FLORES A ROSALÍA

Finalmente fixemos diferentes flores para conmemorar o nacemento de Rosalía de Castro.
Aquí tedes algunhas, cada unha ten o seu propio encanto, verdade?

VISITA DE PAULA CARBALLEIRA

Este martes 26 de febreiro recibimos a visita de Paula Carballeira. Nesta ocasión foron os terceiros e os cuartos os que disfrutaron das historias desta incrible escritora. 
Esta vez Paula ven falarnos do seu libro Bruxa e familia.

CONTACONTOS O COCIÑEIRO MARTIÑO

O 25 de febreiro o alumnado de Educación infantil, primeiro e segundo de E.P. baixaron ata o Auditorio de Rianxo para desfrutar dun contacontos levado a cabo por Iago López.

 Nesta ocasión o contacontos tamén era o escritor do libro  O cociñeiro Martiño.

Que ben o pasamos!

Por certo,  xa tedes na nosa biblio a segunda parte O cociñeiro Martiño e as cenorias desaparecidas.

EXPOSICIÓN DE ROSALÍA

Xa temos preparada a exposición sobre Rosalía de Castro na biblioteca. Gústavos?

CELEBRACIÓN DO 14 DE FEBREIRO CUN CONTACONTOS

O 14 de febreiro, día dos namorados como ben sabedes, os nenos e nenas de infantil foron á Biblioteca Pública Municipal de Rianxo escoitar un contacontos.
Nesta ocasión o libro escollido foi ¿Qué es el amor? de Davide Cali.

                                         https://photos.app.goo.gl/LQE6SuoXXeMGWfHw7




Ademais, os alumnos e alumnas de 5 anos prepararon uns fermosos vídeos explicándonos que era para eles o amor.

MÚSICA NA BIBLIOTECA

Hoxe no recreo os alumnos e alumnas de 3ºA ofreceron un pequeno concerto de frauta na biblioteca. Aquí tedes a mostra do ben que o fixeron.

Volvede cando queirades! 

CONTACONTOS

Hoxe tivemos un divertido Contacontos para educación infantil ofrecido pola Editorial Kalandraka. Nos contaron varios contos, entre eles  A Ratiña Presumida e O  Elefante Nunú. 
Pasámolo xenial!

FEBREIRO: MES DE ROSALÍA E DO AMOR

Como ben sabedes, no mes de febreiro celebramos o mes de Rosalía de Castro e o amor.

Coma tódolos anos,  faremos lecturas e diferentes actividades sobre a autora.
Polo momento xa temos preparada unha escolma de libros sobre o amor.

Ademais xa estamos preparando xunto co Equipo de Dinamización da Lingua Galega as flores a Rosalía deste curso.
Esperamos que vos gusten tanto coma a nós!

DIA INTERNACIONAL DA MULLER E DA NENA NA CIENCIA

Hoxe, 11 de febreiro, é o Día Internacional da muller e a nena na ciencia.

Durante este mes estará na biblioteca unha exposición de mulleres docentes e un xogo de mulleres científicas galegas emprestado polo Servizo de Dinamización da Lingua Galega do concello e a biblioteca Anxel Casal, de Santiago de Compostela.

Animádevos a vir á biblioteca!

DÍA DA CANDELORIA

O luns catro de febreiro  celebramos o Día da Candeloria. Os nenos e nenas levaron para a casa un globo vermello cunha fermosa tarxeta sobre o casamento dos paxariños. 
Comeza febreiro, mes do amor....

DÍA DA PAZ

Para conmemorar o Día da Paz os nenos e nenas de 1º A ilustraron e aprenderon o poema de Xosé Neira Vilas "Cantarola dos nenos". Foron polas aulas a recitalo.
Fixérono moi ben!

Aquí tedes un pequeno vídeo

                                              

SEGUIMOS CON CONTACONTOS NA BIBLIOTECA

Esta semana dúas nenas de 6ºA, Sara e Marta, contaron durante o recreo "A noite das mudanzas".

Como podedes ver tiveron moito público e fixérono moi ben.

Moitas grazas e volvede cando queirades!

EXPOSICIÓN DE LIBROS SOBRE A PAZ

Como ben sabedes o día 30 conmemórase o Día da Paz. 

Desde a biblioteca fixemos unha escolla de diferentes títulos para traballar na clase.

Esta é a exposición que podedes ver na biblioteca.

Tempo de acivros, tempo de libros

Un ano máis os coles de Rianxo: o CEIP Ana María Diéguez de Asados, o CRA de Rianxo, o CEP Xosé Mª Brea Segade de Taragoña, o CEIP ADR Castelao  e a BPM Castelao  xuntámonos para ofrecervos unha escolma das últimas novidades de libros e música en galego para que agasalledes ou vos asagallen no Nadal.

Poderédelos atopar tamén nas diferentes bibliotecas en función das idades dos usuari@s.

                                               
                      
                       Un libro polo Nadal 
                           nunca está mal!

CONTACONTOS NA BIBLIOTECA PÚBLICA MUNICIPAL

Nesta ocasión Sofía contoulles aos alumnos e alumnas de Segundo de E.P. unha versión do libro El Cascanueces y el Rey de los ratones, xa que era o que estaban traballando na clase eses días.
Os alumnos elaboraron unha postal para desexarlles aos usuarios da biblioteca municipal un Bo Nadal e Feliz Ano 2019. 
De volta no colexio viron unha versión clásica de debuxos animados deste clásico de Nadal. 

Ademais, os alumnos de Segundo B elaboraron un cascanueces como decoración navideña.

MES DA CIENCIA EN GALEGO

No mes de novembro celebramos o mes da ciencia en galego. Na biblioteca preparamos unha pequena exposición sobre ciencia e cine. O alumnado tivo a oportunidade de facer diferentes actividades relacionadas co cine durante a súa sesión de biblioteca semanal e tamén durante os recreos. 

CHARLA CIM

O venres 30 de novembro recibimos a visita  do CIM de Boiro. A súa directora, María Ortega, xunto coa psicóloga e avogada do centro estiveron co alumnado de 5º e 6º de primaria e lles explicaron a labor que realizan.

Os nenos e nenas estiveron moi atentos e ao final lles fixeron moitas preguntas. 

Moitas grazas pola visita!

INAUGURACIÓN CURSO 2018-2019

No mes de outubro celebramos a inauguración da biblioteca para o curso 2018-2019. 
Tódolos cursos pasaron pola biblioteca onde fixeron diferentes actividades: visionado de curtas, obradoiros de lectura, etc.
Cada clase trouxo un debuxo sobre a temática do cine que despois se colgou no teito da biblioteca para comezar a ambientala.
Picade na foto para ver máis fotos dos diferentes cursos.

                                 

VISITA CULTURAL

O martes 27 e mércores 28 de novembro o alumnado de primaria asistirá á "XIX Mostra de Curtas Vila de Noia". Nesta mostra se proxectan curtas, tanto de ficción como de animación, creadas por profesionais e aficionados de diferentes partes do mundo.

EXPOSICIÓN O MAGO DE OZ

Durante os meses de outubro e novembro tivemos na entrada do colexio unha exposición con diferentes versións de O Mago de Oz. Algunhas clases tamén viron a película.