluir nun traballo ....e moitos elementos de grande utilidade.

Recurso elaborado por Mª Olga Rodríguez Díaz do CEIP Milladoiro de Malpica



Pincha aquí para acceder ao documento: búsqueda de información.

Graduación de Educación Infantil

A biblioteca acolleu a graduación dos nenos e nenas de Educación Infantil. Este acto estivo organizado polos seus titores e especialistas. Os nenos/as viñeron vestidos con birrete e banda.Cantaron unha canción de graduación e recibiron cadansúa orla.
 Foi un acto sinxelo e emotivo.
 A biblioteca fíxosenos moi pequena para acoller a pais, nais, avós, amigos,...que acudiron a presenciar a graduación.
 Noraboa! Xa estades en primaria!

Voces Rianxeiras

Polo mes de marzo, fixemos este xornal entre todos e todas as nenas e nenos do colexio. Xa estivo exposto para que o poidésedes ver.Agora aquí o tendes máis a man, por si o queredes volver a ollar ou ensinarllo as vosas familias.

Graduación dos alumnos de 6º

Os maiores do cole xa se despediron de nós para ser os máis "peques" do Instituto.
Boa sorte a todos/as e demostrade todo o que valedes.






 Non vos olvidedes da vosa singladura polo Castelao e volvede a visitarnos!

Encontro con Paula Carballeira

O xoves 13 os nenos e nenas de cuarto tiveron un encontro coa escritora e actriz: Paula Carballeira. 
Con anterioridade, nas clases estiveran lendo varios libros da autora. Un destes libros foi Casas. Así construíron, debuxaron e inventaron distintos modelos de casas. Estaban desexando coñecela!
Paula contoulles que para facer este libro inspiroulle o feito de que ela viaxara por moitos lugares e que viveu en moitos tipos de casas das que aparecen no libro; aínda que moitas casas eran imaxinarias. Suxeríulle que por darlle a imaxinación non pasaba nada!
Tamén houbo un anaco para as historias de medo. Todos botáronse para atrás asustados ao rematar a historia.
Ninguén se quería marchar estaban moi a gusto escoitando a esta narradora fabulosa. A final houbo un intre para asinar os libros dos nenos e nenas.

GRAZAS POR COLABORAR

Este venres xuntamos aos colaboradores e colaboradoras de biblioteca para darlle as grazas por axudar na biblioteca. Quixemos agasallalos cun pequeno presente.  
Algúns xa marchan do cole rumbo ao instituto. Acordarémonos de todos vós.
Sin estes colaboradores a biblioteca non funcionaría tan ben!

Moitas gracias a todos e todas!

Compartindo Auga Enfeitizada

A exposición Auga Enfeitizada elaborada pola clase de 2º A despois de estar na nosa Biblioteca logo viaxou á Biblioteca Municipal agora xa leva estas dúas últimas semanas no CEIP Cespón . O noso proxecto da Biblioteca xirou este curso en torno a auga, e esta clase realizou uns fermosos e orixinais carteis de seres mitolóxicos que viven nas augas e unha ficha de busqueda de información. O centro de Cespón tivo como Proxecto Anual :"Tempo de Lendas. Lendas no tempo". Estiveron realizando diversos traballos sobre seres mitolóxicos, polo que a nosa exposición sirveulle para afianzar as informacións que xa coñecian dalgúns seres e coñecer outros novos.

Si queredes ver visitade o blog da súa biblioteca.

Amigos dos libros.

Conto inventado e ilustrado, na clase, polos nenos e nenas de 1º A no mes de abril. Libros Mil. Empregaron para ilustralo unha técnica que lles gústou moito. Pintaron con ceras brandas de moitas cores o fondo, logo déronlle unha capa de negro e finalmente rascando apareceron os personaxes. 
O resultado precioso!

Guía lecturas para o verán 2013

 

Xoves Conto

Os nenos e nenas de 2º C contáronnos A Mosca Fosca.
Estivo moi ben! 

OS VELLOS NON DEBEN NAMORARSE

Xoga cos Contos Clásicos

Recurso elaborado por Bibliocastelo A Pedra. Bueu. Pontevedra.

TOUPORROUTOU DA LÚA E DO SOL.