26 diciembre 2019

AGASALLOS DE NADAL

Algunhas aulas fixeron os agasallos de nadal para as familias reciclando diferentes materias. Aquí tedes unha mostra das cousas fermosas que fixeron.


CANTOS DE REIS

Os nenos e nenas de segundo de primaria ofreceron uns cantos de reis aos seus compañeiros, que os agasallaron cun aguinaldo.




21 diciembre 2019

RECOMENDACIÓNS LECTORAS


Aquí tedes as nosas recomendacións lectoras para este nadal.
Esperamos que desfrutedes das vacacións e do tempo en familia.

28 noviembre 2019

27 noviembre 2019

OBRADOIROS DE CIENCIA DO 25 AO 29 DE NOVEMBRO


Xa temos preparados os diferentes obradoiros sobre ciencia na biblioteca. Como vedes, temos diferentes actividades.
Xa sabedes que tedes que  vir cos vosos titores/as na vosa hora de biblioteca.
Algunhas aulas xa viñeron ata a biblio e pasárono moi ben. Picade na imaxe e buscádevos.



Esperamos que desfrutedes con esta experiencia e aprendades moito!

22 noviembre 2019

EXPOSICIÓN 25N


Este ano a exposición sobre o 25N está dentro da biblioteca. 



Estas son suxerencias de títulos para traballar esta semana (Dispoñibles na exposición, entre outros).





Recordade que fóra, na entrada da biblioteca, temos un panel onde colocaremos os "Contos sobre igualdade" que estades elaborando nas vosas aulas.




16 noviembre 2019

PRESENTACIÓNS MES DA CIENCIA


Nesta presentación podedes atopar información sobre a reciclaxe do refugallo que creamos no día a día.



                        
Reciclaxe1 castelao de bibliocastelao


Nesta outra tedes información sobre as fontes de enerxía.

                           

14 noviembre 2019

XOVES CONTO


Este xoves volvemos ter contacontos na biblioteca. Hoxe as protagonistas foron Daniela e María, de 4º C. O conto escollido foi O rabaño.






Moitísimas grazas rapazas!

13 noviembre 2019

VISITA A CORREOS


Hoxe os alumnos de terceiro de primaria visitaron a oficina de Correos da nosa vila. Aproveitando que están traballando a carta na aula que mellor xeito de meterse no tema que coñecer a onde van parar todas aquelas cartas que enviamos e recibimos. Coñeceron a labor de Correos e os seus empregados, como clasifican a paquetería e o correo e tamén curiosidades da filatelia.




Moitas grazas aos traballadores de correos por recibirnos cos brazos abertos!



07 noviembre 2019

XOVES DE CONTO


Esta semana tivemos o noso primeiro Xoves de Conto na biblioteca. Nesta ocasión as nosas contacontos foron Marta e Nayara, de 4º A. Quixeron contarnos o conto de Corre, corre cabaciña.





Moitas grazas rapazas, gustounos moito!





05 noviembre 2019

NOVEMBRO MES DA CIENCIA EN GALEGO



Como ben sabedes, no mes de novembro celebramos o Mes da Ciencia en Galego. Aquí tedes a exposición de libros que podedes ver na biblioteca. 
Este ano puxémoslle o título de "Ciencia en igualdade" para resaltar a figura da muller no campo da ciencia.




Esperamos que vos guste.

Estamos preparando varios obradoiros sobre ciencia que se levarán a cabo entre o 25 e o 29 de novembro. Haberá experimentos, xogos con escornabots, puzles...Poderedes vir cos vosos titores/as na vosa sesión semanal de biblioteca.

04 noviembre 2019

REUTILIZANDO NO SAMAÍN


Os rapaces e rapazas de segundo fixeron unhas fermosísimas lámpada- cabazas con botes de vidro.



                                     
                                      Samain de bibliocastelao

03 noviembre 2019

CALENDARIO MOCHILAS VIAXEIRAS


Como xa sabedes, as mochilas viaxeiras xa botaron a andar. 
Este é o calendario para que os titores vaian levando a conta ao longo do curso.


