LETRAS GALEGAS 2023: PROPOSTA DE ACTIVIDADES

 

Como ben sabedes, a persoa homenaxeada este ano nas Letras Galegas é Francisco Fernández del Riego.

Se picades na imaxe poderedes acceder á páxina do Seminario Galán, que como todos os anos, elaborou unha serie de actividades en liña e tamén para facer en papel.

Para facilitarvos un pouco esta busca, imos amosarvos varias actividades en liña que nos parecen máis interesantes. Ademáis, tedes á vosa disposición diferentes materias impresos xunto a  exposición  por se queredes fotocopiar.

Primeiro comezamos cun vídeo elaborado polos nenos e nenas de 5º de E.P.  do Colexio Pío X de Ourense sobre a súa vida e obra.

Seguimos con un genially para Educación Infantil.

Rematamos  cunha Ruleta,  un Xogo de memoria e un Pasapalabra para Educación Primaria:

NOVIDADES MES DE MAIO

 

LECTURA E FAMILIAS: III OBRADOIRO DE ROBÓTICA E LECTURA

 Recordade que este mércores temos outro obradoiro de robótica e lectura para 2° e 3°.

XOVES CONTO

 Hoxe fixemos o Xoves de Conto con Sarai, Eva, Yaiza e Sabela de 6° A.  Contaron A casa da mosca chosca.

CONTACONTOS: PACO NOGUEIRAS

 

Hoxe os nenos e nenas de Educación Infantil recibiron a visita de Paco Nogueiras, quen lles cantou varios dos contos que máis lles gustan, como Chibos, chibóns ou Do, Re, Mi.

Mirade que ben o pasaron!

LECTURA E FAMILIAS: II OBRADOIRO DE ROBÓTICA

 Recordade que este mércores temos outro obradoiro de robótica.

23 ABRIL: DÍA DO LIBRO

 O luns , como é tradición no centro, tódalas aulas recibiron un libro como agasallo da Xouba Castelao polo Día do Libro.

Rapaces de 4º A co seu agasallo.

Tamén fixemos o xogo do Amigo Invisible entre o profesorado con libros novos e usados.

Os nenos e nenas de Infantil, 1º, 2º e 3º desfrutaron dun contacontos da man de Xanela do Maxín, ofertada polo Consorcio Editorial Galego.

Tivemos Xoves Conto no recreo na biblioteca a cargo de Gabriela, Alexia e Carla, de 6º A, que contaron O pirata pata de lata.

O venres Valeria, Julia Suárez, Alba e Sabela  contáronlle un conto aos nenos e nenas das aulas de 4 anos.

Todos desfrutaron moitísimo!

VISITA DE BERTA DÁVILA

 Hoxe recibimos a visita da escritora Berta Dávila. Estivo  cos nenos e nenas de 6° e 4° B, que leron o libro Demetrio Demoscopio perdeu a chispa.

Moitas grazas Berta pola túa visita!

LECTURA E FAMILIAS: I OBRADOIRO ROBÓTICA E FAMILIA

Seguimos coas actividades para as familias. 

Agora seguimos cun obradoiro de robótica. 

Anotádevos e vinde á biblioteca a pasalo ben. Toda a información xa foi enviada por telegram e abalar ás familias.

CONTACONTOS E OBRADOIRO "A FAMILIA"

 Hoxe os nenos e nenas de 5 anos de E. I. e de 1° de E.P. desfrutaron dunha xornada escolar inclusiva realizada na biblioteca. Consistiu nun contacontos e obradoiro “A FAMILIA” impartida pola Fundación Igual Arte. 

Narra un conto sobre os tipos de familias: monoparentais, numerosas, dúas nais, dous pais, …Rematado o conto, no obradoiro “Creando a miña familia” cada nena e neno creou un bonito móbil colgante dunha persoa da súa casa.

Aquí tedes un pequeno vídeo da actividade.

XOGOS DE EDUCACIÓN RESPONSABLE

 Este mércores e xoves os rapaces e rapazas de 1º, 2º, 3º e 4º participaron nuns xogos de Educación Responsable.

MULLERES EXCEPCIONAIS

Aquí está o resultado final do proxecto Dálles voz. Fixemos unha parte para o 25 N e rematamos o proxecto para o 8M. Cada clase escolleu unha muller e fixo o debuxo nunha caixa. Logo investigou sobre a súa vida e cubriu unha ficha con diferente información. Por último, cada clase gravou un audio con información sobre a muller escollida e crearanse uns códigos QR para pegalos nas caixas e así poder ver a presentación e escoitar os audios coas tablets.

ACTIVIDADES 8 M

 Aquí tedes unha mostra dalgunhas das actividades que realizaron as aulas para conmemorar este día.

VISITA DE FON

 Hoxe estivo con nós, Fon, autor e ilustrador do cómic Cósmico, o bombeiro galáctico. Nesta ocasión estivo cos nenos e nenas de 1°.

Pasárono xenial!

VISITA DE PERE TOBARUELA

 Este luns Pere Tobaruela estivo co alumnado de 5° para falarlles do seu libro Formigas, misión Rosalía.

Foi un pracer recibirte de novo na nosa biblioteca.

ESPAZO FEDELLEIRO

 Esta semana os rapaces e rapazas de 1º estiveron no Espazo Fedelleiro realizando diferentes actividades sobre o corpo humano.

LECTURA E FAMILIAS: XOGOS DA NOSA CONTORNA

 Hoxe as familias desfrutaron dunha xornada de Xogos Populares

SENSIBILIZACIÓN A TRAVÉS DO XOGO CON AMICOS

 

Os nosos amigos da Asociación  Amicos volveron un ano máis ao noso cole a propoñernos interesantes actividades. 

Este ano, trouxéronnos uns xogos xigantes para sensibilizarnos sobre a importancia da reciclaxe e a contaminación do medio mariño.

Aquí tedes unha pequena mostra das actividades realizadas.

PLANTANDO ÁRBORES CON PINCEIS

 Hoxe sacamos os pinceis ao porche...e así de chulo quedou o noso porche de primaria. 

Este mércores, 8 de marzo,  a rapazada de sexto elaborou un mural colaborativo. Este mural  foi pintado con pinturas fotocatalíticas anticontaminantes que absorven e depuran os contaminantes que hai no aire, como os óxidos de nitróxeno e outros gases nocivos.

Cada metro cadrado desta pintura equivale ao efecto depurativo que provoca unha árbore adulta.

Os rapaces e rapazas de 5º decoraron bolsas de tea empregando as mesmas pinturas.

Trátase dun proxecto escolar pola sostibilidade levado a cabo pola Fundación Abanca. 

Aquí tedes unha mostra do que fixeron.

OBRADOIROS DE ROBÓTICA

 Durante esta semana o alumnado de 6º de E. Infantil, 1º, 2º, 3º e 4º de Educación Primaria participou nuns obradoiros de Robótica impartidos por Arenaria. Durante estas sesións traballaron nuns paneis sobres os ODS e contidos de sostibilidade con escornabots. Tamén con paneis sobre a fauna mariña e o corpo humano. Ademáis, fixeron construccións con Lego Wedo e puxéronas en marcha.

Aquí tedes un pequeno vídeo para que vexades o ben que o pasaron e o moitísimo que aprenderon.