22 diciembre 2018

Tempo de acivros, tempo de libros


Un ano máis os coles de Rianxo: o CEIP Ana María Diéguez de Asados, o CRA de Rianxo, o CEP Xosé Mª Brea Segade de Taragoña, o CEIP ADR Castelao  e a BPM Castelao  xuntámonos para ofrecervos unha escolma das últimas novidades de libros e música en galego para que agasalledes ou vos asagallen no Nadal.

Poderédelos atopar tamén nas diferentes bibliotecas en función das idades dos usuari@s.

                                               
                      
                       Un libro polo Nadal 
                           nunca está mal!




20 diciembre 2018

CONTACONTOS NA BIBLIOTECA PÚBLICA MUNICIPAL

Nesta ocasión Sofía contoulles aos alumnos e alumnas de Segundo de E.P. unha versión do libro El Cascanueces y el Rey de los ratones, xa que era o que estaban traballando na clase eses días.
Os alumnos elaboraron unha postal para desexarlles aos usuarios da biblioteca municipal un Bo Nadal e Feliz Ano 2019. 
De volta no colexio viron unha versión clásica de debuxos animados deste clásico de Nadal. 
Ademais, os alumnos de Segundo B elaboraron un cascanueces como decoración navideña.

10 diciembre 2018

MES DA CIENCIA EN GALEGO

No mes de novembro celebramos o mes da ciencia en galego. Na biblioteca preparamos unha pequena exposición sobre ciencia e cine. O alumnado tivo a oportunidade de facer diferentes actividades relacionadas co cine durante a súa sesión de biblioteca semanal e tamén durante os recreos. 



05 diciembre 2018

CHARLA CIM


O venres 30 de novembro recibimos a visita  do CIM de Boiro. A súa directora, María Ortega, xunto coa psicóloga e avogada do centro estiveron co alumnado de 5º e 6º de primaria e lles explicaron a labor que realizan.
Os nenos e nenas estiveron moi atentos e ao final lles fixeron moitas preguntas. 









Moitas grazas pola visita!



28 noviembre 2018

INAUGURACIÓN CURSO 2018-2019


No mes de outubro celebramos a inauguración da biblioteca para o curso 2018-2019. 
Tódolos cursos pasaron pola biblioteca onde fixeron diferentes actividades: visionado de curtas, obradoiros de lectura, etc.
Cada clase trouxo un debuxo sobre a temática do cine que despois se colgou no teito da biblioteca para comezar a ambientala.
Picade na foto para ver máis fotos dos diferentes cursos.



                                 



27 noviembre 2018

VISITA CULTURAL



O martes 27 e mércores 28 de novembro o alumnado de primaria asistirá á "XIX Mostra de Curtas Vila de Noia". Nesta mostra se proxectan curtas, tanto de ficción como de animación, creadas por profesionais e aficionados de diferentes partes do mundo.





21 noviembre 2018

EXPOSICIÓN O MAGO DE OZ

Durante os meses de outubro e novembro tivemos na entrada do colexio unha exposición con diferentes versións de O Mago de Oz. Algunhas clases tamén viron a película.



CELEBRANDO O 25N


Con motivo do 25 N preparamos na entrada do colexio  unha pequena exposición de lecturas para traballar nas aulas.



PRÉSTAMO INTERBIBLIOTECARIO




Esta semana recibimos outro lote de Libros a Eito da biblioteca escolar do CEP Xosé María Brea Segade, de Taragoña.


Esta vez, o libro emprestado foi Coraline, de Neil Gaiman. Os alumnos de 4º recibiron estes exemplares con moita ilusión.






Moitas grazas !



28 octubre 2018

Compromiso de Colaboradores da biblioteca

Ao longo desta semana os colaboradores asinarán o seu compromiso de colaboración nas distintas actividades da biblioteca. Sen eles,elas sería moi difícil ter:  a biblioteca ordenada, facer préstamo, controlar os ordenadores,... e un longo etc

22 octubre 2018

Poeticas diversas na biblioteca escolar.

POÉTICAS DIVERSAS NA BIBLIOTECA ESCOLAR é o lema que a Consellería de Educación, Universidade e Formación Profesional propón ás bibliotecas escolares para o curso 2018/2019, como chiscadela para descubrir a poesía que nos rodea, apoiádonos nos recursos e nas posibilidades da biblioteca escolar. Nuria Díaz foi a ilustradora, deste cartel que xa temos na nosa biblioteca.

Poéticas diversas convida a asolagar as aulas de poesía, a tratar con poetas, a perderlle o medo á metáfora, a xogar coa palabra e coa imaxe até obter todo o seu zume, a coñecer a excelente e variada creación poética galega destinada a todas as idades, a permitir que o alumnado galego poña voz e dea vida á tradición lírica galega, á poesía de Rosalía e de todas e todos os poetas que foron e son.