Esperamos que desfrutedes en familia coa lectura.







30 octubre 2019

INAUGURACIÓN BIBLIOTECA CURSO 2019-2020


A semana pasada celebramos a inauguración da biblioteca para este curso. Como este ano a temática do noso PDI é a ciencia e o medio ambiente propuxemos que cada nivel ou cada aula fixese unha mascota feita de refugallo e a levara á biblioteca. Tamén se visionaron diferentes curtas sobre o medio ambiente.
Como en anos anteriores, algunhas aulas aproveitaron para facer o marcapáxinas e tamén para ler un conto na biblioteca.





Espéranos un curso moi entretido e interesante porque xa sabedes que mezclar ciencia e lectura é unha loucura!

SAMAÍN 2019



Outro ano mais celebramos o Samaín no colexio. Como ben sendo costume, o equipo de Biblioteca e o EDLG traballamos conxuntamente para preparar esta xornada que tanto lle gusta ao noso alumnado.
Moitas cabazas viñeron decoradas coa temática de ciencia e o medioambiente. Aquí podedes ver uns exemplos.




Ademais, os alumnos de 5º B prepararon unha obra de teatro moi divertida. Para rematar todos cantamos a canción Medo me da, de María Fumaça.
Aquí tedes algunhas imaxes de todas as cabazas que se fixeron e da nosa celebración. Picade  na imaxe para ver máis fotos.


Samaín
                                              
Que ben o pasamos!




27 octubre 2019

CURTAS SAMAIN 2019


Aquí podedes ver as curtas de medo que proxectaremos esta semana durante os recreos na biblioteca.

1. A incrible historia da nena paxaro e o neno terrible. (  11 min.)


2. Os difuntos falaban castelao. ( 9 min)


3. Carabuñas. (11 min.)


4. La pantera rosa. Pánico rosa. (  5 min.)



5. La pantera rosa. Sangre rosa. (7 min.)



Vinde pasar un anaco terrorífico con nós!

MOCHILAS VIAXEIRAS



Outro curso máis comezamos coas mochilas viaxeiras para todo o centro, tanto en infantil coma en primaria.
Como sabedes, estas mochilas conteñen lecturas en galego, castelán e inglés. Tamén podedes atopar un DVD.
Outro ano mais agradecemos á BPM de Rianxo pola súa colaboración emprestándonos libros para adultos para poder completar estas mochilas.





Esperamos que vos gusten!

20 octubre 2019

LEMA BIBLIOTECAS ESCOLARES 2019-2020


A Dirección Xeral de Centros e Recusos Humanos, seguindo a súa dinámica de difusión das posibilidades que ofrece a biblioteca escolar ao conxunto da comunidade educativa, dá a coñecer o lema que propón ás bibliotecas escolares para o presente curso 2019/2020: "Biblioteca escolar, viveiro de cidadanía" . Nesta ocasión é o ilustrador Óscar Villán quen interpreta o lema e nos ofrece una imaxe múltiple e evocadora de diversas situación que unha biblioteca escolar pode facilitar.

Intervir na biblioteca escolar (nos seus espazos, nos seus tempos, nos seus recursos e actividades) ten consecuencias para o alumnado e para a comunidade educativa. Das características e dos enfoques desa intervención dependen os usos e as oportunidades que a biblioteca pode ofrecer. Cómpre una reflexión sobre a distribución dos espazos, a organización dos tempos, a selección dos recursos e, moi especialmente, sobre o enfoque das actividades, co fin de que a biblioteca escolar poida facilitar o diálogo, a lectura crítica, a reflexión, o acceso ao coñecementeo, o pensamento, a investigación, a experimentación, a creación, a comunicación, a adquisición de competencias útiles para a vida e para a convivencia, para o desenvolvemento académico e persoal, para unha participación activa nunha sociedade máis xusta e igualitaria.



