17 diciembre 2015

Presentación de Tempo de Acivros Tempo de Libros.



Outra novidade

Teño uns pés perfectos está publicado por Kalandraka con texto de María Solar e ilustracións de Gusti.

O personaxe principal , Melchor Sabichón, preséntase ao concurso Na busca do neno máis listo pero, malia ter preparado moitos temas, non esperaba enfrontarse a unha materia descoñecida: os pés. O protagonista atopará nun libro, que lle facilita a nai, todo canto necesita saber sobre esas extremidades inferiores: os tipos de pés, a súa anatomía e a función que cumpren para que poidamos camiñar e correr, o número de ósos que teñen, curiosidades sobre as unllas ou as pegadas que deixamos. Descobre, ao rematar o concurso, que o próximo pásanos moitas veces desapercibido.

Libro escrito con humor, destinado a lectores autónomos que queiran saber moito sobre pés.

Publicado en Rede Lectura.

16 diciembre 2015

Tempo de acivros, tempo de libros 2015




Aquí tedes o tríptico de recomendacións lectoras e audiovisuais para agasallar ou que vos agasallen elaboradas polas bibliotecas do:

CEIP ADR Castelao de Rianxo
CEIP Ana Mª Diéguez de Asados
CEP Brea Segade de Taragona
IES Félix Muriel
Biblioteca Pública Municipal


BOAS FESTAS E BOAS LECTURAS!

05 diciembre 2015

Numerosos cuentos en Powerd Point

Presentación da guía de lectura.Tempo de Acivros Tempo de Libros

O venres 11 de decembro as 19:00 horas no auditorio de Rianxo faremos a presentación da guía de lectura: “Tempo de acivros, tempo de libros”Na cal vos propoñemos una escolma de lecturas e música.Neste acto participaremos co: C.E.I.P. Ana Mª Diéguez de Asados, C.E.P. Xosé Mª Brea Segade de Taragoña, I.E.S. Félix Muriel de Rianxo e a Biblioteca Municipal de Rianxo.

28 noviembre 2015

Deixounos Neira Vilas

Grazas por traballar ao longo de toda a túa vida pola nosa lingua, a nosa cultura, a nosa identidade e a nosa dignidade.
Biblioteca CEIP ADR Castelao.



Aínda temos recente a saída ao teatro para ver a adaptación teatral do Espantallo amigo de Xosé Neira Vilas a cargo de Os Quinquilláns. Foi a primeira lectura colectiva de case todo o cole, que tivemos a sorte de ver representada. Deixade a vosa opinión sobre o libro e sobre a obra de teatro. Neira Vilas seguirá moi presente entre nós.


26 noviembre 2015

Realidade Aumentada

Hoxe algúns dos alumnos/as que se achegaron ata a biblioteca no recreo puideron coñecer unha novidade interesante a  Realidade Aumentada.

E, en que consite?

Pois é unha app que permite LER doutra forma.

Descargas a app no teléfono ou a tablet e mentres les podes acceder a contidos "escondidos" en distintos soportes: carteis, libros...

Neste caso o cartel da campaña de lectura de bibliotecas escolares Biblioteca Escolar, base de exploracións ten escondido...


Pois teredes descubrilo.


                                                                                                                                                                                                                                                                                                                                        Moitas grazas aos axudantes de biblioteca por explicarnos esta novidade.

Se queredes baixarvos a App ao voso teléfono ou tablet ou saber máis de como funciona picade neste enlace do blog de Bibliotecas Escolares de Galicia.




Poderedes acceder a un manual de como descargar e usar a aplicación (Aurasma), a un vídeo explicativo e a diversas actividades que se fixeron noutros colexios galegos utilizandoa.


25 Novembro . Día contra a Violencia de Xénero.



Nos corredores colocamos estes Superheroes e Superheroínas.
 Eu quero un bo trato. 
Eu quero vivir en igualdade.
Que pouco a pouco fóronse enchendo de palabras que fomentasen a igualdade.


Tamén algunhas titorías elaboraron estes fermosos murais contra a violencia.
Co maltrato non hai trato.

ENTRE TODOS. NON!!!

Novo Mobiliario



Grazas a Consellería de Educación!
Enviounos un par de andeis para reformar os que tiñamos deteriorados. 
Así tivemos a biblioteca esta semana!
Esto impediunos desenrolar actividades como o xoves conto e o préstamo da sección de documentación e de 3º ciclo.
                Xa está todo listo!








