BIBLIO CEIP ADR CASTELAO

CANTOS LIBROS PARA APALPAR!

2012-01-31T07:20:00.002+01:00

O Apalpador é o personaxe que preside o tríptico de recomendacións de lectura para Nadal que elaboramos, un ano máis, as bibliotecas do CEIP Ana Mª Diéguez, do CEIP A.D.R. Castelao, do CEP Xosé Mª Brea Segade, do IES Félix Muriel e a Biblioteca Pública Municipal de Rianxo.
Xa sabedes, nestas vacacións tedes á vosa disposición unha boa escolma de libros e música para gozar en familia. Non esquezades incluír un libro entre os agasallos destas datas.

Open publication - Free publishing - More guia

Queremos agradecerlle á AMPA do colexio a súa colaboración xa que fixo posible podervos entregar os trípticos a cor.

Curtas de Nadal

2011-12-12T07:52:00.005+01:00

10 de decembro: Día dos Dereitos Humanos

2011-12-12T07:46:00.001+01:00

63 anos despois da súa proclamación, segue sendo necesario lembrar esta data, 10 de decembro, na que a Asamblea Xeral das Nacións Unidas aprobou a Declaración dos Dereitos Humanos.

Necesario porque nin tan sequera nos países que asinaron esta declaración están garantidos estes dereitos en igualdade de condicións para toda a poboación. Non hai máis que botar unha ollada ao noso arredor, asomarse ás noticias.

Mais aínda así cabe pensar que un outro mundo é posible, que hai arrecendos espallados no ar que nos permiten prender unha candea pola esperanza, por estas xeracións, hoxe nen@s, adolescentes, que medran nas nosas aulas, ao abeiro das nosas Bibliotecas -das súas lecturas, da súa información, da súa formación- nen@s e adolescentes que se implican ilusionad@s e con empeño en proxectos coma "Coñecernos para querernos", nun intercambio persoal e de coñecementos con nen@s dos campamentos saharahuis, para quenes a apertura dunha biblioteca con (o Bubisher) ou sen (O Niño do Bubi) rodas, supón moito máis que un mundo de oportunidades. Para acceder á ilusión, aos soños, á formación, ao coñecemento doutras culturas, doutro idioma.

E con esa candea acesa, brincan faíscas que prenden en case un cento de Bibliotecas Escolares Galegas, que por todo o país escollen cada unha un fermoso álbum ilustrado para agasallar a ese recén estreado Niño do Bubi, porque, coma nas nosas propias Bibliotecas, toda inauguración é unha festa. A esa festa que é a lectura, nesas bibliotecas acubilladas na area, queremos enviar estes álbumes como aves portadoras de boa sorte, como bubishers* cheos de cor, imaxes, historias. Porque as nosas bibliotecas, @s nos@s lectores e lectoras, compartimos co Bubisher, cos lectores e lectoras das súas bibliotecas a crenza firme nos Dereitos Humanos, dende o seu 1º artigo: "Tod@s nascemos libres e iguais en dignidade e dereitos"

* O bubisher (Oenanthe leucopyga e Oenanthe leucura) é un paxariño tímido que vive na Península e tamén en África, aquí chamámoslle collalba negra e no Sáhara o seu nome significa paxaro da boa sorte, no dialecto hassaní é Bubchir بوبشير (o da boa nova) porque adoita aniñar e criar despois das choivas, o que quer dicer que medrará a herba, algo moi importante para quen ten gando.

Bubisher é tamén o nome dun autobús-biblioteca que circula entre os campamentos do Sáhara para levar lectura e información. Ou sexa, unha biblio... pero con rodas!!!

Se queredes unirvos á iniciativa de Álbumes para o Bubisher, só tedes que poñer os vosos datos xunto ao resto das Bibes Galegas.

Música e DDHH

Texto de Maribel Serantes (CEIP Os Casais)

Imaxe atopada aquí

XA ME TARDAN ESTES MAGOS

2011-12-06T15:03:00.008+01:00

Mamá Cabra acaba de sacar un novo libro-disco

XA ME TARDAN ESTES MAGOS

ten textos de Antón Cortizas, Antonio García Teijeiro, Gloria Sánchez e Gloria M. Roel convertidos en cancións

Xa está dispoñible na biblioteca.

Hai clases que xa están aprendendo algunhas destas cancións para a semana que vén cantar Cantos de Reis na biblioteca.

Non sabes o que son os Cantos de Reis? ( Leo na entrada de abaixo en "Falando, falando e co galego xogando")
_

FALANDO, FALANDO E CO GALEGO XOGANDO

2011-12-06T14:00:00.002+01:00

Como en outras ocasións, o Equipo de Biblioteca e de Normalización Lingüística elaboraron unha recompilación de ditos, refráns, tradicións... relacionadas coas conmemoracións deste trimestre.

Sabedes o que son os Contos e Cantos de Reis?

Ídevos informando xa que se está preparando algo... Manterémosvos informados!

Open publication - Free publishing - More cantigas

BUBISHER

2011-12-06T13:22:00.006+01:00

Un dos nosos escritores favoritos Gonzalo Moure (Palabras de Caramelo) membro de "Escritores por el Sáhara" comentou nalgunha biblioteca do PLAMBE (Plan de Mellora de Bibliotecas Escolares de Galicia, do que nós formamos parte) a súa colaboración co proxecto

BUBISHER

que comezou como un bibliobús que achegaba libros ós nenos dos campamentos Saharauis.

Grazas ó esforzo destes escritores e de moitas persoas esta iniciativa medra cada vez máis.
(Para máis información picade na imaxe)

Moitas bibliotecas escolares de Galicia estanse sumando á iniciativa de doar un albúm ilustrado para aumentar os fondos do Bubisher.

E, por suposto, o colexio A.D.R. Castelao de Rianxo tamén se suma.

Eleximos o libro Enamorados de Rebeca Bautremer da editorial Kónikos.