17 octubre 2019

CURTAS INAUGURACIÓN CURSO 2019-2020


1. CAPITÁN VERDEMÁN: Superheroe da reciclaxe ( 6 min.)





 2. BASURIA: campaña de concienciación para fomentar  a reciclaxe . ( 3 min.)




3. EQUILIBRIUM: como vivir en harmonía co noso medio ambiente ( 3  min.)






4. DÍA INTERNACIONAL DO MEDIO AMBIENTE: "CUIDA EL AGUA" (2 min.)




4. RESPONSABILIDADE AMBIENTAL (10 min.)




16 octubre 2019

VISITA SOBRE O COIDADO DO MONTE E A BIODIVERSIDADE


O mércores 16 de outubro visitaron a nosa biblioteca Ánxela e Juan. Ámbolos dous pertencen á Plataforma pola Defensa do Monte e estiveron cos nenos e nenas de 2º  para explicarlles a importancia de coidar os nosos montes e a biodiversidade.

Despois de conversar, manipular diferentes sementes e escoitar a lectura do conto Lume!, os alumnos/as realizaron unha plantación de carballos coas ladras que Ánxela e Juan lles trouxeron.
Ademáis, agasallaron a cada neno/a cun sobre qué contiña sementes de árbores autóctonas: loureiro, carballo, castiñeiro, nogueira e piñeiro. Deste xeito, poderán plantar estas árboles coas súas familias.
Moitas grazas pola vosa visita Ánxela e Juan!
Esperamos que volvades pronto con máos información interesante sobre os nosos montes!

Aquí podedes ver varias fotos da visita. Picade na  imaxe.

COIDADO DO MONTE

                   


PDI 2019-2020: CIENCIA E MEDIO AMBIENTE



Este ano o noso Proxecto Documental Integrado  (PDI) xira en torno á ciencia e ao medio ambiente.
Coma todos estes anos anteriores, fixemos un concurso para escoller o lema deste curso.
Os gañadores foron os alumnos e alumnas da clase de 1º A co lema: Ciencia e Lectura, que loucura!
Mirade que contentos se puxeron. Noraboa!  







Moitas grazas a todos pola vosa participación.

09 octubre 2019

MALETA VIAXEIRA: POR UNHA BIBLIOTECA INCLUSIVA

Estes días temos no colexio unha maleta viaxeira prestada pola rede de Bibliotecas Escolares de Galicia. Estará no centro ata o 4 de novembro.
A temática desta maleta é Por unha biblioteca inclusiva.
Podedes vir polas tardes, de 16:00 a 18:00 horas a ler estes interesantes materiais.
Lembrade que non se poden levar en préstamo xa que non pertencen á nosa biblioteca.





Animádevos!

02 octubre 2019

COLGADOIROS HORA DE LER


Aquí podedes ver os colgadoiros deste curso. 
Aquí tedes o modelo para colorear



  E este xa está pintado.

       


Así lle quedaron aos alumnos e alumnas de 1º A, bonitiños, verdade?


Estes son os marcadores de páxinas para colorear.




24 septiembre 2019

BO COMEZO DE CURSO

Ola xoubiñas! Xa levamos uns días de clase e o equipo de biblioteca xa estivo preparando o mural para a entrada da biblioteca. Gústavos?




27 junio 2019

XOGOS DE CINE E ALUCINE


Xa chegou o final de curso e con el o remate do noso PDI que este ano, como ben sabedes, foi sobre o cine: "Lectura e cine, un plan de alucine!"
Durante todo o curso todas as aulas fixeron un montón de actividades relacionadas con esta temática: traballos de investigación, manualidades, lecturas, visionado de películas... 
O producto final do PDI era a creación de xogos sobre cine nos que se traballase de forma máis atractiva diferentes aspectos do currículo co fin de un banco de recursos a disposición de todo o alumnado con materiais de creación propia. 
Con eles ides a aprender moitas cousas pero o mellor de todo é que o pasaredes moi ben!
Poderedes utilizalos no noso Recuncho Maker. 
Aquí tedes unha presentación de todos os xogos que se elaboraron.



