Fantásticos libros voladores

Mañá no recreo visualizado deste video e lectura do marcapáxinas .

O libro esculpe lectores. Día Internacional do libro e dos dereitos de autor.

O libro día do libro 2014 from mariapousa

Bonita recreación feita a partir deste marcapáxinas, pola responsable da Biblioteca BN, da EEI Barrionovo (Arteixo), María Pousa.
Coma en anos anteriores, a Consellería de Cultura, Educación e Ordenación Universitaria publica un pequeno marcapáxinas para lembrar esta data. Nesta ocasión o texto que inclúe este punto de lectura é do escritor Paco Martín, de quen se cumpren 30 anos desde a publicación do seu libro "As cousas de Ramón Lamote", primeiro premio Barco de Vapor, da Editorial SM para un texto en galego. Foi tamén o primeiro libro galego recoñecido co Premio Nacional de Literatura Infantil e Xuvenil (1986) e, tamén, o primeiro libro galego que ingresa na lista dos White Ravens (1988), un catálogo de libros imprescindibles para a infancia e a adolescencia: 

"A festra aberta ao ar vivivficador, franca aos saberes, ao pensamento diverso, ao voo da imaxinación, á descuberta verturosa de novos mundos, ao espello substancial do propio ser... O libro!"

  Mañá repartiranse polas clases e leerémolo na biblioteca.

Inacio e as súas historias de burros.

Dentro das actividades programadas polo mes dos libros, todos os nenos e nenas disfrutaron con Inacio e as súas historias de burros.

Reíronse moito, cantaron e ata bailaron. Unha boa forma de rematar o trimestre.
Tamén nos asinou o seu libro.

Do, re, mi le un libro e sé feliz. Susa Herrera

O oito de abril acompañounos Susa Herrera, por problemas de espazo na biblioteca decidimos facer a xuntaza no auditorio. Asistiron os nenos e nenas de infantil e primeiro ciclo de primaria.
Para todos aqueles que non a conozades dirémovos que é unha  persoa entregada a  educación musical con vocación divulgadora chea de enerxía, ilusión, vocación e entrega.

Susa Herrera visitou Rianxo e  inundounos de música e alegría. Presentounos o seu novo libro “Cantos animales” que vos recomendamos sin ningunha dúbida, “Cantos animales” está ilustrado por Violeta Monreal e inclúe un CD coas cancións e un DVD coas coreografías. 

O libro non ten desperdicio!

Esta vez  trata de: un elefante, un cangrexo, un poni, unha xoaniña, un oso, un crocodilo, un panda, un zorro, unha rá e un gato.

 Susa combina nas súas propostas as palabras, imaxes, música e movemento.

Encontros con escritores

Mañá estará cos grupos de sexto Manuel Fraga Allegue.



Por fin, vai chegar o día! 
Manuel Fraga Allegue vén á nosa biblioteca e podremos falar con el sobre os seus libros e sobre o libro que leron O castiñeiro de abril . 
Os nenos e nenas estanno esperando cun carro cheo de preguntas.
Para os que lles gustou O castiñeiro de abril xa temos o outro libro,  Xildas.
Visita de autores en branco e negro para fotocopiar e escribir o teu relato.

Encontros con escritores.

Onte visitounos Jacobo Fernández Serrano.
Todo un luxo! Algúns nenos e nenas xa o coñecían, pero estaban desexando volver a velo.
Primeiro estivo cos nenos e nenas de terceiro falando e debuxando sobre todo das aventuras da Illa Remeira que foi o libro que eles traballaran.
Logo os nenos e nenas de cuarto fixéronlle mil preguntas sobre o seu libro Mil cousas poden pasar!
Case nin o deixan debuxar! Temos no cole moitos seguidores!
Falounos dos seus libros e sobre o oficio de escritor e ilustrador. Deixounos un precioso debuxo para a biblioteca, así como unha Lina co seu pescozo longoooooo no noso libro de visitas e para rematar asinou os libros.
Grazas, Jacobo polo teu traballo, os textos inxeniosos e as ilustracións que nos fan imaxinar e sobre todo rir! E como non, disfrutar coa lectura.

Entregáronse o sábado no auditorio de Rianxo os XXIII  Premios da Irmandade do Libro.

Visita Jacobo Fernández Serrano.

O martes 8, Jacobo Fernández Serrano estará cos terceiros e cuartos na biblioteca. Algúns nenos e nenas xa o coñecen pois tivemos a sorte de contar coa súa visita hai tres anos. Os nenos  e nenas de cuarto estiveron buscando na biblioteca libros seus como escritor e ilustrador e ademais están lendo o seu libro Mil cousas poden pasar I. Os de terceiro leron Marcopola, a illa remeira e algunhas historias de Archimboldo Roque.