Un fermoso libro ilustrado que dentro de pouco lles enviaremos e estamos seguros lles vai encantar.
.

Día da Constitución

2011-12-06T12:59:00.006+01:00

Hoxe, Día da Constitución, quérovos recomentar este libro moi apropiado para esta data.

Espero que vos guste.

A Xoubiña

CONTOS CON ARTISTAS

2011-11-19T09:52:00.002+01:00

As aulas de 2º elaboraron un conto colectivo no que o protagonista ou protagonistas son artistas moi coñecidos e queren compartilos con todos vós.

2º A quere que disfrutedes de "As Cores de Leonardo da Vinci"

Open publication - Free publishing - More comportamento

2º B espera que vos guste "Un Cadro Feito por Amigos"

Open publication - Free publishing - More book

2º C agasállavos co conto "Una Escuela en el Bosque"

Open publication - Free publishing - More education

Poemiñas e cancións para nos divertir!

2011-11-19T07:54:00.002+01:00

O equipo de biblioteca e dinamización da lingua galega elaborou este recompilatorio de poemas e cancións sobre o outono e o Magosto. Moitos de vós xa vos sabedes uns cantos e estádelo pasando fenomenal recitanto, cantando, rapeando...

Open publication - Free publishing - More magosto

Coñecedes algún outro que vos gustaría compartir con todos? Pois escribídeo nos comentarios! Si queredes tamén poden ser refráns, adiviñas... incluso as podedes inventar vós.
.

A maldición do Magosto

2011-11-16T18:40:00.002+01:00

Os alumnos/as de 2º C prepararon para todos nós este conto sobre o Magosto con bonecos de plastilina. Presentarano no Xoves Conto. Non vos olvidedes de ir seguro que nos sorprenden coa posta en escena coma sempre.

Open publication - Free publishing - More conto

O Magosto xa está aquí!

2011-11-16T17:39:00.004+01:00

Ola a todos e todas

Este venres, día 18, celebraremos o Magosto.

Esperemos que non chova!

Xa estades traendo as castañas, os froitos do outono, decorando os pasillos, recompilando adiviñas, refráns... visitando as exposicións sobre as froitas e froitos do outono...

E, por suposto, como moitos de vós nos comentastedes que vos gustaron as curtas do Samaín...

VENDO CURTAS DO MAGOSTO NOS RECREOS!!!

Non te enterastes? Pois, aínda estás a tempo. Ademais, cada día é unha diferente.

Por certo, mañá xoves 17 haberá un CONTACONTOS MOI ESPECIAL.

NON FALTEDES!!!!!
_

Exposición sobre Castelao

2011-11-09T16:53:00.006+01:00

Estes días estivo na Aula de Video unha exposición sobre un dos veciños ilustres do noso pobo, Alfonso Daniel Manuel Rodríguez Castelao polo que recibe o nome o noso colexio.

Aprendemos moitas cousas sobre él e as cousas importantes que pasaron na súa vida.

Xa que este curso a campaña da biblioteca é sobre Arte centrámonos tamén na súa faceta de artista. Ademais, deixovos aquí un vídeo que atopei en youtube onde podedes ver os seus debuxos, pinturas, caricaturas...

Xa saíron as Mochilas Viaxeiras!

2011-11-09T07:55:00.005+01:00

A semana pasada o equipo de biblio, axudado por uns magníficos colaboradores, xa repartiu as Mochilas Viaxeiras a tódalas aulas. Agora só tedes que esperar a que viaxen ás vosas casas. Moitos de vós non facedes máis que preguntar asi que, aquí vos deixo a proba de que xa sairon. Esperamos que poidades disfrutar delas o ante posible.

Este ano por primeira vez incluímos un libro para os papás e mamás. Queremos agradecerlle á Biblioteca Municipal que nos emprestara os libros xa que nós non temos literatura de adultos. MOITAS GRAZAS, SOFÍA!!!

Por certo, PAPÁS e MAMÁS animámosvos a que vaiades á Biblioteca Municipal e, de paso que os "peques" da casa collen libros para eles, lle votedes un vistazo á sección de adultos e desempolvedes os vosos carnés de biblioteca.

Que foi o que máis vos gustou das Mochilas Viaxeiras que tivestedes na casa ata o momento? Que vos gustaría que houbese nelas e non hai? Esperamos os vosos comentarios!!!!
.

UN SAMAÍN DE MEDO

2011-10-24T21:02:00.009+02:00

Gústanvos os contos de medo?
E as pelis de medo?

Sodes atrevidos?
Sodes dos que non lle tedes medo a nada...

Non vos perdades esta semana as curtas que proxectamos durante o recreo na biblioteca.

Cal foi a que máis medo vos deu? Cal foi a que máis vos gustou?
Gustouvos esta actividade? Queredes que a repitamos máis veces? Que tema vos gustaría?

24 de outubro, DÍA DA BIBLIOTECA

2011-10-24T20:22:00.007+02:00

.
Hoxe é o Día da Biblioteca e por iso, decidimos comezar neste día tan sinalado a "inauguración oficial" da biblio no curso 2011-2012.

Hoxe foron á biblioteca os máis pequerrechiños do cole, os nenos e nenas de 3 anos. Ao longo desta semana e da que vén iremos todos/as á biblioteca a recordar as normas, ver o novo mural da porta e facer actividades especiais relacionadas coa arte.

Irémosvos contando o que fan os pequenos grandes artístas dos vosos compañeiros/as.

A que xa vos apetece saber que ides facer vós?

Deixovos aquí o cartel que Emma Ríos, artista galega que traballa en Marvel Cómics, diseñou para celebrar este día nas Bibliotecas Galegas. (Si picades no seu nome tedes máis información sobre ela e os cómics que axudou a debuxar)

Benvidos ó curso 2011-2012

2011-09-28T07:32:00.004+02:00

Ola a todos e todas. Benvidos de novo ó cole!

