CHARLAS CEIDA

 Durante este curso o alumnado de 5° e 6° recibiu varias charlas do CEIDA (Centro de Extensión Universitaria e Divulgación Ambiental de Galicia) sobre a importancia da conservación do medio ambiente e medio mariño.

ALFABETIZACIÓN MÚLTIPLE

Aquí tedes unha mostra  de actividades realizadas polo alumnado de 3° ciclo empregando as TICS.

 E aquí outros proxectos de 3 ° de E.P. na que empregaron libros da BE para buscar a información necesaria.

FACEMOS TEATRO

 Os alumnos e alumnas de 1° de E.P. traballaron o teatro e fixeron un teatro de títeres con personaxes mitolóxicos. Aquí tedes unha mostra dos traballos de 1° A.

Os nenos e nenas de 3° B ilustraron o conto "Maruxa", de Eva Mejuto.  Logo, varios nenos contáronllo ao alumnado de infantil e 2° empregando o teatrillo xaponés kamishibai.

TRABALLOS SOBRE CASTELAO

 Aquí tedes unha mostra dalgunhas actividades sobre Castelao que se realizaron durante este curso.

Empezamos coa clase de 5° A que leu o libro Daniel no peirao. Despois da lectura do libro os nenos e nenas realizaron diferentes actividades.

O alumnado de 1°, 2° e 4° de primaria  elaboraron un mural de forma colaborativa basado nunha obra de Leandro Lamas na que homenaxeaba a Castelao.

Debuxos de Castelao realizados polo alumnado de 1° de E.P.

Os pequerrechos de Educación Infantil realizaron un " Roteiro de Castelao" por Rianxo.

CINEFORUM: CINEMA NAS AULAS.

 Hoxe o alumnado de 6º visionou cinco curtas moi diferentes entre sí e de diferentes lugares do mundo, como Francia ou Portugal, todas elas relacionadas coa igualdade de xénero. Na charla-coloquio posterior o alumnado falou de múltiples temas incluído o papel da muller no audiovisual.

LIÑA DA VIDA DE CASTELAO:

 

OBRADOIRO MEDIOAMBIENTAL: CABALGA

 Ao longo desta semana membros da asociación AMICOS estiveron co noso alumnado de primeiro e segundo de primaria explicándolles a labor que desempeñan na recuperación das gorgonias que veñen nas redes dos nosos mariñeiros. 

Mediante xogos ensináronlles cales son aqueles corais que se están a recuperar, e explícouselle o proceso de como se está levando a cabo dita actividade en lonxa.

I CERTAME DEBUXANDO A CASTELAO

 Estes son os debuxos gañadores do I Certame Debuxando a Castelao.

Moitas grazas a todos pola vosa participación!

OBRADOIRO DAS LETRAS GALEGAS

 Os nenos e nenas de 3° e 4° de E.P. realizaron un obradoiro de chapas polas Letras Galegas.

CELEBRACIÓN DAS LETRAS GALEGAS 2025

 Hoxe celebramos as Letras Galegas cun acto no porche de infantil. No cole hai moitas nenas e nenos que saben tocar a pandeireta, polo que o patio encheuse de alegría.

Os rapaces e rapazas estiveron ensaiando durante moitos días e todos se animaron a participar, desde os pequerrechos de infantil ata os maiores de 6º.

SERES MITOLÓXICOS: XOGAMOS?

 Animádevos a facer esta roda de preguntas sobre os seres mitolóxicos. Algúns están no dicionario mitolóxico e outros non. A ver cantos acertades. Sorte!

LETRAS GALEGAS 2025

Proposta de actividades para traballar as Letras Galegas. Picade na imaxe.

SAÍDA AO AUDITORIO

 Esta semana o alumnado de primaria baixou ao auditorio e desfrutou da obra "Pegadas de Castelao", levada a cabo por Migallas Teatro.

OBRADOIRO DE RECICLAXE

 Esta semana os nenos e nenas de E.I. desfrutaron dun obradoiro de Arte reciclado. Esta actividade foi levada a cabo pola Asociación Ámbar.

FESTA DO MAIO 2025

 Este ano volvemos facer o Maio entre todo o cole e fixemos un pequeno acto no porche de infantil. 

Os rapaces e rapazas de 6° elaboraron varias coplas que logo compartiron con todos nós.