Cando comezáramos a elaborar o noso díptico para preparar a visita de Jacobo atopámonos con que a biblioteca Brea Segade de Taragoña, xa tiña elaborado este:

Deixamos aparcada a súa elaboración porque a información era a mesma. 
Grazas por compartir!

O Soldadiño de Chumbo.

Pedíndolle aos nenos e nenas que trouxeran contos que tiveran de Hans Christian Andersen ,apareceu este fermoso conto que trouxo Juan de 1º C. O venres puideron ver esta curtametraxe na biblioteca.

A curtametraxe conta coas voces de Luis Piedrahita e Manuel Manquiña, e coa composición musical de Emilio Aragón.

Castelao

Coíncidindo co seu aniversario, algúns nenos e nenas de quinto e sexto, contáronnos varios contos de Castelao.

O nacemento do dragón.

No mes de febreiro, coincidindo coa Paz, os nenos e nenas de 2º B contáronnos este conto sobre a orixe do Dragón como símbolo da paz na China. 
Elaboraron os seus titeres e foi todo un éxito!

Porta e exposición de libros de Andersen

2 de abril Día Mundial da concienciación sobre o Autismo.

Dende 1967, o 2 de abril, día natalicio de Hans Christian Andersen, celébrase o Día Internacional do Libro Infantil co ánimo de inspirar o amor polos libros e para chamar a atención da comunidade sobre os libros para nenos.
Neste día, 2 de abril, tamén o Día da concienzación sobre o autismo, queremos recomendar un conto infantil moi especial, Hada Esther, co que se pretende facer visible unha realidade e chamar a atención sobre a importancia da coordinación entre as persoas que interveñen na educación dun neno con TEA.


Dende o departamento de Orientación e a mestra de apoio a Infantil elaboraron estas pancartas para dar a coñecer esta data.
Encheron de globos o colexio e de lazos a nenos, nenas, mestres, mestras,...



Hoxe proxectaranse na biblioteca: A viaxe de María.
Un viaje interestelar a través del autismo.

El viejo farol.

Hoxe no recreo conto de Andersen.

A orquestra de Clara.

Moitas grazas a: Uxía, Adrián, Roberto e Ismael e a Mauro por poñerlle música a este fermoso conto e colaborar connosco..
Os nenos e nenos tamén tiveron a oportunidade de: escoitar o son de cada instrumento, ver como se recollía, e facerlle un montón de preguntas.
                                  Un éxito!

Día Internacional do libro infantil.

.

Comeza abril cunha data esencial para lembrar a importancia de ofrecer libros de calidade aos nenos e nenas: 2 de abril, o Día Internacional do Libro Infantil, que se celebra en conmemoración do nacemento de Hans Christian Andersen. Tódos os anos, a IBBY (Internacional Board on Books for Young People) encarga unha imaxe e un texto a un autor dun país en concreto. Desta vez son irlandesas os autoras que poñen rostro e voz ao libro infantil e á lectura como actividade esencial na formación das persoas: Siobhán Parkinson é a autora do texto "Carta aos nenos do mundo" (picha no texto si a queres ler)
e Niamh Sharkey ilustra o cartel conmemorativo.

A orquestra de Clara.

Mañá a biblioteca estará ocupada toda a mañá.

Nas tres primeiras horas habrá  unha representación da obra

 A orquestra de Clara. 

Actuarán nenos e nenas e pondranlle a música en directo uns fantásticos músicos. 

A actuación será para os nenos do primeiro ciclo.

Despois do recreo virán Patricia e Alex da editorial Kalandraka 

para estar cos máis pequenos. Virán cheos de contos de contos con música. Recibimos esta fermosa carta!!

Encontros do Plan de Mellora de Bibliotecas Escolares.

Hoxe e mañá no Pazo de Congresos de Santiago de Compostela celébranse os encontros do Plan de Mellora de Bibliotecas Escolares 2013/2014, a novena edición destes encontros, nos que participan desta vez preto de 525 docentes e coordinadores das bibliotecas nos centros educativos.
A edición deste ano está centrada nas posibilidades que a biblioteca escolar ofrece para o estudo das ciencias e a tecnoloxía nos centros educativos, como exemplo da utilidade dos seus recursos como ferramenta para a aprendizaxe nas diferentes materias.

Marcapáxinas musicais.

Elaboramos estos marcapáxinas con música e poemas.