A música fai que estemos alegres. Por iso, para empezar con moito ánimo este curso escolar, a banda da Escola de Música de Rianxo invitounos o pasado martes día 20 ao Auditorio Municipal a escoitar o concerto "As músicas no cinema infantil".

A verdade é que o pasamos moi ben recordando as nosas pelis favoritas: La Sirenita, Aladdín, La Bella y la Bestia...

Que parte do concerto che gustou máis? Por que?

Que linguas falas?

2011-09-07T08:15:00.003+02:00

.
Queridos amigos/as:

Os alumnos/as de 5º C estiveron moi atarefados a finais do curso pasado recadando datos sobres as linguas que se falan entre nós. Entrevistaron a 80 persoas entre familiares, amigos e veciños! Moitas grazas a todos os que colaborastedes.
Este traballo ía ser publicado na revista escolar "Ondiñas veñen" pero por misterios da informática non foi posible. Aproveitamos para facer público aquí o resultado do seu traballo. Sentimos moito o ocurrido.

A Xoubiña Castelao

Open publication - Free publishing - More enquisa

SALVANDO LIBROS

2011-06-07T07:23:00.003+02:00

Moitísimos libros están a ser salvados nas nosas bibliotecas, que organizan as súas propias exposicións e actos.

Esta é só unha pequena escolma dos que representan a cada un dos centros que participaron na actividade.

Salvar un libro consiste en aprender de memoria un pequeno fragmento para simbolizar a asimilación de todo o seu contido. Entón xa seremos unha persoa-libro e poderemos preservalo para sempre.

A idea está baseada na obra de Ray Bradbury “Fahrenheit 451”.

Esta é a escolma de libros que representan aos centros de Educación Infantil

Open publication - Free publishing - More biblioteca

Esta é a escolma de libros que representan aos centros de Educación Primaria

Open publication - Free publishing - More biblioteca

Esta é a escolma de libros que representan aos centros de Ensino Secundario e algúns persoeiros relacionados co mundo das letras e a cultura

Open publication - Free publishing - More carteles

ESTA ACTIVIDADE FOI COORDINADA DESDE AS BIBLIOTECAS ESCOLARES:

IES LUIS SEOANE DE PONTEVEDRA

ESCOLA UNITARIA DE VIDE

A INSOPORTABLE LEVEDADE DAS BIBLIOTECAS ESCOLARES GALEGAS

2011-06-07T07:04:00.002+02:00

Ante a previsible retirada de formadores específicos no ámbito das bibliotecas escolares no Servizo de Formación do Profesorado, no Centro Autonómico de Formación e Innovación e nos centros de formación e recursos dependentes da Dirección Xeral de Educación, Formación Profesional e Innovación Educativa, segundo o borrador da orde que convocará concurso público de méritos para cubrir postos de persoas directoras e asesoras nestes centros queremos manifestar o seguinte:

Hai proxectos que nacen marcados pola vulnerabilidade e a razón desta circunstancia non ten nada que ver coa falta de rigor ou a pouca entrega das persoas que os poñen en marcha. Máis ben ten que ver co feito de que nacen destinados a nadar contra corrente. Con todo, esa é a principal razón da súa existencia: xorden porque responden a unha necesidade non satisfeita pero compartida por un número crecente de persoas que senten que é posible compartir e facer viable o proxecto xuntos. Así naceu o movemento que cristalizou na iniciativa que todos coñecemos como PLAMBE. De xeito que dende hai algúns anos, esa iniciativa levou o mellor da creatividade e o esforzo de moitos docentes que xenerosamente regalaron o seu tempo e a súa capacidade de formar equipos e ilusionar a outros docentes en centros e centros de toda a nosa comunidade. Xuntos aprendemos a ser rigorosos e esixentes nos nosos proxectos, a crear espazos de aprendizaxe colaborativo, de cambios de estratexia, de achegamento ás novas tecnoloxías, de racionalización na xestión da información. Que ninguén se equivoque: os responsables das bibliotecas escolares non son seres evanescentes perdidos en vanas quimeras que tentan “roubar” horas a materias “importantes” para que o alumnado esmoreza entre mundos de ficción. Nada máis lonxe da realidade. Nun centro onde hai un equipo que xestiona a biblioteca de forma eficaz nótase. Os fondos adquírense con criterio, establécense acordos para xestionar a información, créanse espazos de colaboración e docencia compartida. Non é doado porque a maquinaria educativa ten unhas inercias difíciles de combater. A pesar de todo, estes docentes fórmanse e exercen a súa dura misión en horas non retribuídas, roubadas ás súas familias, ao descanso, ao lecer. Fomos coordinados con rigor e seriedade pola Asesoría de Bibliotecas Escolares pero sempre nos faltou o marco legal axeitado. A nosa misión é dura porque queda moito por definir. Na nosa inxenuidade e boa fe esperabamos conseguir progresivamente tempos e formación para seguir mellorando na nosa función se demostrabamos que eramos rigorosos e eficaces. Os nosos méritos como colectivo son dabondo coñecidos polos nosos gobernantes e acreditados por diferentes administracións e ámbitos a nivel estatal. Os numerosos e constantes premios anuais de boas prácticas concedidos polo Ministerio de Educación y Ciencia non caeron do ceo. Durante todos estes anos a formación recibida foi fundamental para levar a cabo actuacións rigorosas e enfocadas na dirección correcta.
Sabemos das cuantiosas axudas que a Dirección Xeral de Educación, Formación Profesional e Innovación Educativa, destina a outros proxectos, dos incentivos para a elaboración de contidos dixitais por parte das empresas editoriais, entre outras iniciativas. Non sería tamén interesante fomentar a produción de materiais propios e promover desde cada centro a estandarización de procedementos que axuden a xestionar a información entre o noso alumnado sen confiar todo a eses materiais externos que proceden da industria editorial, por valiosos que poidan ser? Por que non seguir aproveitando a experiencia e valía dos equipos das bibliotecas escolares nestes cometidos?. O noso empeño sempre foi crear nos centros pequenos focos que tentan estender esas boas prácticas de innovación e excelencia. Non entendemos este novo e repentino xiro na política de formación desta Dirección Xeral. Non nos parece xusto posto que, podemos dicir honestamente que, pola nosa banda, cumprimos con fartura. Ao desmantelar as estruturas que nos sosteñen o deterioro será proporcional ao entusiasmo e o esforzo investidos: inmenso e imparable. Algúns lembramos como o noso Conselleiro lanzou un bico ao aire ao despedirse dos asistentes aos últimos encontros despois dunhas entusiastas palabras de eloxio polos éxitos logrados polas bibliotecas escolares galegas a nivel estatal. Onde quedou ese entusiamo? Que interpretación debemos facer? O noso país pode permitirse tirar pola borda todo este traballo? E nós?. En que situación quedaremos agora diante das nosas comunidades educativas se despois de tanta insistencia é a propia Consellería a que nos invisibiliza?.