18 noviembre 2015

Novembro: Mes da Ciencia en Galego

Por segundo ano consecutivo, desde a Consellería de Cultura, Educación e Ordenación Universitaria promóvese a celebración de novembro como MES DA CIENCIA EN GALEGO NAS BIBLIOTECAS.

Xa temos preparado unha exposición de libros sobre ciencia e experimentos.
Animarse a preparar un experimento na clase e logo expoñelo na biblioteca para o resto de compañeiros .

12 noviembre 2015

Outono. Magosto.

Nace unha nova páxina do cole con recursos sobre o outono: refráns, adiviñas, receitas, poesías,...
Pouco a pouco irémola completando, con creacións do cole e con outros recursos. O outono.

05 noviembre 2015

XOVES CONTO

Comezou o Xoves Conto. Contacontos nos recreos, para aqueles nenos e nenas que lle gusta escoitar contos, ou contalos aos seus compañeiros.
Moi ben nenos e nenas!

03 noviembre 2015

Contos de Medo

O xoves contáronse algúns contos de medo na biblioteca e nas aulas. Aquí temos a Laura e a Lucía contándonos o conto:
A nena da saba branca.
Puxéronsenos os pelos de punta e a pel de galiña do medo que nos fixeron pasar.


Noraboa contadoras!




Os nenos e nenas de 2º A, cos seus títeres contáronlle " Tío Lobo" aos nenos e nenas de catro anos de Infantil. Un conto tradicional italiano, de inesperado final.

01 noviembre 2015

MES DA BIBLIOTECA ESCOLAR. INAUGURACIÓN.

Outubro é o noso mes especial. A biblioteca acolle as inauguracións, reapertura anual da biblioteca.
As actividades son: 
Recordamos como funciona a biblioteca, normas.
Presentamos a campaña deste curso: 

Soñando Galicia con Manuel María.

Decoramos os marcapáxinas da campaña.

Recitamos o poema o Ourizo de Manuel María. Lemos o conto de "Mouriño".

Deseñamos unha portada relacionada co outono.

Algunhas fotos:

31 octubre 2015

MES DA BIBLIOTECA ESCOLAR

 A nosa celebración no mes das Bibliotecas Escolares consistiu na entrega das mochilas viaxeiras e comezo das inauguracións. 


Grazas ,unha vez máis, á BPM Castelao por emprestarnos fondos para poñer en marcha as mochilas viaxeiras.

RECEITA BISCOITO DE CABAZA

As clases de segundo prepararon uns biscoitos de cabaza
Unha forma divertida de aprender a elaborar unha receita  e ademais escribila. 
Seguro que estas experiencias non se esquecen!
Animádevos a preparala!

Exposición libros de Medo polo Samaín.

Ao longo destas semanas estiveron expostos libros relacionados coa temática do "Medo" para que os nenos e nenas os leran nos recreos e nas súas Horas de Ler nas clases.






Tamén están con eles os nosos monstrosos Papamedos para que coman os medos dos nenos nenas. 
No magosto queimarémolos todos.
A ver si desaparecen!

30 octubre 2015

El monstruo de colores.



El monstruo de colores
Anna Llenas

El Monstruo de Colores non sabe o que lle pasa. Fíxose un lío coas emocións e  agora  tócalle desfacer o embrollo. Unha historia sinxela e divertida, que introducirá aos pequenos e a maiores no fascinante linguaxe das emocións.
Para ler o libro:

28 octubre 2015

CURTAS DO SAMAÍN. A BRIGADA DOS SEPULTUREIROS

Nun arrepiante cemiterio viven tres estrafalarios sepultureiros que dedican a maior parte do tempo a resolver estraños misterios. Coñecemos a esta brigada?

                                     CURTA:  A MANCHA

26 octubre 2015

CURTAS DO SAMAÍN

Nun arrepiante cemiterio viven tres estrafalarios sepultureiros que dedican a maior parte do tempo a resolver estraños misterios.

22 octubre 2015

Celebración do "Día da Biblioteca" na BPM

.
Este venres e sábado non te olvides de ir á Biblioteca Pública Municipal Castelao para celebrar o "Día da Biblioteca"

O venres 23 ás 19.00 horas podes disfrutar do contacontos dos Quinquilláns 

Por que é salgada a auga do mar?

O sábado 24 haberá visitas guiadas, obradoiros e exposicións sobre o mar. 




Non deixedes de ir!

21 octubre 2015

Samaín en Exipto.

Estámonos achegando ao Samaín.

