ACTIVIDADES SEMANA LIX 2019

Como ben sabedes, esta semana celebramos a Semana do Libro Infantil e Xuvenil de Rianxo.
O tema proposto para este ano é a revolución. Estivemos traballando nas aulas e elaboramos diferentes materias tendo este tema como idea principal. Algunhas aulas tamén aproveitaron o tema do proxecto da biblioteca para xuntar cine e revolución. Estes traballos estarán expostos dentro dun gran barco de madeira no Auditorio Municipal.

Ao longo da semana disfrutaremos de diferentes actividades, algunhas no Auditorio Municipal e outras no colexio.

O luns 13 de maio teremos un encontro co grandísimo Antonio García Teijeiro, que estará na biblioteca con 1º e 2º de E.P.

O mércores 15 de maio estaremos no Auditorio Municipal coa magnífica Raquel Queizás que nos sorprenderá cunha historia sobre mulleres, cine e revolución.

E por último, o  xoves 16 de maio estaremos de novo no Auditorio Municipal cos inxeniosos Polo Correo do Vento, que realizarán una versión ilustrada dunha obra de Castelao.

SEMANA LIX RIANXO

Desde o 13 ata o 19 de maio celébrase a "Semana do libro infantil e xuvenil" de Rianxo. Durante esta semana haberá no auditorio diferentes actividades, tanto para os centros educativos, coma para as familias. Todo o alumnado vai levar un programa para a casa, pero aquí tedes unhas capturas por si o perdedes e vos interesa algunha actividade.

OBRA DE TEATRO EN INGLÉS

Hoxe, 8 de maio, os alumnos de segundo a sexto de primaria baixaron ao Auditorio Municipal para desfrutar dunha obra de teatro en inglés. Nesta ocasión a obra representada pola compañía Face2Face foi "Tarzan".

 

Gustounos moitísimo! 

APRENDENDO SOBRE O MEDIO AMBIENTE CON SOGAMA

A semana pasada tivemos unha charla sobre Educación ambiental levada a cabo por Sogama. Nesta ocasión asistiron os cuartos, quintos e sextos de Educación Primaria.

Ente outras cousas, lles explicaron datos curiosos sobre a regra das 5 Erres. Tamén recibiron un agasallo feito con materiais de refugallo.

Aprenderon moitísimo con esta experiencia!

MONICRECES NO AUDITORIO

O venres 3 de maio os alumnos de Infantil, primeiro, segundo e terceiron baixaron ata o auditorio. Disfrutaron dunha actuación de monicreces a cargo do Consorcio Editotial Galego.

Gustoulles moitísimo!

VISITA DE HÉCTOR CAJARAVILLE

O martes 9  de abril recibimos a visita do escritor  Héctor Cajaraville. Estivo con quinto de primaria.

I INTERCAMBIO DE LIBROS USADOS

Hoxe, 26 de abril, celebramos o " I Intercambio de Libros usados" no colexio.
Esta actividade foi organizado pola aula de sexto A e tivo moi boa acollida entre o alumnado.
Aquí podedes ver unha mostra de como se levou a cabo.

https://photos.app.goo.gl/X3ByvEG47TSZuoJc9

Fixeron un gran traballo. Para o ano repetimos?

FELIZ DÍA DO LIBRO

Hoxe, para conmemorar "O día do libro" tódalas aulas recibiron un agasallo moi especial.

Recordamos que "Un neno que le será un adulto que pensa".

VISITA DE ADRIÁN MORGADE

Hoxe, 8 de abril,  veu visitarnos o autor de cómics Adrián Morgade. Estivo cos alumnos e alumnas de primeiro e segundo e lles contou moitas cousiñas interesantes sobre a elaboración do seu cómic Xinfu na maldición guauchuky.

Vai facer unha segunda parte de Xinfu!

DIA INTERNACIONAL DO LIBRO INFANTIL E XUVENIL

O 2 de abril conmemórase o "Día Internacional do Libro Infantil e Xuvenil". Ademais de outras actividades, como máis nos gusta festexalo no noso cole é compartindo con vós o noso conto favorito. 
Aquí podedes ver un vídeo que fixeron os nenos e nenas de 5 anos B con moito cariño.

VISITA DE ÁNXELA LOUREIRO

O venres 29 de febreiro recibimos a visita da escritora Ánxela Loureiro para os terceiros. Veu falarnos dalgunhas das súas obras: Viaxe de ida e volta, Ota quere voar e Choiva de rás.

RECICLANDO COS BOLECHAS

A semana pasada recibimos a visita de Os Bolechas. 

Nesta ocasión viñeron para explicarlles aos nenos e nenas de terceiro a reciclaxe dos electrodomésticos. 

Aprenderon moitísimo!

SEMANA DA PRENSA

Esta semana é a "Semana da prensa na escola". 

Na biblioteca temos preparada unha exposición sobre a prensa: seccións dun xornal, partes dunha noticia...Tamén hai un expositor de prensa onde poderedes ler xornais de diferentes partes do mundo.

Animádevos a vir ata a biblioteca!

FLORES A ROSALÍA

Finalmente fixemos diferentes flores para conmemorar o nacemento de Rosalía de Castro.
Aquí tedes algunhas, cada unha ten o seu propio encanto, verdade?

VISITA DE PAULA CARBALLEIRA

Este martes 26 de febreiro recibimos a visita de Paula Carballeira. Nesta ocasión foron os terceiros e os cuartos os que disfrutaron das historias desta incrible escritora. 
Esta vez Paula ven falarnos do seu libro Bruxa e familia.

CONTACONTOS O COCIÑEIRO MARTIÑO

O 25 de febreiro o alumnado de Educación infantil, primeiro e segundo de E.P. baixaron ata o Auditorio de Rianxo para desfrutar dun contacontos levado a cabo por Iago López.

 Nesta ocasión o contacontos tamén era o escritor do libro  O cociñeiro Martiño.

Que ben o pasamos!

Por certo,  xa tedes na nosa biblio a segunda parte O cociñeiro Martiño e as cenorias desaparecidas.

EXPOSICIÓN DE ROSALÍA

Xa temos preparada a exposición sobre Rosalía de Castro na biblioteca. Gústavos?

CELEBRACIÓN DO 14 DE FEBREIRO CUN CONTACONTOS

O 14 de febreiro, día dos namorados como ben sabedes, os nenos e nenas de infantil foron á Biblioteca Pública Municipal de Rianxo escoitar un contacontos.
Nesta ocasión o libro escollido foi ¿Qué es el amor? de Davide Cali.

                                         https://photos.app.goo.gl/LQE6SuoXXeMGWfHw7




Ademais, os alumnos e alumnas de 5 anos prepararon uns fermosos vídeos explicándonos que era para eles o amor.

MÚSICA NA BIBLIOTECA

Hoxe no recreo os alumnos e alumnas de 3ºA ofreceron un pequeno concerto de frauta na biblioteca. Aquí tedes a mostra do ben que o fixeron.

Volvede cando queirades! 

CONTACONTOS

Hoxe tivemos un divertido Contacontos para educación infantil ofrecido pola Editorial Kalandraka. Nos contaron varios contos, entre eles  A Ratiña Presumida e O  Elefante Nunú. 
Pasámolo xenial!