Colectivo dos equipos das bibliotecas escolares integradas no PLAMBE (Plan de Mellora das Bibliotecas Escolares Galegas)

O claustro de profesores do C.E.I.P. A.D.R. Castelao de Rianxo apoia unánimemente este escrito.

Guía de lectura do 2º trimestre

2011-05-19T10:03:00.001+02:00

Open publication - Free publishing - More poesia

2011 ANO INTERNACIONAL DOS BOSQUES

2011-05-04T07:48:00.005+02:00

A ONU declarou o 2011 Ano internacional dos bosques; por este motivo, desde o 2º trimestre, vimos realizando actividades relacionadas co medioambiente encamiñadas a coñecelo mellor e fomentar o seu coidado facendo un especial fincapé na importancia da reciclaxe.

Estamos preparando unha exposición con todos os traballos que aportaron as familias feitos con material de refugallo sobre a temática do mar e o medioambiente. Está quedando chulísima.

Pero... aínda a estamos ambientando entre todos. Pedímosvos, queridas familias, que agardedes un anaquiño máis pois abrirémola para que a vexades co gallo da celebración do Día Mundial do Medioambiente, 5 de xuño.

Manterémosvos informados. Estamos seguros de que estades desexando vela xa toda rematada ó igual que todos nós!

Se premedes na imaxe tedes máis información sobre os bosques e a súa importancia para todos nós.

Os que queirades podedes ir dándolle pequenas pistas ás vosas familias ou comentando que foi o que elaborastedes para a exposición. Recordade, o blog aliméntase dos vosos comentarios.

A música dos "peques" do cole

2011-05-04T07:37:00.003+02:00

O profe de música dos "peques" do cole creou este blog onde se recollen as cancións que están traballando. Non me estraña que canten tan ben.

Esperamos que vos guste!

Non vos olvidar de facer comentarios nel!

Xa está enlazado en "mi lista de blogs" pero tamén tendes un hipervínculo na imaxe.

Darabuc

2011-05-04T07:08:00.004+02:00

Queremos darlle as gracias a Darabuc, Gonzalo García Rodríguez, por enviarnos o seu libro Tres han de ser? para que poidamos desfrutar del.
Podedes atopalo na sección de Novidades.

Non vos olvidedes de ler a súa fermosa dedicatoria para o noso cole.

Se queredes coñecer un pouco este libro premede sobre a imaxe e se queredes saber máis sobre él podedes visitar o seu blog no enlace que hai no seu nome.

Moitísimas grazas Darabuc!

Con ollos de xornalista

2011-04-01T07:11:00.005+02:00

.
Como xa mencionamos anteriormente, o 28 de marzo veu unha periodista do xornal galego ``La Voz de Galicia´´ ao noso centro. O alumno de 6ºA David Galbán Ces fíxolle unha entrevista, que quere compartir aquí con todos vós:

Nome: María

Idade : 29 anos

De pequena que querías ser?

Avogada

Como xurdiu a idea de ser xoxrnalista?

Cando iba en 5º de E.G.B. parecíame divertido.

Cando publicaches o teu primeiro artículo?

Con dezaoito anos. Facendo as miñas promeiras prácticas. Iba en primeiro de carreira.

Cal foi a noticia máis impactante que fixeches?

Unha sobre un neno de nove anos que escribiu un libro contando as súas experiencias mentres superaba o cáncer.

En que sección che gustaría máis traballar?

Na que traballo: Sanidade

Canto tempo che leva facer un reportaxe?

Depende, pero mais ou menos 2 horas.

Recibiches malas críticas?

Tanto boas coma malas.

Cal foi a noticia máis grande que publicaches?

Una sobre uns mariñeiros aos que non lle deixaban pescar no Gran Sol, en Cedeira.

Como te enteras das noticias?

Polas fontes informativas, pero sobre todo falando coa xente na rúa.

Traballas na casa ou noutro sitio?

Traballo na oficina, pero tamén, coma dixen antes, na rúa.

Cantas noticias publicas ao día?

Máis de dez.

Gustache dar charlas?

Moito

Les o periódico ou entéraste das cousas no traballo?

Leo moitos periódicos.

Se puideras ter calquera traballo, cal sería?

Este

Que hai que facer para ser xornalista?

Estudar xornalismo e gustarche ler e escribir.

MARZO, MES DA POESÍA

2011-03-29T18:39:00.007+02:00

O 21 de marzo celébrase o Día Mundial da Poesía coincidindo co comezo da primavera. Estes días temos a sorte de ter no colexio a Maleta Viaxeira de Poesía da Asesoría de Bibliotecas Escolares de Galicia. Os libros están expostos dentro da biblioteca para que todos poidamos desfrutar deles con moito agarimo.

Ademais, están previstos varios recitais poéticos na biblioteca ó longo desta semana para os cales seleccionamos poesías que falan do mar.

Manterémosvos informados e sacaremos moitas fotos para poñer na páxina web.
_

Mil cousas poden pasar...