Conto elaborado polos nenos e nenas que o curso pasado ían en 1º B.
O mesmo conto pero en vídeo.

20 octubre 2015

PLAN ANUAL DE LECTURA 2015-2016

                                                                 HORA DE LER NA CASA
Porque ler sempre é importante tanto na casa como na escola. Adícalle un momento de lectura no teu cuarto e pon este colgador na porta para que ninguén che interrumpa na túa aventura.

PLAN ANUAL DE LECTURA 2015-2016

POÑEMOS A VOSA DISPOSICIÓN ESTA PLANTILLA DE HORARIO PARA COMPLETAR
                                               HORARIO PARA COLOREAR CLASES

                                                    MODELOS DE MARCAPÁXINAS: 
                                    SOÑANDO GALICIA CON MANUEL MARÍA.

GUÍA DE COLABORADORES 2015-2016

Colaboradores biblioteca 2015- 2016

Estes son os nosos colaboradores para este curso. Algún ou algunha falta e outros cambiaron de idea.
Despois de varias  semanas de proba, hoxe foron pasando pola biblioteca para asinar o seu compromiso e recibiron a súa guía de colaboradores.



Moitas grazas por colaborar co cole e coa biblioteca!

Recomendación


Porque Cuqui non quere ir á lavadora, conto moi MOI IMPORTANTE para lerlles aos maiores antes de durmir

É o título do primeiro álbum da escritora María Lado , publicado en Apiario en 2014. As ilustracións son de Yanina Torres Tuirán.
Neste álbum, María Lado cóntanos o que lle acontece a Cuqui, un osiño de peluxe, dende a visión dun neno pequeno que cuestiona a sensibilidade das persoas adultas.
Este álbum ten interés para a lectura en familia e a través del podemos establecer vínculos afectivos coa lingua, tan necesarios hoxe.

05 octubre 2015

Biblioteca escolar, base de exploracións



Este ano a campaña proposta por Bibliotecas Escolares da Xunta de Galicia é

 "Biblioteca escolar, base de exploracións"

polo que ao longo do curso realizaremos diversas actividades nas que nos convertiremos  en exploradores/as.
Exploraremos o mundo e o que hai fóra del pero sobre todo exploraremos o que temos máis cerca. O que hai en Galicia.
 Nesta ocasión encargado de ilustrar foi o ilustrador e autor de banda deseñada Fran Bueno.


http://www.edu.xunta.es/biblioteca/blog/?q=node/802

 Pica na imaxe para coñecer máis sobre a campaña proposta pola Consellería.

Benvidos/as ao curso escolar 2015/6!

21 agosto 2015


A serie de Gatiño, con textos de Joel Franz Rosell e ilustracións de Constanza v. Kitzing.
E canto á Gatiño e as vacacións, cóntasenos que o último día, antes das vacacións, na clase de Gatiño, todos os animais contan a onde irán no verán; hai para todos os gustos: Parrula vaise con súa nai ao mar, Coella vai cos irmáns á casa do avós, Esquío parará a metade do tempo co pai e a metade coa nai e cámping, Ourizo vaise só a aprender idiomas a Inglaterra... pero Gatiño non sabe qué vai facer. Cando chega á casa pregunta e a resposta non pode ser mellor: non irán a ningunha parte “pasarémolo moi ben: papá, túa irmá, teu irmán, ti e máis eu... Serán unhas vacacións fantásticas!, porque imos estar todos... xuntos” di a nai.
Unha ensinanza, o valor de compartir o tempo, facendo o que sexa, sen necesidade de ir nin lonxe nin a un lugar distinto, estar xuntos.
Outra ensinanza, a presentación de todo tipo de familias e situacións e ningunha mellor que outra, simplemente distintas. O traballo coa memoria a través das repeticións...

03 agosto 2015

Feira do libro 2015 Rianxo



Un ano máis as bibliotecas de Rianxo participamos na Feira do libro mostrando o noso traballo nunha das casetas e un ano máis elaboramos un vídeo conxunto no que facemos visible o que está a pasar nas biblios de Rianxo ao longo do ano.
O vídeo ten unha banda sonora de luxo,os Carapaus,un grupo con vínculos rianxeiros.
Destacamos tamén a colaboración de Fotos de Rianxo que nos cedeu, coma sempre que llo pedimos, material para a montaxe.

Feira do libro

Actuación do dúo musical Barahunta.
Pregón de Helena Villar Janeiro.
Caseta das Bibliotecas. Lendo en Rianxo.