20 junio 2019

BIBLIOTECA MUNICIPAL: MARUXAINA

Hoxe os alumnos de 1º de Educación Primaria foron ata a Biblioteca Municipal.
 Leron o libro "Maruxaina" e contaronlles a lenda da serea de Sálvora.
 Despois fixeron "un mar de sereas" para decorar a Biblio municipal e ir a velas coas súas familias
Picade na imaxe para ver mais imaxes.




19 junio 2019

XOGOS DE CINE: PRESENTACIÓN


Hoxe despois do recreo fixemos a presentación dos Xogos de Cine.
Primeiro, todas as aulas xogaron cos xogos que elas mesmas elaboraron e logo fixeron un intercambio de xogos.
Pola tarde fixemos a sesión de portas abertas para as familias de 16:00 a 18:00 horas. Foi todo un éxito.
Aquí podedes ver os diferentes xogos propostos. Picade na foto para ver todas as fotos.



18 junio 2019

XOGOS DE CINE: INVITACIÓN ÁS FAMILIAS

Mañá as familias poderedes vir ao cole e así ver todos os xogos que as diferentes aulas elaboraron durante o curso.
Estades todos convidados!



AGRADECEMENTO COLABORADORES


Hoxe durante o recreo os colaboradores da biblioteca durante este curso recibiron o seu Diploma de colaborador e tamén unha axenda. Ademais puideron desfrutar dunha pequena merenda.




Moitas grazas! O voso traballo na biblioteca é moi importante!

16 junio 2019

GRADUACIÓN INFANTIL E PRIMARIA


Hoxe pola tarde os alumnos e alumnas de 6 de Educación Infantil e de 6 de Educación Primaria celebraron a súa graduación no Auditorio de Rianxo.
Foi unha "Graduación de cine" xa que tiveron en conta o tema do PDI do cole para realizar as diferentes actuacións que formaron parte deste emotivo e divertido acto.
Aquí vos deixamos algunhas imaxes. Picade na foto.




13 junio 2019

A PROMESA DO CABEZOLO


Aquí podedes ver un vídeo realizado coa técnica de Stop Motion elaborado polos alumnos e alumnas de 1º B. Trátase do libro A promesa do cabezolo.




Esperamos que vos guste tanto coma a nós!






VIDEO SOBRE A RECICLAXE



Aquí tedes unha das charlas que os alumnos e alumnas de 6ºB realizaron na biblioteca sobre a importancia da reciclaxe e do coidado do medio ambiente. 






Durante todo o curso estiveron moi concienciados con este tema, sumándose ás protestas "Friday for future" contra o cambio climático a nivel mundial. Elaboraron diferentes proxectos sobre o medio ambiente.
Tamén realizaron diferentes murais para protestar contra o grave incendio que tivemos en Rianxo e puxeron en marcha o horto escolar coa axuda da súa titora Eva.
Bo traballo rapaces e seguide así!


11 junio 2019

VISITA DE EVA MEJUTO


Hoxe recibimos a visita da escritora Eva Mejuto. Nesta ocasión estivo co alumnado de Educación Infantil. Tivo que realizar varias sesións xa que as aulas de infantil son moi numerosas. Contoulles algúns dos seus contos máis coñecidos como A Casa da Mosca Chosca e Corre Corre Cabaciña.
E contounos un gran secreto... xa está preparando a publicación do seu novo libro. Agardámolo con moita ilusión! 
Picade na foto e veredes unha mostra do ben que o pasamos.





Moitas grazas e volve cando queiras!

10 junio 2019

RECOMENDACIÓNS LECTORAS



Aquí vos deixamos unha guía con recomendacións lectoras para o verán. Poderedes atopar tódolos libros na Biblioteca Pública Municipal, así que animádevos a visitala que no verán hai tempo para todo.








  

Recordade que....  Ler no verán, tamén é un bo plan!

06 junio 2019

CLUB DE CIENCIA 2018-2019


Durante este curso levouse a cabo un club de ciencia no colexio: Club de Ciencia "ADR"Castelao.
Tivo moito éxito entre o alumnado polo que se tiveron que organizar varios grupos para que todos puideran participar.
Contamos con uns monitores especializados e os alumnos aprenderon moitísimo sobre temas tan diversos coma o ADN, robótica, o corpo humano, depuración de augas ...