2011-03-29T18:09:00.006+02:00

... e unha delas é que Jacobo Fernández Serrano, autor e ilustrador de libros como A gardería de Dona Bixelmina, A pedra e as formigas, Mil cousas poden pasar... e de cómics como Los amigos de Archimboldo Roque visite o COLEXIO.

Pois si, hoxe os alumnos de 6º, 1º e 2º quedaron entusiasmados cando puideron coñecer a Jacobo.

Pero Jacobo tamén quedou contentísimo ó ver todo o que traballaran os alumnos/as para decorar a biblioteca con cómics, ilustracións dos seus personaxes, as portadas dos seus libros... e incluso unha pequena representación do seu libro A pedra e as formigas.

NENOS CON OLLOS DE XORNALISTA EN RIANXO

2011-03-29T18:04:00.005+02:00

.
Este luns día 28 de marzo unha xornalista que, por certo vive aquí en Rianxo, e unha "cámara" de La Voz de Galicia visitaron o colexio dentro das actividades da Semana da Prensa e da Muller traballadora (8 de marzo, que coincidiu coas vacacións de entroido). Pero, para que vos vou contar máis... deixemos que sexa ela mesma quen nos faga a crónica da súa visita porque
SAIMOS NO XORNAL.

A verdade é que ós alumnos/as de 4º, 5º e 6º fíxolles moita ilusión.

Si picades na foto poderedes ler o artigo en La Voz de Galicia. es

Treasure Island

2011-03-29T17:37:00.006+02:00

O pasado venres 25 de marzo o alumnado de primaria foi ó Auditorio Municipal a ver
" Treasure Island",
unha versión da obra A Illa Do Tesouro de Robert Louis Stevenson adaptada pola compañía Face to Face.

Pola cantidade de gargalladas que se oíron, incluso ata fóra da sala, debéronno de pasar moi, pero que moi ben.

Que foi o que máis vos gustou?

Non sexades tímidos/as deixade os vosos comentarios!

Si picades na foto poderedes ver a galería de fotos que está colgada na páxina web do cole.

O Noso Mundo, O Noso Futuro, A Nosa Opción

2011-03-29T17:11:00.007+02:00

Neste trimestre, ademais de continuar traballando a campaña de lectura sobre o mar, estamos traballando diversos temas relacionados co medioambiente; por iso, e xunto co Equipo de Dinamización da Lingua Galega, trouxemos ao colexio a exposición do CEIDA " O Noso Mundo, O Noso Futuro, A Nosa Opción" que o alumnado visitou entre o 15 e o 23 de marzo na Aula de Video.
O alumnado que visitou a exposición realizou diversas actividades: desde visionar o documental a buscar información nos paneis, escoitar a historia do Rainbow Warrior... e todos e todas sairon convencidísimos da importancia de COIDAR O MEDIOAMBIENTE.

Si picades encima dos logos poderedes ver máis información sobre a exposición e o CEIDA.

"O SABOR DA AVENTURA ESTÁ NO MAR"

2011-03-04T07:07:00.003+01:00

Ola a tod@s:

Onte os alumnos de 1º, 2º e 3º de Primaria pasáronno en grande coñecendo a Pescada e ós seus amigos da man dunha cociñeira e dun pescador ben simpáticos.

A que o resto tamén tedes gañas de coñecelos?

Pronto será posible. Cargade ben as pilas comendo peixe durante estas vacacións de entroido e á volta, o venres 11, o resto dos alumnos de Primaria poderedes disfrutar coas súas aventuras.

Mentres tanto podedes premendo na foto tedes un enlace á páxina da Xunta desta campaña con debuxos, fondos de escritorio, xogos, contos...

Por certo, que tal a fideúa de mexillón e o resto dos pratos que comeredes no comedor? Cal é o que máis vos gustou? Cal foi o máis orixinal?

Esperamos os vosos comentarios!!!

A expedición dos libros

2011-02-04T14:14:00.007+01:00

Ola a tod@s:

Como fai uns días o autor Vicente Muñoz Puelles veunos visitar e os libros oírono falar, un dos exemplares do seu libro "La expedición de los libros", decidiu ir en busca de lectores que o fixesen cobrar vida.

Así que, animádevos, BUSCÁDEO acaba de saír do colexio na túa procura.

Se eres afortunado e o atopas lee a carta que leva dentro e por favor, escríbenos unha mensaxe para dicirnos que está ben e por onde anda.

Moitas grazas,

A xoubiña preocupada.

Aquí vos queda unha foto para saber como é a portada.

Hoxe visítanos María Menéndez-Ponte

2011-02-01T07:42:00.005+01:00

Ola a tod@s, hoxe visita o cole a persoa que me inventou, María Menéndez-Ponte, que vén para falar cos nenos e nenas de 3º e 4º sobre un amigo meu "Retoñito". Esta noite paseime pola biblioteca, que está super chula, porque os nenos e nenas crearon os seus propios "Retoñitos" para que María os vexa. Estou seguro de que lle encantará.

Eu disfruto moitísimo cada vez que María inventa novas aventuras das que son protagonista e me fan aprender moitas cousas. Espero que o pasedes tan ben con ela como o paso eu cada vez que algún neno ou nena abre algún dos meus libros e me fai vivir aventuras. E no vosos cole vívoas tódolos días.
Moitas Grazas!
Pupi

Xa falei coa xoubiña Castelao para que os profes saquen moitas fotos e as poñan na páxina do cole.

Vicente Muñoz Puelles

2011-02-01T07:26:00.004+01:00

A semana pasada os alumnos e alumnas de 5º e 6º de primaria tiveron o pracer de coñecer ó autor de La expedición de los libros, Vicente Muñoz Puelles. Díxome un paxariño que ó autor lle encantara todo o esforzo e agarimo con que os rapaces lle demostraran o entusiasmo que despertara o seu libro neles sobre todo por todo o traballo que se tomaron para facer os murais, os traballos e a orixinalidade demostrada ó permitir que os libros "cobraran vida".
Aquí tedes unha foto da súa visita ó noso cole. Pronto estarán na páxina web do cole máis fotos. En canto estea lista a galería enlázoa desde o blog.

