27 marzo 2014

A orquestra de Clara.

Mañá a biblioteca estará ocupada toda a mañá.
Nas tres primeiras horas habrá  unha representación da obra
 A orquestra de Clara. 
Actuarán nenos e nenas e pondranlle a música en directo uns fantásticos músicos. 
A actuación será para os nenos do primeiro ciclo.

Despois do recreo virán Patricia e Alex da editorial Kalandraka 
para estar cos máis pequenos. Virán cheos de contos de contos con música. Recibimos esta fermosa carta!!



Encontros do Plan de Mellora de Bibliotecas Escolares.

Hoxe e mañá no Pazo de Congresos de Santiago de Compostela celébranse os encontros do Plan de Mellora de Bibliotecas Escolares 2013/2014, a novena edición destes encontros, nos que participan desta vez preto de 525 docentes e coordinadores das bibliotecas nos centros educativos.
A edición deste ano está centrada nas posibilidades que a biblioteca escolar ofrece para o estudo das ciencias e a tecnoloxía nos centros educativos, como exemplo da utilidade dos seus recursos como ferramenta para a aprendizaxe nas diferentes materias.

25 marzo 2014

Marcapáxinas musicais.

Elaboramos estos marcapáxinas con música e poemas.

Calendario Día Mundial da Poesía


Poesía

Propostas para traballar a poesía nas aulas do CEIP Quintela de Moaña.


Selección de recoñecidos poemas da literatura.

23 marzo 2014

21 Marzo Día Mundial da Poesía

Ese mesmo día repartíronse unha bolsas con poesías para cada aula de primaria e unha maleta tamén chea de poesía para infantil. 
Tamén se repartiron os calendarios coa poesía de Antonio García Teijeiro
Un bico ben ronco 
 deixaba o trombón 
                                                       un bico de cores  
                                                       no meu corazón.

                                Un bico amarelo,
                                      vermello ou marrón,
                               un bico que berra 
                          co seu voceirón.

                                                                                               Un bico
                                                                                                      con 
                                                                                                          con
                                                                                                   trombón
                                                                                                              bon
                                                                                                          bon
                                                                                        Que rouco 
                                                                                         o teu son!
                                                              
                                                                                          Ai, déixame
                                                                                                   un bico
                                                                                       no meu corazón!

22 marzo 2014

Contos Musicais en familia.

Alá polo mes de decembro, os nenos e nenas e as súas familias, inventaron estes fermosos contos onde os protagonistas son: a música, os instrumentos musicais, cantantes, gaiteiros...
Tamén dentro duns días teremos estes libros impresos  na biblioteca!

10 marzo 2014

Un agasallo musical.

Hoxe as mestras recibimos este fermoso broche de agasallo para recordar o Día da muller Traballadora.


Día da Muller Traballadora

Elaboramos estas fichas con mulleres traballando en distintos oficios, para que inventedes a súa biografía ou as describades.

Día da Muller Traballadora.


08 marzo 2014

Día da Muller Traballadora.

Unha vez máis escollemos un cadro de Leandro Lamas para recordar esta data. Cada clase ten este cartel para decorar con palabras: sobre o traballo ,a igualdade,... 
Ademais estarán un colocados dous carteis un en cada  pavillón tamén para encher con palabras. 
                            Animádevos a encher ese oco!

8 de Marzo Día da Muller Traballadora.


Unha celebración universal que, sobre todo, é unha reivindicación social. As condicións da incorporación e presenza da muller ao ámbito laboral.Este ano recordamos a algunhas mulleres galegas relacionadas coa música: cantantes, gaiteiras, ...

Cartel para completar con imaxes de Mulleres Músicas Galegas

02 marzo 2014

Aprendendo a facer entrevistas.