MARCAPÁXINAS DA CAMPAÑA DE LECTURA

Estes son os modelos a cor, tamén os fixemos en branco e negro para que os nenos e nenas os poidan
colorear.


DIPLOMA CO LEMA GAÑADOR



HORARIO CURSO 2018-2019


COLGADOR HORA DE LER

Únete a Dorothy Gale, Totó, o León Cobarde, o Home de Folla de Lata, a malvada Bruxa do Oeste,...
levaranche xunto o Mago de Oz. Presentamos o modelo deste curso. 
Este colgador está pensado para as lectura na casa. 
Que ninguén moleste !!!

Calendario

As mochilas xa botaron a andar.Este é o calendario, deste curso, para que as aulas leven o control  do tempo de permanencia en cada casa.
Desfrutade da lectura en familia!!

21 octubre 2018

Curtas inauguración. Bullying Blender

Unha análise sobre a violencia e a desigualdade de xénero a través do bullying escolar.

Curtas Inauguración. Mobile

Filmakademie, en colaboración con Verena Fels, grandes referencias de animación, creou Mobile, un audiovisual totalmente marabilloso cuxo tema é xenial para o noso tempo: amizade. 
Fels, directora alemá, conquistounos cunha curta que ilustra a historia dunha vaquiña e varios animais que "viven" nun móbil para bebés. Alí, a vaca adorable está só no lado oposto doutros animais e, polo tanto, sen amigos. De súpeto, un pequeno rato amarelo invita á vaca a cambiar de lado, o que sen dúbida causará perturbacións no móbil. A vaca, para estar máis preto do seu novo amigo, fai o impensable e ata pon a outros animais en risco. O desenvolvemento dos feitos mergúllanos en suspenso, pero o fin demostra que a amizade pode ser máis forte que calquera cousa, creando, mesmo, un equilibrio entre todos os animais.

Curtas inauguración. Snack Attack

Snack Attack, unha curta asinada por Eduardo Verástegui e a súa productora Metanoia Films, que ademais de poñervos un sorriso que permanecerá ata o final da mesmo, fainos reflexionar sobre a forma en que xulgamos ás persoas, deixándonos levar polas primeiras impresións, falsas apariencias, por prexuicios que nos impiden compartir e gozar do que esas persoas poden e queren ofrecer. Toda unha canción para a xenerosidade.

Curtas inauguración. Rato en venta.


Goza desta curta de CGI sobre Snickers, un rato que quere ser un animal doméstico, desexando ser comprado por alguén. Pero ten un gran problema: as súas enormes orellas. Os nenos que entran na tenda riénse. Snickers atopará ao compañeiro que desexa? O que o levará quen é?

Curtas inauguración. The Present.

“The Present” (O Agasallo) é unha curta alemá que gañou máis de 50 premios nos distintos festivais de cine do mundo. A súa conmovedora historia básase nunha pequena tira cómica de Fabio Coala e fainos reflexionar sobre a importancia das cousas sinxelas,e da aceptación e o amor propio. Disfrutemos desta pequena e fermosa historia.

18 octubre 2018

VISITA DE Mª JOSÉ GULÍN RODRÍGUEZ




O mércores 9 de outubro tivemos un encontro coa escritora María José Gulín Rodríguez, quen nos veu contar o seu último conto O zapateiro e o raposo. Estivo con primeiro, segundo, terceiro e cuarto. 
Queremos agradecerlle que, de maneira desinteresada, viñera pasar unha mañá con nós.



Aquí podedes ver unha mostra dos traballos feitos por algunhas clases sobre o libro.





17 octubre 2018

MOCHILAS VIAXEIRAS


Xa están en marcha as mochilas viaxeiras para este curso. Esperamos que disfrutedes e alucinedes coas lecturas propostas.
O lema escollido para este ano é "Lectura e cine, un plan de alucine" .






Agradecemos á Biblioteca Pública Municipal a súa colaboración  co colexio, outro ano máis,   co  préstamo de varios exemplares para poder completar as mochilas, tanto con lecturas para adultos como para nenos.






11 octubre 2018

PRENSA NA ESCOLA



O colexio está participando no programa de La Voz de Galicia Prensa na Escola, dirixido ao alumnado de 5º e 6º de EP.
Tódolos mércores as aulas participantes reciben 10 xornais para traballar con eles.
Os demáis cursos tamén podedes utilizalos se vos interesa.



10 octubre 2018

PRÉSTAMO INTERBIBLIOTECARIO




Esta semana os alumnos e alumnas de 6º recibiron un lote de libros a Eito da biblioteca escolar do CPI San Vicente de A Baña. 

