Seres mitolóxicos

Algunhas aulas están investigando sobre seres mitolóxicos ou máxicos relacionados coa auga, este fermoso vídeo da biblioteca de Cespón vainos ser de gran axuda

As actividades relacionadas coa campaña e enlaces de interes irán aparecendo todos xuntos nesta páxina. Animádevos a usala!


Palabras que vas ler non as deixes correr.

NOVAS TABOÍÑAS

Os nenos e nenas de primeiro, e os de comezaron este curso no colexio, xa teñen as súas taboíñas para usalas na nosa biblioteca.

25 DE NOVEMBRO, CONTRA A VIOLENCIA DE XÉNERO

Algunhas clases elaboraron uns broches con motivo do 25 de novembro "Día contra a violencia de xénero"

TEN POUCA DIFERENÇA e unha canción do libro-disco "María Fumaça"  para empregar nas aulas de cara ao 25 de novembro:
Escoitaa!!

ARTUR E CLEMENTINA

Este ano  a editorial Kalandraka publicou este libro en galego. 

Nesta ocasión Adela Turín reivindica o rol feminino na sociedade, combate os estereotipos sexistas e denuncia a discriminación. 

Este conto axúdanos a traballar os valores .

View more presentations or Upload your own.

CASTAÑEIRAS NO RECUNCHO LITERARIO

Este venres apareceron no noso Recuncho Literario unhas fermosas castañeiras acompañadas da súa descrición e por detrás a unha canción popular do magosto:

Non chas quero,non chas quero,

castañas do teu magosto.

Non chas quero ,non chas quero,

que me cheiran ao chamosco.

E as señoras castañas escondían uns refráns do outono.

Animarse a expoñer as vosas creacións escritas!

Nova revista na nosa biblioteca

A partir deste mes na nosa biblioteca  NATIONAL GEOGRAPHIC KIDS

NON VOS OLVIDEDES DE BUSCALA NO RECUNCHO DE "COMICS E REVISTAS"

Día Internacional contra a Violencia de Xénero

Open publication - Free publishing - More 25n

MES DA TRADICIÓN ORAL

Non é a fonte da lenda.

LENDA

Conta a lenda, que nunha zona de Isorna que se chama Sestelo, hai unha fonte preto dun río. Chámase a Fonte das Meigas. Na noite de San Xoán, as meigas acércanse a esa fonte e reparten piollos á xente que lle queren mal.

Esta fonte sigue existindo hoxe en día con ese nome.

Lenda recollida por Maura 3º C. A ela contoulla a señora Juana (unha anciá da aldea).

MAGOSTO NA ESCOLA

O venres 16, celebramos o magosto.
O tempo acompañounos e así puidemos facer tódalas actividades programadas.
Queimamos os medos que escribíramos polo Samaín.
Xogamos ao crebacabezas, ao pano, carreiras de sacos,saltamos a corda e tamén turramos dela, a roubar castañas e apañalas e ao tragacastañas....
Conseguimos castañas de ouro, prata, bronce e diploma.
Logo para repoñer forzas comemos castañas a fartar.

PALABRAS QUE VAS LER NON AS DEIXES CORRER

O ciclo da auga estivo connosco nos xogos do magosto, así os nenos/as nunha das probas tiveron que construir este quebracabezas.

MAGOSTO

Pincha na imaxe e poderás ver un videoconto . Planeta Verde. Capítulo 9º. O magosto.

CURTAS DE OUTONO

EXPOSICIÓN LIBROS DE OUTONO

Unhas imaxes das curtas de outono na biblioteca e
 unha pequena mostra de nenos/as deseñando: porco espiños, froitos do outono, castañas, mazás, duendes ...... para decorar a nosa exposición de libros de outono da biblioteca.

Moitas grazas por axudarnos a levar a cabo estas actividades.

CARTEIS DO MAGOSTO

Unha canción para o magosto

MES DA TRADICIÓN ORAL

ADIVIÑA

Alto me vexo

no meu lugarexo;

non hai home nado nin por nacer

que de alí me poida mover.

Quen son?

MENTIRAS

Na miña vida tal vin

nesa aldea de Abuín,

unha cadela con pitos,

unha galiña con cans.

CURTAS DE OUTONO

KAMSHOUT Y EL OTOÑO

                                

O SAMAÍN DE PINOCHO

Os nenos e nenas de 1º B elaboraron este bonito conto colectivo.

Open publication - Free publishing - More cuento

MES DA TRADICIÓN ORAL

ADIVIÑA

Unha saba branca

sen algodón

que cobre a terra toda

e o río non.

Que son?

PARA SABER QUEN PANDA

Lata, Lata,

á redonda,

o que lle toque

que se esconda.

TRABALINGUAS

A criada do cura

cando vai á misa

cos pés pisa pallas,

cos pés pallas pisa.

CURTAS DE OUTONO

TRADICIÓN ORAL

ADIVIÑA

Alto pimpím,

ruín cabaleiro;

rómpelle a bolsa

e caélle o diñeiro.

REFRÁN

Se o mes de agosto vén

claro, bo magosto e bo nabo, 

se vén nubrado, pouca

castaña e nabo furado.

