CITA A CEGAS CUN LIBRO

 Unha das actividades propostas polo mes do amor foi a de "Cita a cegas cun libro". Todos os nenos e nenas quedaron encantados coas súas parellas e incluso as compartiron  co resto da aula. Recomendaron tamén o libro que lles tocou.

BIBLIOTECA CREATIVA: OBRADOIRO DE MÁSCARAS DE ENTROIDO

 Hoxe a rapazada de 4° de E.P. desfrutou dun interesante obradoiro de elaboración de máscaras de Entroido levado a cabo por  Pedras Artesanía.

Aquí tedes unha mostra dos resultados. Un grupo elaborou unha máscara dun Boteiro e o outro unha Bonita de Sande.

CASTELAO. PEITO DE LOBO

 Hoxe Marina Losada, contounos Peito de Lobo e como en Vai de Roda elaboraron o cabezudo.

11 FEBREIRO: DÍA DA MULLER E A NENA NA CIENCIA

 Hoxe contamos coa visita de Marta Conde Sieira, investigadora da Universidade de Vigo.

Durante este mes realizaremos diferentes actividades científicas na aula de Polos Creativos.

ACTIVIDADES MES DE ROSALÍA

 

XOGOS SOBRE CASTELAO

 Despois de analizar os carteis que elaborastes,  propoñémosvos varios xogos.

Empezaremos cunha Roda de  Castelao.

Despois tedes dous cuestionarios, un cuestionario con 15 preguntas para 2º ciclo e outro con 30 preguntas para 3º ciclo.

Para poder facelos tedes que ir ata o corredor do pavillón principal onde están os cartaces. Facede grupos e levade unha tablet por grupo e deste xeito podedes ir contestando as preguntas mentras atopades a información necesaria. Animádesvos?

CUESTIONARIO  2º CICLO

CUESTIONARIO 3º CICLO

Explore more at Quizizz.

DIA DA PAZ

Para celebrar o Día da Paz fixemos un pequeno acto no porche de Infantil no que participaron diferentes aulas.

 

ANO DE CASTELAO

 Durante este ano realizaremos varias actividades sobre Castelao xa que o noso cole leva o seu nome.

Empezamos cunha exposición sobre a súa vida na entrada do pavillón principal e un photocall no pavillón de E. Infantil.

Continuamos cunha liña do tempo. Cada aula investigou e fixo un cartel. Aquí tedes unha pequena mostra dalgún deles.

 

XORNADA DE PORTAS ABERTAS

Animádevos a visitar o noso cole!

Participamos en diferentes contratos Programa polo que os nenos e nenas participan en diferentes obradoiros ( reciclaxe, robótica, emocións, sostibilidade...). Tamén temos Club de Ciencia,  servizo de biblioteca polas tardes e un montón de actividades extraescolares organizadas pola Anpa.

 

NOVIDADES XANEIRO

 

CALENDARIO 2025

 Outro ano máis  colaboramos co EDLG na elaboración do calendario deste ano 2025. 

RECOMENDACIÓNS LECTORAS PARA O NADAL

 Como cada ano, aquí vos deixamos propostas de lecturas para o nadal.

25 N

 Para conmemorar este día fixemos dúas actividades.

Por unha banda, a proposta "Non camiñas soa", na que o alumnado trouxo un zapato de muller que pintamos de violeta no cole e que colocamos no porche de infantil facendo un gran lazo violeta.

Tamén a proposta "Non son fada nin princesa a quen mirar. Eu teño ás para voar". Fixéronse dous murais como un"photocall", un en cada pavillón, dunhas ás de fada. Empregando diferentes seres fantásticos o alumnado pensará en micromachismos e en solucións para eses micromachismos.

 

INAUGURACIÓN 2024-2025

 Pouco a pouco todas as aulas se achegaron ata a biblioteca para facer a inauguración deste curso.

Aquí podedes ver algunhas das actividades que realizaron.

Elixindo un libro para ler na biblioteca.

Búsqueda de información sobre seres mitolóxicos empregando tablets.

Colocando os seus seres mitolóxicos na porta da biblio.

Coloreando personaxes mitolóxicos para facer unha marioneta.

NOVIDADES MES DE NOVEMBRO

 Aquí tedes algúns dos libros que mercamos para traballar o PDI deste ano. Esperamos que vos gusten.

INAUGURACIÓN DA BIBLIOTECA 2024-2025: SOMOS FANTÁSTICOS E EXTRAORDINARIOS

 Nas vindeiras semanas faremos a inauguración da campaña deste ano que leva por nome "Somos fantásticos e extraordinarios".

Empezaremos investigando sobre Seres fantásticos e mitolóxicos. Aprenderemos moitísimo sobre  seres fantásticos  galegos e doutras partes do mundo e tamén produndizaremos en nós mesmos porque todos temos algo que nos fai ser fantásticos e extraordinarios.

Neste cartaz están as actividades que realizaremos para a inauguración.

Animádevos a facer esta sopa de letras!

 Tamén podedes facer este cuestionario. (2º E 3º CICLO)

Explore more at Quizizz

Ou este que é un pouquiño máis complicado...

MOCHILAS VIAXEIRAS

 Outro curso máis preparamos as "Mochilas viaxeiras". Este ano teredes que facer un ser mitolóxico imaxinario con material reciclado. Animádevos!

EMPEZAMOS O CURSO!

 Xa temos o mural case rematado para a inauguración da biblioteca para este curso 2024-2025.

Vistes ben o mural? Xa sabedes que imos traballar este ano no noso PDI? Pois sí, imos profundizar no interesante e misterioso mundo dos seres mitolóxicos e fantásticos, tanto de Galicia como de outras partes do mundo.
Teremos que investigar moitísimo ao longo do curso e faremos todo tipo de actividades. A Xouba Castelao volas irá amosando neste blog a medida que as vaiamos facendo.

A partir de hoxe a biblioteca estará aberta nos recreos e tamén polas tardes. 

É moi importante coñecer as "normas do uso da biblioteca escolar". Botádelle unha ollada a este cartel con toda a información.

SAÍMOS NO XORNAL

 E o vídeo dos nenos e nenas de 5° de E.P. gustou tanto  que ata saímos no xornal!

Picade no enlace para ler a noticia

DIARIO DE AROUSA

JALISIA NOTISIAS

 Para rematar este curso podedes ver este programa titulado "Jalisia Notisias" realizado pola rapazada de 5° de E.P.