Os libros emprestados foron 17 exemplares de Memorias dun neno labrego, de Xosé Neira Vilas  e  17 exemplares de Kafka y la muñeca viajera, de Jordi Sierra y Fabra.





Moitas grazas por este préstamo! 

CONTACONTOS SOBRE A DIABETE


A semana pasada os nenos e nenas de 1º de EP estiveron na biblioteca escolar con Raquel Queizás, quen lles contou un conto no que Nano, o protagonista, ten diabete.






Pasámolo xenial!





08 octubre 2018

XORNADAS DE BOAS PRÁCTICAS EDUCATIVAS



O sábado 6 de outubro celebráronse en Santiago de Compostela unhas Xornadas de Boas prácticas educativas nas que se presentaron o PDI e o Proxecto TIL realizado no centro o curso pasado: Abrir Rianxo ao Mundo.


Presentamos  unha pequena mostra do que fixemos.


27 septiembre 2018

CONTACONTOS INFANTIL ILUSTRADO


Este sábado 29 de setembro ás 12:00 na biblioteca pública os nenos entre 3 e 7 anos poderán ver

Gliz o pastor de nubes e o pintor de flores























Non faltedes!

24 septiembre 2018

VISITA DE ELSA DIMANDE




Xa recibimos a visita de Elsa Dimande. Aquí vos deixamos algunhas imaxes que nos recordarán o seu paso polo colexio.





CONCERTO DIDÁCTICO



O mércores 19 de setembro todo o colexio fomos ao Auditorio escoitar un concerto didáctico realizado polo Cuarteto Tuberías. 

Nos ofreceron un concerto de bandas sonoras que nos gustou moitísimo.



18 septiembre 2018

RIANXO E MOZAMBIQUE

                             


O venres 21 de setembro teremos a visita da traballadora social Elsa  Dimande, que traballa como técnica na Asociación Nacional de Municipios de Mozambique e participa no programa de colaboración Vacacións con traballo en Galicia.


Esta asociación traballa en colaboración co Fondo Galego de Cooperación e Solidariedade.
O concello de Rianxo é socio deste Fondo Galego, creado no ano 1997 e formado por 95 concellos das catro provincias galegas. A través del lévanse a cabo diferentes proxectos e actividades de cooperación ao desenvolvemento nos países do Sur.

Elsa falaranos de temas tan importantes como son a igualdade de xénero, o traballo social con nenos e nenas, o urbanismo para o benestar da infancia e o asociacionismo feminista, sen esquecerse da solidariedade internacional.




Esperamos que disfrutedes coa súa visita!

03 julio 2018

ABRIR RIANXO AO MUNDO. Conto: Mar

Unha nova creación. Fermosa!!

BANDA DESEÑADA. ARROASMAN E ARROASGIRL 2

Segunda entrega das aventuras de Arroasman e Arroasgirl. Aventuras rianxeiras. Que ocorrerá?

ENTREVISTA A ROSALÍA.


Facendo teatro, entrevistando fomos coñecendo a Rosalía. Esta poetisa tamén ten a súa presenza na nosa vila.
Esto ocorreu na biblioteca ala polo mes de febreiro ou marzo.

ABRIR RIANXO AO MUNDO. BANDA DESEÑADA.

Creación de banda deseñada onde Rianxo é o lugar onde suceden estas aventuras.

O BAILE DOS CABEZUDOS. ABRIR RIANXO AO MUNDO

ABRIR RIANXO AO MUNDO.PEITO DE LOBO

POR CATRO RECANTOS DE NADA

Creación da clase de Educación Infantil de 4 anos B. Xa o temos en soporte papel para que o poidades ler en galego.
Por Catro recantos de nada. De Jérôme Ruillier

Cadradiño quere xogar na casa dos seus amigos Redondiños, pero non pasa pola porta porque… A porta é redonda como os seus amigos! «Teremos que recortarchee os recantos!», dinlle o redondiños. «Oh, non! –di Cadradiño– Doeríame moito!» Que podemos facer? Cadradiño é diferente. Nunca será redondo.
Un libro sobre a amistade, a diferencia e a exclusión.
Tivemos xa a sorte de que o contaron no Xoves Conto, e agora algo máis están facendo. Haberá que esperar ao curso que vén.

ABRIR RIANXO AO MUNDO. OS VELLOS NON DEBEN NAMORARSE

O alumnado de sexto de primaria representou para a inauguración do proxecto unha adaptación da obra teatral de Castelao 

Esto supuxo un gran esforzo por parte das titoras, do alumnado, pero o resultado mereceu a pena.

Fixeron a representación para todo o colexio no auditorio e logo repetiron actuación para as súas familias.
Grazas ao grupo teatral Airiños por prestarlle algún do seu atrezo.