Non vos olvidedes de comentar qué foi o que máis vos gustou, sorprendeu, ou recomendar o libro (xa que sei que a moitos de vós vos encantou pero aínda non o vin pola sección de recomendacións).

Enhoraboa a tod@s polo esforzo e por facer que o autor se sentise tan a gusto.

Benvidos de novo á biblio !!!!!

2010-10-10T11:57:00.005+02:00

Gústavos o novo mural da entrada da biblioteca?
Que buscarán estes nenos e nenas no mural?
Que lles esperará dentro da biblio?
Por que están vestidos de mariñeiros e mariñeiras?
Terá a vestimenta algo que ver coa campaña deste trimestre?

Estate atento! Estamos inaugurando a biblioteca!
Cando che toca?

Non te olvides de deixar os teus comentarios no blog!
.

UXÍO NOVONEYRA

2010-05-18T14:11:00.004+02:00

.
Este ano o autor homenaxeado nas letras galegas é Uxío Novoneyra. O vindeiro venres 21, despois do recreo, celebraremos o acto comunitario do Día das Letras Galegas onde recitaremos parte da súa obra e se fará a entrega dos premios do 3º Concurso de Contos do noso cole.

Estade moi atentos!

Se queredes aprender máis sobre Uxío premede na súa imaxe e atoparedes unha escolma de materiais feitos pola Biblioteca Milladoiro de Malpica.

O Galo Quirico no Auditorio Municipal

2010-04-23T01:19:00.005+02:00

Co gallo da celebración "Abril Mes dos Libros" a compañía Seisdedos vai representar este sábado día 24 de abril no Auditorio Municipal de Rianxo

O Galo Quirico

NON VOS OLVIDEDES DE IR!

Por certo, o blog ALIMÉNTASE DOS VOSOS COMENTARIOS, asi que contádenos o que máis vos gustou, o que máis vos sorprendeu...

23 de abril, Día do Libro.

2010-04-23T00:44:00.004+02:00

Neste día tan especial, o Día do Libro e dos Dereitos de Autor, apareceron no cole uns carteis coa resposta de persoeiros que moitos de nós coñecemos moi ben: Fina Casalderrey, Anxo Fariña, Concha Blanco, Anxo Moure... a moitos deles incluso os coñecemos en persoa!
Foi toda unha sorpresa xa que os profes levaban uns días dándonos "a tabarra" con que lles responderamos á pregunta:

Para que les?

Esta iniciativa partiu do blog da ONG "Implicadas para o desenvolvemento" á que se sumaron máis de cen colexios e institutos de toda Galicia entre os que nos atopamos NÓS.

Os carteis foron diseñados por Jaime Eizaguirre Santillán, arquitecto e ilustrador, que quixo colaborar coas bibliotecas escolares de Galicia nesta fermosa iniciativa.

Podedes ver máis respostas de persoeiros coñecidos nesta presentación que fixo o CEP Milladoiro de Malpica.

¿A cantos coñecedes? ¿Cal foi a que máis vos sorprendeu?

Non vos olvidedes que TOD@S PODEDES PARTICIPAR CON NÓS NESTA INICIATIVA DEIXANDO AQUÍ AS VOSAS RESPOSTAS!

Basta con que fagades un comentario nesta entrada.

Moitas Grazas a tod@s os que colaboraron nesta iniciativa.

Lume!

2010-03-18T07:33:00.003+01:00

Hoxe, no Auditorio Municipal, os alumnos/as de Infantil a 4º de Primaria verán representada unha adaptación da obra Lume! de Alberto Varela Ferreiro. Moitos tivemos a sorte de coñecer ao autor fai dous anos cando veu á Biblioteca a falarnos da súa obra.
Por certo, xa temos na biblioteca 2ª entrega da mesma colección Dona Landra no Río Revolto que pronto estará en Novidades.

Será capaz Dona Landra de vencer a Dona Lapa?

Recomendacións

2010-02-21T00:00:00.005+01:00

Acabas de ler algo interesante?
Compárteo con tod@s nós.

Hai contos, novelas, poesías, cómics, revistas... un MUNDO enteiro de cousas por ler. Tanto que se nos poden escapar lecturas magníficas. Non permitas que iso suceda!
Fai un comentario e fálanos brevemente sobre o que che gustou e por que.

Non esquezas citar o título e o autor!

Seguro que moitos compañeiros e compañeiras agradécenche as túas suxestións.

SONRISAS Y MANDILONES

2010-02-20T11:04:00.004+01:00

Grazas aos comentarios de tod@s. Vós sodes os que facedes que o blog da biblio e todo o traballo que pasan os que colaboran nela vala a pena.

Os blogs son unha forma de contarvos o que facemos e de enriquecernos todos aprendendo e compartindo. Por iso, quero darlle as Grazas en especial a Dylan 4ºC que nun dos seus comentarios nos informou de que a aula de 4 anos B ten o seu propio blog onde nos contan o que van facendo.
Chámase "SONRISAS Y MANDILONES" podedes visitalo premendo no enlace que ten o nome do blog nesta entrada ou directamente en "Mi lista de blogs" (xa está enlazado)

NORABOA E BENVIDOS!!!!

Estamos de Noraboa!

2010-02-07T16:02:00.004+01:00

O Centro Virtual do Ministerio de Educación para a mellora da lectura en todas as áreas e en todos os formatos Leer.es acaba de incluír unha entrada no seu blog recoñecendo a importancia dos blogs das bibliotecas escolares de Galicia. Noraboa a todos!

Eso inclúenos!!!!

Se non me creedes lede a entrada do blog leer.es "Las bibliotecas escolares 2.0 en Galicia" (tedes un hipervínculo na palabra blog) e buscádenos na lista de blogs de Primaria.

