CALENDARIO MOCHILAS VIAXEIRAS

Como xa sabedes, as mochilas viaxeiras xa botaron a andar. 

Este é o calendario para que os titores vaian levando a conta ao longo do curso.

Esperamos que desfrutedes en familia coa lectura.

Outono. Magosto.

Nace unha nova páxina do cole con recursos sobre o outono: refráns, adiviñas, receitas, poesías,...
Pouco a pouco irémola completando, con creacións do cole e con outros recursos. O outono.

Samaín

No tempo de Samaín contáronse contos, lendas entre as clases. Algunhas delas fixéronse na biblioteca.

Aquí está esta lenda!

FERMÍN E AS CASTAÑAS

No Samaín contáronse contos de medo e non tan de medo entre as clases e na bibioteca.Un deles foi este que os nenos e nenas de 3º B lles contaron aos seus compañeiros de nivel e aos de 2º.

Fíxéronno moi ben!

Algunhas imaxes do Samaín no cole: decoración, postres, e sobre todo moitos contos entre as clases.

O Samaín

O Samaín from Ronsel de Ideas on Vimeo.

SEMANA DE CURTAS

Obradoiro de tarxetas.

Pola época do magosto algunhas aulas realizaron un obradoiro de elaboración de tarxetas, que contiñan ditos, cantigas, refráns e adiviñas.

Visita o cole

Ao longo destas dúas semanas os nenos e nenas trouxeron as súas cestiñas cos froitos do outono. Ademais pedimos a vósa colaboración para  elaborar  unhas  manualidades feitas con follas ou con froitos do outono.
O luns 18 de 16:30 a 18:00 podedes visitar o colexio para ver estas marabillas.
Un pequeno avance.

A PORTA DA BIBLIO ANUNCIA MAGOSTO CON CANTIGAS

A castaña no ourizo

quixo rir e reventou:

caendo do castiñeiro abaixo,

mira que golpe levou!

Miña nai, doime a barriga

-Miña filla, confesión.

As castañas que comiche

 De qué castiñeiro son?

Castañas asadas

e viño con mel;

e a miña señora

detrás do tonel.

Moza que estás no canizo

Bota castañas abaixo,

Anque non teña madil

Agochadas no refaixo.

Monxe que estás no canizo

Tira castañas para baixo,

tírame das máis grandiñas

que as pequenas non me baixo.

Acabáronse as vendimas

E veñen as esfolladas,

Para comer coas mozas

Catro castañas asadas.

O verme Mouriño

Esta é unha adaptación do conto O verme Mouriño feita polos nenos e nenas de 2º A. Mañán contaranlla aos nenos e nenas de Educación Infantil

Contín Contón

Os nenos e nenas de primaria aínda non puideran ver e escoitar este fermoso conto.Pero hoxe no recreo, aqueles que se achegaron á biblioteca disfrutaron de Contín Contón interpretado polos nenos e nenas de 2º A.

Plantillas para describir froitos de outono

A maldición do magosto.

Outro conto elaborado hai uns anos feitos os personaxes con castañas.

A solución é o magosto

Para que o volvades a ver e ler un conto feito no cole xa hai uns anos.

O Señor Mago e a Folla.

Antón é un mago que decide poñer fin á súa soidade, convertendo nunha meniña unha das follas arrastradas polo vento do outono. Queredes saber ...máis?

Este é o conto para o recreo de hoxe . As voces son dos nenos e nenas de 2º B. 
O conto é de Tono Núñez e as ilustracións de Suso Cubeiro.

Novembro Mes da Tradición Oral

Outono. Magosto.

A Secretaría Xeral de Política Lingüística achégannos esta completa recompilación de materiais e recursos para traballar o outono e o magosto.

                                                    Tamén dende o Recanto de Mik 

Máis recursos da biblioteca do Victor Sáenz .

CASTAÑEIRAS NO RECUNCHO LITERARIO

Este venres apareceron no noso Recuncho Literario unhas fermosas castañeiras acompañadas da súa descrición e por detrás a unha canción popular do magosto:

Non chas quero,non chas quero,

castañas do teu magosto.

Non chas quero ,non chas quero,

que me cheiran ao chamosco.

E as señoras castañas escondían uns refráns do outono.

Animarse a expoñer as vosas creacións escritas!

MAGOSTO NA ESCOLA

O venres 16, celebramos o magosto.
O tempo acompañounos e así puidemos facer tódalas actividades programadas.
Queimamos os medos que escribíramos polo Samaín.
Xogamos ao crebacabezas, ao pano, carreiras de sacos,saltamos a corda e tamén turramos dela, a roubar castañas e apañalas e ao tragacastañas....
Conseguimos castañas de ouro, prata, bronce e diploma.
Logo para repoñer forzas comemos castañas a fartar.