Aquí podedes ver algunhas das actividades realizadas. Picade na fotografía para ver máis imaxes.




Para o ano continuaremos!



05 junio 2019

DIA MUNDIAL DO MEDIO AMBIENTE


Hoxe, 5 de xuño, celebramos o Día Mundial do Medio Ambiente.
Os alumnos e alumnas de 6ªB repartiron uns dípticos e unhas chapas durante o recreo.

Este é o díptico para o alumnado de primaria





                               












(Parte de atrás do díptico para os máis peques, os de infantil)

Ademais, comezaron a dar charlas aos máis peques do cole para conciencialos da importancia de usar correctamente os contedores, así como o uso dos "3 Rs" (reducir, reutilizar e reciclar).

Moitas grazas rapaces!
(Picade na foto para ver máis imaxes)







04 junio 2019

VIDEO-POEMAS


Aquí podedes ver uns vídeos que realizaron os nenos e nenas de primeiro de Educación Primaria coas súas titoras.

O primeiro é un vídeo sobre Cantarola dos nenos de Xosé Neira Vilas, que foi realizado polos alumnos e alumnas de 1º A.









O segundo vídeo trátase do poema "Non lle digas nada á lúa", de Antonio García Teijeiro, realizado polos alumnos e alumnas de 1º B.

                               



Que ben o fixeron!

03 junio 2019

HOMENAXE A ANTONIO FRAGUAS NO AUDITORIO


Hoxe foron ao Auditorio Municipal 1º, 2º e 4º de E.P. Nesta ocasión, Charo Pita e Xoán Curiel, autores de Canta miña pedra canta homenaxearon a Antonio Fraguas, autor ao que se lle dedicaron as Letras Galegas este ano. Falaron da súa vida e dos seus logros mentres intercalaban cancións do seu libro-disco.



Estivo moi interesante!

23 mayo 2019

ENQUISA ALUMNADO 2018-19


Si estás en 3º, 4º , 5º ou 6º de primaria necesitamos a túa axuda. Cubre este cuestionario e así entre todos poderemos mellorar a biblioteca. 


ENQUISA FAMILIAS 2018-19


Necesitamos a vosa colaboración para seguir mellorando. Por favor, cubride esta enquisa.


ENQUISA PROFESORADO 2018-2019


Necesitamos a túa opinión para seguir mellorando.

18 mayo 2019

SEMANA LIX


Neste álbum podedes ver as diferentes actividades nas que participou o colexio durante esta semana. Picade na foto e xa podedes acceder ás imaxes.











16 mayo 2019

CONMEMORACIÓN DO DÍA DAS LETRAS GALEGAS 2019


Hoxe celebramos o Día das Letras Galegas. Como xa sabedes, o escritor homenaxeado deste ano foi Antón Fraguas. O equipo de DLG preparou unha exposición de traxes típicos galegos e a profe María Jesús nos fixo unha pequena explicación dos diferentes elementos que os compoñen.
Ademáis, os alumnos e alumnas de 6º A prepararon unha exposición sobra a vida e obra deste autor e logo organizaron un "Pasapalabra" onde agasallaron aos acertantes cun orixinal lapis.
Por último, un grupo de alumnas e alumnos tocaron coas pandeiretas varias pezas tradicionais e o grupo do colexio, formado por varios profes e o conserxe,  tamén tocaron varias cancións mentras o resto do colexio bailaba alegremente no patio.




Que ben o pasamos!


15 mayo 2019

O BARCO DO ADR CASTELAO


O barco pirata do ADR Castelao xa está atracado no Auditorio Municipal.
Chegou cargadiño con tódolos traballos feitos polas diferentes aulas, desde cuarto de infantil ata sexto de primaria. 
Non dubidedes en botarlles un ollo porque están moi ben feitos.



Tamén hai unha pequena exposición de poemas ilustrados de Antonio García Teijeiro que fixeron os alumnos de 1º e 2º de E.P.