E o máis importante, ademais de sentirnos orgullos@s debemos seguir contribuíndo a esta enorme tarefa facendo comentarios.
_

DÍA ESCOLAR POLA PAZ E A NON VIOLENCIA

2010-02-07T15:20:00.004+01:00

Este ano celebramos o Día Escolar pola PAZ e a NON VIOLENCIA o venres 29 de Xaneiro despois do recreo (Imaxes na páxina web do cole). Ademais, coñecemos algúns dos persoeiros e as institucións que recibiron o Premio Nobel da Paz. Visitamos a exposición, que axudaron a elaborar alumnos de 6º, e que se completou coas mensaxes que non puideron voar no globo.

Bo Nadal ao Calor dos Libros

2010-01-03T18:31:00.003+01:00

A guía de lecturas deste Nadal fíxose conxuntamene cos colexios C.E.I.P. Ana Mª Diéguez (Asados) e C.E.P. Brea Segade (Taragoña). Esperamos que esteades pasando un BO NADAL AO CALOR DOS LIBROS.

BO NADAL E FELIZ 2010

2009-12-30T16:08:00.007+01:00

.
Desde a Coordinadora Galega de Equipos de Normalización e Dinamización Lingüística recibimos esta fermosa postal que queremos compartir con tod@s.

Desde a Biblioteca desexámosvos que o ano 2010: Ano Santo, Ano Internacional do libro e a lectura, ano de Uxío Novoneyra... nos traia saúde, felicidade e moitas e moi boas lecturas a tod@s.

"Monster Madness"

2009-12-13T12:20:00.007+01:00

Este luns 14 de decembro os alumnos/as de primaria acudirán ó Auditorio Municipal a ver a obra de teatro en inglés "Monster Madness" adaptada da novela epistolar (contase a través de cartas) Frankenstein da autora Mary Shelley.

O ano pasado, Face to Face xa nos fixo disfrutar coa obra "Tarzan, the lord of the Apes". Cal vos gustou máis? Que foi o que máis vos gustou de Frankenstein? Douvos medo nalgún momento? Queredes ver outra obra o próximo curso?
Non vos olvidedes de deixar os vosos comentarios!
Atrevédesvos a facelos en inglés?

DÍA DOS DEREITOS HUMANOS

2009-12-11T00:34:00.002+01:00

UNHA IMAXE VALE MÁIS QUE MIL PALABRAS E UNHA ACCIÓN VALE MÁIS QUE MIL IMAXES. TODOS XUNTOS/AS PODEMOS CAMBIAR MOITAS COUSAS. ATREVÉSTE?
.

FROITOS DO OUTONO

2009-11-11T23:24:00.004+01:00

No cole de Cespón fixeron este magnífico traballo sobre os froitos do outono.
Dámoslles as gracias por compartilo con nós.
Imos aprender moitas cousas interesantes.

¡ NON VOS OLVIDEDES DE VISITAR AS NOSAS EXPOSICIÓNS DOS FROITOS DE OUTONO!

Por certo, o blog da biblioteca de Cespón xa aparece como "blog amigo" picade nel e poderedes ver outras moitas cousas interesantes.
.

CLUBE DE LECTURA

2009-11-08T02:51:00.006+01:00

¿GUSTACHE A LECTURA?

¿ESTAS FARTO DE LEER SO?

¿LES EN CALQUERA SITIO?

¿QUERES FALAR DE LIBROS?

SE ERES ALUMNO/A DE 5º OU 6º

SE ESTAS DISPOSTO/A A VIR AS REUNIONS

SE QUERES DISFRUTAR COS LIBROS

SE DESEXAS FORMAR PARTE DO 1º CLUBE DE LECTURA DO NOSO COLE

¡ANOTATE XA! ¡QUEDAN POUCAS PRAZAS!

(os axudantes de biblioteca anotaranche e daranche a informacion necesaria)

Data limite inscripcion: mercores 11 de novembro

-

"Rato Pincho"

2009-10-28T21:19:00.006+01:00

¡ Estade atentos !
"Rato Pincho" vainos visitar.

Nos próximos días Rato Pincho vainos visitar para contarnos a súa historia e inaugurar "oficialmente" a biblioteca este curso.

Non vos olvidedes de traer os vosos ratiños e ratiñas convosco para adornar a biblioteca.
.

"O mundo en galego"

2009-09-30T23:41:00.004+02:00

Aínda estades a tempo!

Apuntádevos xa!

Moitos dos vosos compañeir@s, papás, mamás... xa desfrutaron das actividades que comezaron hoxe na Biblioteca Municipal e foron de viaxe por... mellor que o conten eles (esperamos os vosos comentarios)

Se queredes saber máis sobre as actividades premede na foto.

.

Benvid@s ao curso 2009-2010 !

2009-09-10T00:48:00.011+02:00

Ola a tod@s|

Despois dun verán un tanto pasado por auga esperamos que teñades ganas de volver ao cole.

Esperámosvos a tod@s na biblio pero...
TEDE MOITO COIDADO!
este verán, de tanto que chovía, os ratiños e ratiñas de Rianxo invadiron a biblioteca do noso cole. Están empapándose de historias divertidas, intrigantes, sorprendentes...

¿Atrevédesvos a facerlles compañía?
.

OS NOSOS DESEXOS

2009-05-29T16:19:00.001+02:00

Grazas a todos os alumnos, alumnas, pais, nais... que participastedes nesta fermosa iniciativa. De entre todos os desexos, os elexidos foron estes oito:

DESEXAMOS:

1) Que todos os nenos e nenas do mundo sexan ricos lectores e poidan disfrutar dos libros e imaxinar historias fermosas.
2) Poder facer maxia para resolver a todo o mundo os seus problemas.
3) Que as mascosas de tódalas bibliotecas cobren vida.
4) Non ver NUNCA montes queimados, sen cores....
5) Encontrar a vacina para erradicar a violencia.
6) Un mar limpo para os nosos peixes.
7) Ver o mundo cun sorriso pintado.
8) Seguir imaxinando mundos fantásticos coa axuda dos libros.