PARA SABER QUEN PANDA

Periquito moño

metido nun saco, 

sae para fóra,

cara de macaco

Os corredores están cheos de froitos do outono: noces, abelás, freixoas, granadas.... e de información sobre eles.

CURTAS OUTONO

CURTAS DE OUTONO

MES DA TRADICIÓN ORAL

ADIVIÑA

Ten pelexo coma a xente 

e é moi boa para comer;

Chega polo mes de Santos

e todo o ano a tes.

Que é? Que é?

REFRÁNS

O día de San Martiño, asa as castañas e proba o teu viño.

Castañas, noces e viño fan as delicias do San Martiño.

Búsqueda de información. Froitos do outono

POEMIÑAS PARA COLOREAR

Open publication - Free publishing - More otono

LER NA CASA

Si queres que na túa casa ninguén te moleste cando estás lendo.
Imprímeo, decorao e listo para usar.

Open publication - Free publishing - More colgador

MES DA TRADICIÓN ORAL

ADIVIÑA

Á medianoite

erguése o francés

Sabe da hora

e non sabe do mes.

Ten esporas

 e non é cabaleiro,

ten un fouce

 e non é labrego; 

toca a alborada 

e non é corneteiro; 

pica na pedra

 e non é pedreiro;

 cava na terra 

 e non gaña diñeiro.

Quen é?

Si sabes a resposta escríbenos.

Refrán:

O mes de novembro comeza con tódolos Santos e remata por San Andrés.

XOVES CONTO

Hoxe comezamos "O xoves Conto", os nenos e nenas de 1º A contáronnos " As aventuras de Pinocho".

A BIBLIOTECA ESTIVO ABARROTADA  E SAÍULLES MOI BEN!

De Buzón

DRÁCULA

Hai 100 anos que morreu o autor da novela Drácula, Abraham Stoker que foi levada ao cine moitas veces, na Voz de Galicia saíu unha nocia moi interesante si a queredes ver facede clic aquí.
Abraham "Bram" Stoker naceu o 8 de novembro de 1847 en Clontarf e morreu o 20 de abril de 1912 en  Londres foi un novelista e escritor irlandés, coñecido  pola súa novela DRÁCULA(1897).

MES DA TRADICIÓN ORAL

Ao longo deste mes irán aparecendo:

Xogos, arrolos, adiviñas, fórmulas para botar a sortes e saber quen panda, trabalinguas, cantigas de roda,......

que se ían transmitindo de boca en boca, de pais a fillos, de fillos a netos....

Comezamos cunha adiviña:

Para que eu baile

póñenme a capa

porque sen capa

non podo bailar;

a para que eu baile

tíranme da capa

porque con capa

non podo bailar.

Que é?

Si sabes a resposta escríbenos.

MOCHILAS VIAXEIRAS

As nosas 26 mochilas viaxeiras xa comezaron as súas viaxes hai 20 días.
Unhas imaxes do día que se foron repartindo polas aulas.
Esperamos que vos guste o seu contido e animávosvos a escribir nos cadernos de viaxe.

Este é o seu contido:

Open publication - Free publishing - More familias

Unidade Didáctica Magosto e Outono

CREANDO MONSTROS

Houbo aulas que inventaron monstros e logo describíronnos.

CONCURSO DE CABAZAS NO COLEXIO

 Houbo un  concurso de cabazas entre as distintas aulas. O único requisito para participar era que a cabaza de cada grupo fora feita na súa aula.

Houbo un premio para Infantil e outro para Primaria. Todos os grupos participantes obtiveron un diploma acreditando a súa participación e un pequeno sobre con caramelos.

Para a entrega de premios reunímonos todos/as o mércores 31 antes do recreo no porche grande. 
Moitos viñeron disfrazados!!

Gañaron  as cabazas de Trancas e Barrancas e a cabaza do Pallaso.

EXPOSICIÓN LIBROS DE MEDO

Nesta pequena exposición atoparedes algunhas novidades que mercamos.
Estará na biblioteca parte do mes de novembro,xunto co panel de "Corre Corre Cabaciña" para traballar este conto e facerlle cambios.

Árbores dos medos

Ao longo destes tres días, os nenos e nenas foron escribindo en cadansúa tarxeta os seus medos. Logo colgáronnas nas "Árbores dos medos".

 Estas tarxetas queimarémolas no Magosto.
A ver si se van os medos co lume!!

Os nosos corredores

Colocáronse nos corredores dos distintos ciclos, tramos de papel continuo negro para que os nenos e nenas decorasen con distintos motivos relacionados co Samaín.

Mirade unha pequena mostra!!

TARXETAS SORPRESA

 O día 31 outubro apareceron estas fermosas tarxetas en tódalas aulas do colexio.
Un misterio do Samaín!!! 
Noraboa aos seus autores e autoras!!

RECURSOS PARA O SAMAÍN

Proporcionados por o CEIP Victor Sáenz de Mazaricos.

Máis recursos dende a biblioteca de Cespón.

Open epublication - Free publishing - More actividades

E máis recursos dende o CEIP Mestres Goldar o Recanto de Mik