Os alumnos de 2º visitan o Cambón en Vigo

O pasado venres día 3 de maio os alumnos de 2º visitaron o centro de interpretación das Illas Atlánticas de Galicia no edificio CAMBÓN de Vigo complementando así as investigacións que están realizando sobre as zonas de humedais, en concreto, das marismas.

Esta actividade, organizada dentro do proxecto ECOMAR e financiada por unha das institucións que colaboran, o Parque Nacional das Illas Atlánticas de Galicia, fixo posible que os alumnos de segundo coñeceran mellor a flora, fauna, paisaxe, xentes... dos arquipélagos das Illas Cíes, Ons, Sálvora e Cortegada. De feito, ESTÁN DESEXANDO IR A VISITALAS!  e os que xa foron QUEREN VOLVER!


Grazas aos fantásticos monitores do Parque e do proxecto Ecomar por ensinarlle aos alumnos do cole tantas cousas de xeito tan lúdico e ameno!