Agora, queremos convidar a un cole amigo o C.E.I.P. Quintela de Moaña xa que nos gusta moito o seu blog, "biblioteca do cole" que temos en favoritos.

Ana Mª Fernández cos "peques" do cole

2009-05-27T22:38:00.000+02:00

Fai pouco visitounos Ana Mª Fernández para falar cos nenos e nenas de infantil e 1º ciclo da súa obra. Entre todos axudaron a decorar a biblioteca (vinde a visitala) e quixéronlle dar unha sorpresa á autora recitándolle e incluso rapeándolle algúns dos seus poemas.

Temos uns videos moi pequerrechiños para compartir convosco.

Perdoade a calidade ¡Aínda estamos aprendendo! Dentro de pouco poñerémosvos imaxes da actividade.

Ana Mª Fernández visitará o cole o 18 de Maio

2009-05-17T17:29:00.000+02:00

Os alumnos de infantil e 1º ciclo estiveron traballando
este fermoso libro de Ana Mª onde nos conta contos dun
xeito totalmente distinto ao que estamos acostumados.

Ademáis, todos colaboraron para sorprender á autora e
aos demáis alumnos/as e profesores/as do colexio coa
decoración da biblioteca.

Vinde ver a biblioteca e levade unha das moitas obras
que temos desta autora. Non volas podedes perder!

"Imos inventar un conto, un conto de fantasía;
se non fora polos contos que triste todo sería!"
(Ana Mª Fernández)

CADEA DE DESEXOS

2009-04-25T10:10:00.001+02:00

Os nosos veciñ@s do C.E.P. Brea Segade de Taragoña acábannos de convidar a formar parte dunha fermosa inciativa:

"Unha cadea de desexos"

Debemos escoller oito desexos e convidar a outro colexio a participar. ¡Esperamos as vosas aportacións!

Podedes ler no seu blog da biblio os desexos que eles pediron.

24 de abril, Os alumnos de 6º D visitarán a Biblioteca Municipal

2009-04-23T00:41:00.000+02:00

Seguindos cos actos de conmemoración de "abril mes dos libros",
os alumnos de 6º D visitarán a biblioteca municipal.

Realizarán unha sesión de introducción á banda deseñada,
BD, é dicir, cómic. E coñecerán un pouco a obra de David Prieto Seijo,
que visitará a Biblioteca Municipal o vindeiro sábado 25 de abriL ás 11 da mañán.

AS PRAZAS SON LIMITADAS ASÍ QUE APÚNTATE CANTO ANTES.

Cómic de Trasmallo "O tesouro de carraxe Sieiro".
Trata sobre RIANXO.
Seguro que coñecedes moitos lugares.
¿Atrevédesvos a comprobalo?

23 de abril, presentación oficial do blog do colexio

2009-04-23T00:31:00.000+02:00

Hoxe, 23 de abril, "Día do Libro e dos Dereitos de Autor" tódolos alumnos de Primaria do colexio coñecerán o blog da biblioteca e o seu funcionamento.

Esperamos, que vos guste. Fixémolo con moita ilusión e ESPERAMOS OS VOSOS COMENTARIOS NOS DISTINTOS APARTADOS.

Un saúdo,
"Xouba Castelao"
(Mascota do colexio)

Os alumnos de 3 anos visitarán a Biblioteca Municipal

2009-04-23T00:13:00.000+02:00

Mañán, "Día do Libro de dos Dereitos de Autor, os alumnos de 3 anos visitarán a Biblioteca Municipal. Algúns irán por primeira vez. ¡Están moi emocionados!

Alí, Sofía contaralles o conto "A noite das mudanzas" da editorial OQO
que de seguro lles vai gustar.

Esperamos as fotos da actividade para poder enseñárvolas.

ALUMNOS DE 1º NA BIBLIOTECA MUNICIPAL

2009-04-21T23:32:00.000+02:00

Os alumnos de 1º visitaron a biblioteca municipal
nun día moi especial, o 2 de abril,
"Día do Libro Infantil e Xuvenil".
Coñeceron a obra da autora Concha Blanco, que visitou
a biblioteca municipal o sábado 4 de abril.
As súas obras quedaron na biblioteca para que as vise a
autora e todos aqueles que pasedes por alí.

Os alumnos de 4º B traballamos o COMIC

2009-04-20T16:44:00.000+02:00

No segundo trimestre traballamos o continente de Oceanía.
Lemos "Un Conto Australiano".
Fixemos varias versións en cómic deste conto.
Eleximos a que máis nos gustou e querémola compartir con todos vós aquí.
DESEXAMOS QUE VOS GUSTE.

2 de Abril: Día do Libro Infantil e Xuvenil

2009-03-29T19:56:00.000+02:00

Neste día tan especial os alumnos de primeiro visitarán a biblioteca municipal.
Coñecerán a obra da autora CONCHA BLANCO.
Esta autora visitará a biblioteca municipal o vindeiro sábado 4 de abril.
¡ANIMÁDEVOS A IR A VELA!

Recomendámosvos os seguintes libros dela:

Tedes estes e outros títulos en préstamo na biblioteca do cole.
Consultade o catálogo da nosa biblio.

A Loca-Motora

2009-03-16T17:23:00.000+01:00

O 29 de febreiro os alumnos de Primaria disfrutaron da obra "Carlota e Marieta dan a volta ao Planeta" unha adaptación do libro A volta ao mundo en 80 días de Jules Verne, que estamos a traballar neste trimestre.

Se queres volver a ver un anaco da representación fai clic na imaxe do póster.

Gustouche? Deixa a túa opinión nos comentarios.

MOCHILAS VIAXEIRAS

2009-03-16T16:25:00.000+01:00

OLA! Son a Mochila Viaxeira.

Estade atentos!

A partir de hoxe visitarei as vosas casas.